Արցախի Մարտունու արհեստագործական ուսումնարանն էներգետիկ անկախություն կունենա

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:58 Ավտովթար Երևան-Սևան ավտոճանապարհին 04/28/2024 21:45 Վաղը այս հասցեներում լույս չի լինի 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Արցախի Մարտունու արհեստագործական ուսումնարանն էներգետիկ անկախություն կունենա 12/29/2022 15:27 | ԼՐԱՀՈՍ

Խոշոր նվիրատվությամբ Shtigen Group-ի «Արևածագ Արցախում» նախագծին է միացել Telcell ընկերությունը. ամանորի կորպորատիվ նվերների փոխարեն Արցախի արևածագին հատկացված 7.4 միլիոն դրամը կուղղվի Մարտունու արհեստագործական ուսումնարանի լիակատար արևայնացմանը։

Telcell ընկերությունը, շուկայում դիրքավորվելով որպես վճարահաշվարկային ազգային օպերատոր, կարևորում է համայնքային զարգացման ծրագրերին աջակցությունը։

«Այս տարի որոշել ենք մեր գործընկերների հետ միասին ներդրում ունենալ Արցախի երիտասարդների մասնագիտական զարգացման գործում։ Էներգետիկ անկախությունը ներկայումս կարևորագույն առաջնահերթություններից է Արցախի համար։ «Արևածագ Արցախում» նախագիծը կենսական հարց է լուծում․ արևային վահանակների և ջրատաքացուցիչների շնորհիվ Մարտունու արհեստագործական ուսումնարանը կապահովվի էլեկտրաէներգիայով և տաք ջրով․ դա կնպաստի կրթօջախի բնականոն գործունեությանը։ Կարծում ենք՝ նոր հմտությունների ձեռքբերումը լուրջ և երկարաժամկետ հեռանկար է ստեղծում ապագայի համար»,- նշում է Telcell ընկերության գլխավոր տնօրեն Համբարձում Դանելյանը:

Ուսումնարանում 2023-ի տարեսկզբին կտեղադրվի հիբրիդային ֆոտովոլտային կայան և 2 արևային ջրատաքացուցիչ, որոնց շնորհիվ կրթարանը կունենա մշտական անվճար տաք ջուր և էլեկտրաէներգիա։

«Մեզ համար գնահատելի է, որ խոշոր ընկերությունները գիտակցում են ռազմավարական նշանակության այս ծրագրի կարևորությունը։ Telcell-ն այս իմաստով եղավ առաջամարտիկ՝ ցուցաբերելով կորպորատիվ ազգային պատասխանատվության օրինակելի վարքագիծ»,-ասում է Shtigen Group-ի հիմնադիր տնօրեն Հայկ Շեկյանը։

Ուսումնարանում սովորում է շուրջ 120 պատանի ոչ միայն Մարտունի քաղաքից, այլև մերձակա համայնքներից: 3-ամյա կրթությունը մասնագիտական 7 ուղղություններով է՝ «վարսավիրական արվեստ և զարդարային դիմահարդարում», «կարի արտադրության տեխնոլոգիա», «հարդարման և շինարարական աշխատանքների իրականացում», «հասարակական սնունդ», «տրանսպորտային միջոցների շահագործում և նորոգում», «գյուղատնտեսական աշխատանքների տեխնիկական ապահովում» և «մեքենաների ու մեխանիզմների էլեկտրասարքավորումների տեխնիկական շահագործում»:

«Կրթությունն ազգի առաջընթացի, զարգացման առաջին նախապայմանն է, դրան նպաստելը՝ պարտավորություն ու պատասխանավություն։ Shtigen Group-ի հետ համագործակցությունն այս նախագծի շրջանակում շարունակական բնույթ է կրելու․ զարգացման վեկտորները շատ են, և մենք պատրաստվում ենք ընդլայնել աջակցության հորիզոնները»,- նշում է Համբարձում Դանելյանը:

Արևային սարքերը տարեկան կխնայեն մոտ մեկ միլիոն դրամ, որով ուսումնարանը կհոգա իր` հատկապես պատերազմից հետո ավելացած կարիքները։

«Այս իրավիճակում, երբ Արցախն աշխարհին կապող ճանապարհը պարբերաբար փակվում է, թշնամին զրկում է մեզ գազից, էլեկտրական ցանցի ծանրաբեռնվածության պատճառով էլեկտրաէներգիան է անջատվում, արևային սարքերը կարող են դառնալ էական այլընտրանք և մեծ խնդիրներ լուծել։ Բացի այդ, նախատեսում ենք տնտեսված միջոցներով ձեռք բերել ուսումնական պրոցեսի համար անհրաժեշտ սարքեր, գործիքներ»,- ասում է ուսումնարանի տնօրեն Արտակ Սարգսյանը, որը թե՛ Ապրիլյան, թե՛ 44-օրյա պատերազմում տասնյակ ընկերների հետ պայքար է մղել թշնամու դեմ՝ անառիկ պահելով իր ծննդավայրը՝ Մարտունին։

TelCell-ը «Արևածագ Արցախում»-ին միացել էր դեռ ամիսներ առաջ՝ հնարավորություն ստեղծելով նախագծին նվիրատվություններ կատարել նաև Telcell տերմինալներով և Telcell Wallet էլեկտրոնային դրամապանակով։

«Արևածագ Արցախում» նախագծի նպատակն է` արևային էներգիայի օգտագործմամբ Արցախում հաստատել էներգետիկ անկախություն և անվտանգություն։ Shtigen Group-ի միջոցներով, անհատների, սփյուռքի մեր հայրենակիցների, հայկական կառույցների օժանդակությամբ Արցախում ավելի քան 130 տուն ապահովված է մշտական տաք ջրով։ Նախագծի շրջանակում արևային կայան ու արևային ջրատաքացուցիչներ են տեղադրվել նաև Ստեփանակերտի «Արևիկ» մանկական հիվանդանոցում։

Հ․Գ․ Երբ զանգահարեցինք Մարտունու արհեստագործական ուսումնարանի տնօրեն Արտակ Սարգսյանին՝ տեղեկացնելու, որ նման ծրագիր է իրականացվելու, արձագանքից ինքներս հուզվեցինք։ Ասաց՝ «չեք պատկերացնի, թե այս օրերին ի՜նչ նշանակություն ունի մեզ համար այս լուրը. սիրտներս լցվեց»։

Աղբյուր` Փաստինֆո