ԲՈԼՈՐ ՆՅՈՒԹԵՐԸ
«Դեդ Հասանը` հանցավոր աշխարհի արքան, ով մշտապես կեպի էր կրում, հանեց այն` ասելով. «Գուցե այսպես նմանեցնեք»»․ մանրամասներ՝ ԱԱԾ նախկին աշխատակցի ու Դեդ Հասանի հանդիպումներից 12/07/2022 15:47 | ԼՐԱՀՈՍ
![](https://www.pastinfo.am/news_images/501/1501975_1/322.thumb.jpg)
ՀՀ ԱԱԾ տնօրենի նախկին առաջին տեղակալ, պահեստազորի գեներալ-լեյտենանտ Հրանտ Եպիսկոպոսյանի հուշերից այս պատառիկը 2002-2005 թվականներին ոստիկանության համակարգում ունեցած նրա գործունեության դրվագներից է, համակարգ, որտեղ աշխատանքի էր անցել հանրահայտ «Կրակեմ Հրաչ» մականունով հայտնի, հետագայում գեներալ-լեյտենանտի ուսադիրների արժանացած Հրաչյա Հարությունյանի առաջարկով, ում հետ համատեղ գործունեության նախորդ տարիներին ունեցել էր ակտիվ, արդյունավետ աշխատանքի փորձ:
Այս մասին գրված է «ԱԱԾ պահեստազորի սպաների միություն» ՀԿ-ի ֆեյսբուքյան էջում։
«Դեդ Հասան՝
Զարմանալի զուգադիպություններ․
2002թ. տեղափոխվեցի ՀՀ ոստիկանության համակարգ, աշխատում էի քրեական հետախուզության գլխավոր վարչության բաժնի պետի պաշտոնում: Բաժինը պայքարում էր քրեական հեղինակությունների, օրենքով գողերի դեմ: Հրամանս ստորագրել էր ոստիկանության գեներալ-գնդապետ, ներկայումս լուսահոգի Հայկ Հարությունյանը, ում ճանաչում էի դեռ նախկին աշխատատեղիցս ու, որպես երկու հիմնարկությունների ներկայացուցիչներ, վերահսկում էինք կալանավայրերում իրականացվող աշխատանքը: Չեմ փոշմանում, որ աշխատել եմ պատվի նման բարձր գիտակցում ունեցող ղեկավարի ենթակայությամբ:
Հիշողությանս մեջ տպավորվել է «Զվարթնոց» օդանավակայանում օրենքով գող, հայտնի Դեդ Հասանի` Ասլան Ուսոյանի, մուտքը կասեցնելը, ով Ռուսաստանի Դաշնության քրեական մի քանի հեղինակությունների հետ Հայաստան էր ժամանել հայտնի գող Սվո Ռաֆի մահվան տասնամյակի կապակցությամբ:
«Զվարթնոցում» ժամանածներին դիմավորողների մեջ էին տեղի մի քանի օլիգարխներ: Նրանցից մեկը մոտեցավ` ականջիս շշնջալով, որ եկածների մուտքը իշխանության վերին օղակների հետ համաձայնեցված է և խնդրեց հնարավորինս արագացնել:
Դեդ Հասանի անձնագիրը ձեռքիս` ես դիտավորությամբ էի ձգձգում փաստաթղթի զննումը` հար և նման «Ռուսական կայսրության թագը» կինոնկարի այն դրվագին, որտեղ, թագի սպասումով, թանգարանի աշխատողը երկարաշունչ պատմություն էր սկսել Աստվածաշնչից` Աբրահամը ծնեց Իսահակին, Իսահակը ծնեց… Մի խոսքով սպասում էի իմ անմիջական ղեկավարության ցուցումին:
Տեսնելով, որ գործընթացն անհարկի երկարում է, Դեդ Հասանը` հանցավոր աշխարհի արքան, ով մշտապես կեպի էր կրում, հանեց այն` ասելով. «Գուցե այսպես նմանեցնեք»:
Այդ պահին ես ակամայից հիշեցի և «Կախարդված տղան» մուլտֆիլմը, որի հերոսի բաղձալի ցանկության իրականացման նախապայմաններից մեկն էլ այն էր, որ… թագավորը նրա առաջ պիտի գլխաբաց կանգնի: Այդ ժամանակների իմ փայփայված երազանքներից էին գեներալական ուսադիրները, սակայն ինչպես մուլտի հերոսն էր ստիպված սպասել երազանքի իրականացմանը, ստիպված էի սպասել և ես: Այդ ժամանակից հաշվարկած` ամբողջ ութ տարի:
Ինչևէ: Ժամանածներից արդեն իսկ բերման էր ենթարկվել մի քանի հանցավոր հեղինակություն: Դեդ Հասանի համար անհաճո էր նման դիմավորումը։ Ակնհայտ էր, որ նրան նման ընդունելություն չէր խոստացվել: Ի վերջո եկավ թույլ տալու հրահանգը:
Տարիներ անց ես Դեդ Հասանի հետ հանդիպելու մի առիթ էլ ունեցա: Այդ ժամանակ ԱԱԾ-ի բարձրաստիճան աշխատակից էի երազանքս իրականացած գեներալական ուսադիրներով, գործուղումով գտնվում էի Մոսկվայում: Հայ համայնքի ներկայացուցիչների հետ երեկոյան նստած էինք «Ֆայտոն» ռեստորանում, երբ ներս մտավ նա: Մեր հայացքները խաչվեցին: Դեդ Հասանը կատակով հարցրեց. «Այստեղ էլ ե՞մ անձնագիր ներկայացնելու»:
Ես ժպիտով պատասխանեցի, որ սա այն տեղը չէ:
Ակնհայտ էր, որ մինչև ռեստորան գալը նա տեղեկացված էր այնտեղ իմ գտնվելուց: Բոլոր դեպքերում հյուրընկալողներս արժանացան դիտողությանս, որքան էլ, որ այն կատակախառն էր: Իսկ ասածս հետևյալն էր. «Ի՞նչ եք բերել մի տեղ, որտեղ կարող է լինել մահափորձ»: Բնականաբար ասածիս ենթատեքստում Դեդ Հասանի անձն էր նկատի առնված: Զարմանալի զուգադիպությամբ մեկ տարի անց նա իր մահկանացուն կնքեց հենց այդ ռեստորան մտնելիս:
(Շարունակելի)»:
Հարակից հրապարակումներ`
Տեսանյութեր
![](https://www.pastinfo.am/video_images/12/35380_1/f668804d9f1d6c_668804d9f1dac.jpg)
Տեսադարան
![](https://www.pastinfo.am/cache_image/album_main_images/1/6806/mhm0156502.thumb-270x158.jpg)
Մամուլ
- 07/26/2024 08:36 Փաշինյանը քայլեր է անում, որոնք քննադատում էր ընդդիմադիր եղած ժամանակ. «Հայկական ժամանակ»-ը պատկանում է վարչապետի զոքանչին. «Ժողովուրդ»
- 07/26/2024 08:31 Հսկողությունը հանձնվել է տեսչական մարմնին. «Հրապարակ»
- 07/26/2024 08:27 Տավուշը հանուն հայրենիքի» շարժումը նախընտրական արշա՞վ է սկսել. «Հրապարակ»
- 07/26/2024 08:19 Երկրում կուսակցաշինական բում է. նախընտրական շրջանի շունչ է զգացվում. «Հրապարակ»
- 07/26/2024 08:11 Կյանքը՝ Կիրանցում. 7 հոգի հրաժարվե՞լ է փոխհատուցումից. «Հրապարակ»
- 07/26/2024 08:05 Բուհերում թափուր տեղեր են մնացել, իսկ նախարարությունը արհեստական Ակադեմիական քաղաքի ծրագիրն է առաջ տանում. «Ժողովուրդ»
- 07/26/2024 08:01 515.430 արձանագրություն 25 օրում. քաղաքացին «տուգանքի մատերյալ է», իսկ ՔՊ-ականները անձեռնմխելի. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
- 06/19/2024 13:30 Փողոցով իշխանության գալը ՔՊ֊ի մենաշնորհն է, մյուսներին հակացուցված է
- 06/03/2024 20:11 Էն մարտավարությունը, որ կար նախկինում, երբ մեկ ոստիկանի ցուցմունքով մարդկանց կալանավորում էին, Սրբազանի շնորհիվ փոխվեց. Հարությունյան (տեսանյութ)
Մեկնաբանություն
- 07/26/2024 18:47 Հետամուտ եմ լինելու նման վարք ունեցող մանկավարժներին ժամ առաջ մեր մանկապարտեզներից մաքրելու գործին. Գարիկ Սարգսյան
- 07/26/2024 18:18 Սյունիքի ճանապարհին պատահաբար նկատեցի, որ Երասխի հատվածում մեր հենակետի վրա այլևս ծածանվում է թշնամու դրոշը. Ասլանյան
- 07/26/2024 15:17 Մինչև ո՞ւր ենք իջեցնելու կրթության և գիտության նշանձողը. գիտական կոպիտ սխալներ ունեցող այս դասագիրքը հաղթել է. Կրթության փորձագետն ահազանգում է
- 07/26/2024 13:00 Կառավարությունը վաղաժամկետ դադարեցրել է սահմանամերձ գյուղերում պետական աջակցությամբ տների կառուցման ծրագիրը. Ոսկան Սարգսյան
Արխիվ
Արտակարգ պատահարներ
- 07/26/2024 19:56 Պարեկները վնասազերծել են «Գազել»-ի ուղևորին․ նրա մոտ ատրճանակ ու գաղտնի փականով դանակներ են եղել
- 07/26/2024 18:26 Վերին Խոտանան գյուղի եկեղեցու մոտ բեռնատարը խցանել է ճանապարհը
- 07/26/2024 17:48 Թիավարելով՝ մոտ 200 մետր հեռացել են ափից ու չեն կարողացել վերադառնալ
- 07/26/2024 16:25 Ավտոմեքենան արգելափակվել է Ապարանի ջրամբարի ջրի մեջ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 07/25/2024 23:47 Երգեք լոգարանում. հայտնի են ամենօրյա պարզ սովորությունները, որոնք օգնում են խուսափել դեմենցիայից
- 07/25/2024 22:13 70-ամյա տղամարդը 5 օր գոյատևել է վայրի բնության մեջ՝ առանց սննդի և ջրի
- 07/25/2024 17:11 Տղամարդը մարգարեական երազի շնորհիվ միլիոն դոլար է շահել
- 07/25/2024 16:18 Ամենասեքսուալ օլիմպիադան. Ֆրանսիայի իշխանությունները մրցումների մասնակիցներին 300 հազար պահպանակ են տրամադրել
Հետաքրքիր է իմանալ
- 07/26/2024 16:23 Պարզվում է՝ Ֆրանսիայի տարածքի չափեր ունեցող անտարկտիկական սառցադաշտը անընդհատ ճոճվում է
- 07/24/2024 14:01 Լուսնի հողաշերտում ջրի հետքեր են հայտնաբերվել
- 07/20/2024 19:45 Թմրանյութերը, ալկոհոլը և ծխախոտը կարող են տկարամտության պատճառ դառնալ
- 07/19/2024 16:22 Որքան մեծ է արեգակնային ակտիվության հետևանքով կատակլիզմների հավանականությունը Երկրի վրա