Պատերազմ է ՝ ուղղակի առանց ռումբերի. մարդիկ են մահանում, հարյուրավորները առողջական լուրջ խնդիրների առաջ են կանգնել. Արցախի ԱԺ պատգամավոր

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/28/2024 21:58 Ավտովթար Երևան-Սևան ավտոճանապարհին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Պատերազմ է ՝ ուղղակի առանց ռումբերի. մարդիկ են մահանում, հարյուրավորները առողջական լուրջ խնդիրների առաջ են կանգնել. Արցախի ԱԺ պատգամավոր 02/10/2023 19:18 | ԼՐԱՀՈՍ

Իրավիճակն Արցախում օր օրի, ժամ առ ժամ փոխվում է, բնականաբար, դեպի վատը։ Ներկա դրությամբ եղանակային վատ պայմաններ են, երկու օր է՝ ձյուն է տեղում, բավականին ցուրտ է։ Ու միայն այն, որ այս պայմաններում գազամատակարարումը խափանված է, օրական վեց ժամ հոսանք չի լինում, պետք է որ պատկերացնեք, թե ինչ վիճակում են այստեղ ապրող մարդիկ։

Այս մասին «Փաստինֆո»-ի հետ զրույցում ասում է Արցախի ԱԺ պատգամավոր Մետաքսե Հակոբյանը։

«Մարդիկ չեն պատրաստվում համակերպվել այս վիճակին, բայց գիտակցում են, որ սա պայքարի շատ կարևոր փուլ է, և հնարավոր է, որ այս ամենի արդյունքում որոշվի ոչ միայն Արցախի, այլև Հայաստանի ու ողջ հայության ճակատագիրը։ Կարծում եմ՝ պարզ է, որ այսքան զրկանքների միջով անցնում ենք՝ հանուն մեր նպատակի, այն հույսով, որ մի օր կկարողանանք միանալ մայր Հայաստանին։ Արցախում յուրաքանչյուրը զգում է պահի լրջությունը, ուստի մարդիկ չեն ընկճվում, չեն բողոքում»,-շեշտում է Հակոբյանը։

Արցախի ԱԺ պատգամավորն ընդգծում է՝ սա պատերազմ է առանց ռումբերի, քանի որ ավելի քան երկու ամիս տևող շրջափակման հետևանքով հարյուրավոր մարդիկ առողջական լուրջ խնդիրների առաջ են կանգնել։

«Ավելի քան երկու ամիս է՝ պլանային վիրահատություններ չեն կատարվում Արցախում։ Ու եթե վիրահատական միջամտություններով դրա կարիքն ունեցող մարդկանց հնարավոր կլիներ նորմալ կյանքի վերադարձնել, ապա արդեն երկու ամիս է՝ դա անհնար է։ Փաստացի, պատերազմ է ընթանում, ռումբեր չեն պայթում, բայց հարյուրավոր մարդիկ ծանր վիճակում են»,-ասում է Մետաքսե Հակոբյանը։

Շեշտելով ավելի քան երկու ամիս հազարավոր երեխաների՝ կրթության իրավունքից զրկված լինելու փաստը՝ տիկին Հակոբյանը գազամակատարարման խափանման հետևանքով կրթական հաստատությունների աղետալի վիճակն է մատնանշում։ Արցախի՝ կենսական նշանակության ենթակառուցվածքների աշխատանքը խափանելուց, առողջության, ազատ տեղաշարժի իրավունքը խախտելուց զատ, Ադրբեջանն ավելի քան երկու ամիս է՝ խախտել է նաև արցախցիների նորմալ սնվելու իրավունքը։

«Արցախի դպրոցներն ու մանկապարտեզները մեծ մասամբ փակ են. սակավաթիվ դպրոցներ են անցել փայտով ջեռուցման, այն էլ՝ դասապրոցեսը կազմակերպվում է հիմնականում բարձր դասարանցիների համար։ Բավականին մտահոգիչ է մանկահասակ երեխաների վիճակը։ Ավելի քան երկու ամիս է, որ նրանք զրկված են վիտամիններով հարուստ սնունդ ստանալու հնարավորությունից։ Խիստ սահմանափակ սննդակարգն իր հետևանքները դեռ նկատել է տալու, ցավոք»,-նշում է Հակոբյանը։

Այդուհանդերձ, մեր զրուցակիցը շեշտում է՝ Արցախում չկա ո՛չ խուճապ, ո՛չ քաոս, ինչը, ըստ նրա, նաև Արցախի իշխանությունների քիչ թե շատ ճիշտ աշխատելաոճով է պայմանավորված.

«Չեմ կարող ասել, թե որքանով են արդյունավետ աշխատում իշխանությունները, բայց այն, որ փորձում են մարդկանց կարիքները քիչ թե շատ բավարարել, ակնհայտ է։ Մարդիկ էլ ընմբռնումով են մոտենում իրավիճակին, քանի որ, ինչպես ասացի, յուրաքանչյուրը գիտակցում է այս պայքարի կարևորությունը ու նաև այն, որ պայքարը ոչ միայն արտաքին, այլև ներքին թշնամիների դեմ է»։

Արտաքին դերակատարներից ու, այսպես կոչված, միջազգային հանրությունից Հակոբյանի խոսքով, արցախահայությունը որևէ ակնկալիք չունի, չնայած Ադրբեջանի գործողությունները դատապարտող բազմաթիվ հայտարարություններ են հնչել։

Հակոբյանը ցավով նկատում է՝ ոչինչ չասող հայտարարությունները գործողությունների վերածելու համար շահագրգիռ կողմը՝ ի դեմս ՀՀ իշխանությունների, բավարար ջանք չի թափում կամ էլ՝ չի ուզում թափել։

Աղբյուր` Փաստինֆո