Պատմուճանով չեմ ծնվել, պատմուճանով չեմ էլ հեռանալու. Դատավոր Աննա Փիլոսյան (տեսանյութ)

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 21:45 Վաղը այս հասցեներում լույս չի լինի 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 21:58 Ավտովթար Երևան-Սևան ավտոճանապարհին 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ)

Պատմուճանով չեմ ծնվել, պատմուճանով չեմ էլ հեռանալու. Դատավոր Աննա Փիլոսյան (տեսանյութ) 12/22/2022 17:53 | ԼՐԱՀՈՍ

Նիստ նախագահելը գեղեցիկ պատմուճան հագնելն ու գեղեցիկ բազկաթոռին բազմելը չէ, ինչպես թվում է կողքից։ Միայն դատավորները՝ պատմուճան կրողները, գիտեն թե՛ պատմուճանի ծանրությունը, թե՛ աթոռի ծանրությունը։ Այս մասին ԲԴԽ-ում նիստի ընթացքում հայտարարել է Երևանի ընդհանուր իրավասության դատարանի դատավոր Աննա Փիլոսյանը։

Ինչպես արդեն տեղեկացրել ենք՝ ՀՀ արդարադատության նախարարությունը միջնորդություն է ներկայացրել ԲԴԽ՝ Երևանի ընդհանուր իրավասության դատարանի դատավոր Աննա Փիլոսյանին կարգապահական պատասխանատվության ենթարկելու մասին: Դատավորի նկատմամբ վարույթը հարուցվել էր փաստաբան Գայանե Պապոյանի ֆեյսբուքյան գրառման առնչությամբ, ըստ որի՝ դատավոր Աննա Փիլոսյանը պարզեցված կարգով քննված գումարի բռնագանձման պահանջի վերաբերյալ գործով կայացված վճիռը տրամադրում է վճռի հրապարակումից 2 տարի անց, այն էլ միայն դիմումի հիման վրա։
«Իսկ ամենահետաքրքիրն այն է, որ այս ընթացքում պարտապան ընկերությունը հասցրել է սնանկ ճանաչվել։ Մոռացա նշել, որ հայցի ապահովման միջնորդությունն էլ մերժել էր։

Նշված հրապարակման հիման վրա ԱՆ-ում ուսումնասիրություններ են կատարվել եւ հուլիսի 28-ին ԱՆ ՎԾ վարչության պետ Հայկ Սանոյանի կողմից փաստաբանին գրություն է հասցեագրվել, որով առաջարկվել է ներկայացվածի վերաբերյալ հաղորդել մանրամասներ, ինչին ի պատասխան փաստաբանը հայտնել է գործի համարը և, ի լրումն փաստական տվյալներ տրամադրել թվով 3 այլ քաղաքացիական գործով դատավորի կողմից թույլ տրված ժամկետների ենթադրյալ խախտումների վերաբերյալ։ Հաղորդման հիման վրա նախարարությունում հարուցվել է կարգապահական վարույթ։

«Փաստինֆո»-ի թղթակցի հաղորդմամբ՝ այսօր ԲԴԽ-ում ավարտվեց Երևանի ընդհանուր իրավասության դատարանի դատավոր Աննա Փիլոսյանին կարգապահական պատասխանատվության ենթարկելու միջնորդության քննությունը։ Դատավորը, մինչ եզրափակիչ ելույթին անդրադառնալը, նախ նշեց, որ առաջնահերթության կարգով հենց իր համար անընդունելի է այն, ինչ տեղի է ունեցել, որովհետև, եթե բոլոր կողմերն իրավիճակին նայում են պատասխանատվության ենթարկողի, մեղադրողի աչքերով, ապա միայն ինքն է, որ նայում է իրավիճակին՝ պատասխանատվություն կրողի աչքերով։ Ապա դատավորը բարձրացրեց դատարանների ծանրաբեռնվածության հարցը՝ արձանագրելով, որ քաոսային վիճակն անկառավարելի է։ Նրա արձանագրմամբ՝ Երևանի ընդհանուր իրավասության դատարանի դատավորը ծանրաբեռնված է առնվազն թույլատրելիից եռակի անգամ ավելի, եւ որպես հիմնավորում ներկայացրեց թվային տվյալներ։ Ըստ այդմ՝ պարզ դարձավ, որ դատավորի վարույթում գտնվող գործերից 2020թ դատական քննության առարկա է դարձվել 1530 քաղաքացիական գործ, որից ավարտվել է 1019-ը, 2021թ.՝ 2663 քաղաքացիական գործից՝ 1638-ը, քննվել և լուծվել են 1027 արբիտրաժային գործեր, 1765 վճարման կարգադրություն արձակելու վերաբերյալ դիմումներ։ 2022 թվականին՝ այսօրվա դրությամբ, ստացվել է 2182 գործ, ևս 1012-ը՝ փոխանցվել նախորդ տարվանից եւ, ինչպես նշեց դատավորը, ընդհանուր առմամբ 3396 միայն քաղաքացիական գործից միայն 930 գործ է փոխանցվելու 2023թ։

Դատավորի նախաձեռնությամբ փորձաքննություն է իրականացվել՝ հոգեբանական, եւ ինչպես նշեց դատավորը, փորձագետի կարծիքի հիմքում ընկած է ոչ թե անձի հետազոտությունը, այլ՝ իրավիճակի։ Այն ներկայացվել է ԲԴԽ-ին։

«Ես քաջ գիտակցում եմ, որ պատմուճանով չեմ ծնվել, պատմուճանով չեմ էլ հեռանալու։ Ինչ-որ մի ժամանակ ինձ պատիվ է ընձեռնված կրելու այդ պատմուճանը և մոտ կամ հեռավոր ապագայում առնվազն արտաքին դրսևորմամբ հնարավոր է, որ ես այդ պատմուճանը չկրեմ։ Փորձագետի կարծիքը ձեզ և նախարարությանը հասանելի դարձնելը մեկ նպատակ է հետապնդում՝ դուք եք այն մարմինները, որոնք մեր երկրում մշակում և իրագործում են դատավորներին կարգապահական պատասխանատվության ենթարկելու մեխանիզմները»,- ասաց Փիլոսյանը՝ հավելելով, որ այդ ընթացքում մի շարք գործոններ են հաշվի առնվում, բացի՝ մարդու գործոնից. «Բոլորի կողմից փաստվող, բոլորի կողմից ընդունված անոմալ իրավիճակը պտտվում է մեկ մարդու՝ դատավորի շուրջ, որը գերմարդ չէ, ռոբոտ մեքենա չէ, ամենասովորական մարդ է՝ իրողություններին բնորոշ ամենասովորական մարդու ռեակցիաների վտանգներով»։

Փիլոսյանի խոսքով՝ ինքը գերծանրաբեռնվածության պայմաններում պաշտոնավարում է ոչ թե երեք, այլ՝ ութ տարի։ Ինչ վերաբերում է դատական ակտը ուշ տրամադրելու հնարավոր հետևանքներին, մասնավորապես, պատասխանողի՝ սնանկ ճանաչվելուն, դատավորն արձանագրեց, որ հարցում էր կատարվել ԴԱՀԿ և ստացված պատասխանի համաձայն՝ ընկերությունն ունեցել է հարուցված և չկարճված 84 կատարողական վարույթ, որից թվով առաջինը՝ պետության օգտին գումար բռնագանձելու վերաբերյալ դեռևս 2019թ հարուցված կատարողական վարույթի շրջանակներում մասնակի բռնագանձում է կատարվել, հետագայում բոլոր վարույթները կարճվել են։ Ըստ հերթականության՝ հայցվոր ընկերության հերթը 7-րդն էր, հետևաբար, պետք է 84 կատարողական վարույթներով պարտատերերին բավարարում տրվեր, որ հերթը հասներ հայցվոր ընկերությանը։
Ի դպ նշենք, որ դատավորի նկատմամբ արդեն 5 վարույթ է հարուցվել նախարարության կողմից, ինչը թերեւս վկայում է ԱՆ-ի «հատուկ» վերաբերմունքի մասին։

Դատավորի եզրափակիչ ելույթից հետո գործի քննությունն ավարտվեց։ ԲԴԽ-ն հեռացավ խորհրոդակցական սենյակ՝ որոշում կայացնելու, որոշումը կհրապարակվի դեկտեմբերի 26-ին՝ ժամը 17:45-ին։

Հեղինակ՝ Իզաբել Սահակյան