«Սա նախևառաջ սպորտային գեղեցիկ տոն էր». «ՀՀ վարչապետի գավաթ» լողի սիրողական մրցաշարի հաղթողները - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 21:45 Վաղը այս հասցեներում լույս չի լինի 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

«Սա նախևառաջ սպորտային գեղեցիկ տոն էր». «ՀՀ վարչապետի գավաթ» լողի սիրողական մրցաշարի հաղթողները 08/25/2022 17:27 | ԼՐԱՀՈՍ

Սևանա լճում՝ ՀՀ Գեղարքունիքի մարզի Շողակաթ (նախկին Շորժա) համայնքին հարակից լողափնյա տարածքում, օգոստոսի 23-ին՝ Հայաստանի Հանրապետության անկախության հռչակագրի ընդունման 32-ամյակի օրը, կայացել է «ՀՀ վարչապետի գավաթ» լողի սիրողական մրցաշարը, որին կանանց և տղամարդկանց երկուական տարիքային խմբերում 133 հոգի է մասնակցել: Այս մասին հայտնում է ԿԳՄՍ նախարարության լրատվության բաժինը։

«Պարգևները մրցանակակիրներին հանձնել են վարչապետ Նիկոլ Փաշինյանը, ԿԳՄՍ նախարար Վահրամ Դումանյանը, Առողջապահության նախարար Անահիտ Ավանեսյանը, Գեղարքունիքի մարզպետ Կարեն Սարգսյանը:

Տղամարդկանց առաջին տարիքային խմբում (18-40 տարեկան) 1500 մ լողատարածությունն առաջինն է հաղթահարել 35-ամյա Մկրտիչ Ոսկանյանը, երկրորդ տեղը զբաղեցրել է Արամ Նալթակյանը, իսկ երրորդ լավագույն արդյունքը ցույց է տվել Ստեփան Ադամյանը: Նրանց պարգևատրել է ՀՀ վարչապետ Նիկոլ Փաշինյանը:

Այս տարիքային խմբում հաղթողի կոչմանն արժանացած Մկրտիչ Ոսկանյանը Կոտայքի մարզի Աբովյան քաղաքից է, լողով զբաղվում է սիրողական մակարդակով, իսկ մրցատարածությունը հաղթահարել է շուրջ 25 րոպեում. «Շատ գոհ եմ իմ ցուցաբերած արդյունքից: Երբ իմացա մրցաշարի անցկացման մասին, սկսեցի լրջորեն նախապատրաստվել լողավազանում, որպեսզի լավ արդյունք գրանցեմ: Սևանում լողալն իսկապես դժվար է: Մութ է, ջրում գրեթե ոչինչ չի երևում: Պետք է շատ ուշադիր լինես: Ամեն դեպքում շատ գոհ եմ և շատ շնորհակալ եմ կազմակերպիչներին: Առաջին անգամ էր նմանօրինակ մրցում անցկացվում Սևանա լճում, ու կարծում եմ՝ այն ավելի քան հաջողված էր: Այսպիսի մրցաշարերի անցկացումը շատ խրախուսելի է, քանի որ սպորտն ու առողջ ապրելակերպն ավելի մասսայական են դառնում»:

Կանանց առաջին տարիքային խմբում էլ (18-36 տարեկան) 1000 մ լողատարածությունն առաջինն է հաղթահարել գյումրեցի Անի Ավետիսյանը՝ արժանանալով 1 մլն դրամ մրցանակին: Երկրորդ տեղը զբաղեցրել է Անահիտ Բարսեղյանը, իսկ լավագույն եռյակը եզրափակել է Էլեն Պողոսյանը: Նրանց պարգևատրել է ԿԳՄՍ նախարար Վահրամ Դումանյանը:

41 և բարձր տարիքի տղամարդկանց խմբի հաղթողի կոչմանն արժանացել է 48-ամյա Անդրանիկ Խաչատրյանը, երկրորդ տեղը զբաղեցրել է 52-ամյա Արմեն Հանեսօղլյանը, լավագույն եռյակը եզրափակել է 66-ամյա Վիկտոր Խուդավերդյանը: Նրանց պարգևատրել է ՀՀ առողջապահության նախարար Անահիտ Ավանեսյանը:

36 և բարձր տարիքի կանանց պայքարում առաջին տեղն է զբաղեցրել 52-ամյա Մարգարիտա Խոստիկյանը, երկրորդ տեղը գրավել է Գոհար Սարգսյանը, իսկ լավագույն եռյակը եզրափակել է Ռուզաննա Հովասափյանը: Նրանց պարգևատրել է Գեղարքունիքի մարզպետ Կարեն Սարգսյանը:

Այս տարիքային խմբում իր ուժերը չափել է նաև «Արմենպրես» պետական լրատվական գործակալության հատուկ նախագծերի և մամուլի սրահի պատասխանատու Աննա Գզիրյանը: Նա զբաղեցրել է 8-րդ մրցանակային տեղը: Գզիրյանի խոսքով՝ մրցաշարին սկսել է նախապատրաստվել դեռ մեկ տարի առաջ. «Ոգեշնչվեցի իմ մյուս գործընկերոջից՝ մարզական լրագրող Վարվառա Հայրապետյանից, որն Էջմիածնում մասնակցել էր «ՀՀ վարչապետի գավաթ» սիրողական կրոսավազքի մրցաշարին:

Հուսով եմ՝ ես էլ իմ օրինակով կոգեշնչեմ մյուսներին, ովքեր գուցե ցանկություն ունեին մասնակցելու, բայց չվճռեցին դա անել: Միանշանակ արժեր մասնակցել այս մրցաշարին, քանի որ սա նախևառաջ սպորտային գեղեցիկ տոն էր: Սևանում լողալը, իհարկե, դժվար էր ու ծանր, բայց երբ մեկնարկը տրվում է ու նետվում ես պայքարի, մտածում ես միայն մրցակցության և եզրագիծը հատելու մասին: Եղան մասնակիցներ, որոնք չկարողացան մինչև վերջ լողալ ու հրաժարվեցին պայքարից: Շատ եմ կարևորում նմանօրինակ մրցաշարերի անցկացումը: Ամեն ինչ հիանալի էր կազմակերպված»:

Մրցաշարի արդյունքներով խրախուսական պարգևների են արժանացել նաև ամենատարեց մասնակիցները՝ 81-ամյա Հակոբ Թութանջյանը և 73-ամյա Հասմիկ Քանքանյանը: Նրանք ՀՀ վարչապետ Նիկոլ Փաշինյանի կողմից արժանացել են հուշանվերի, շնորհակալագրի, ինչպես նաև 200-հազարական դրամ մրցանակի:

Ի դեպ, մրցաշարին նաև օտարերկրացի 18 քաղաքացի է մասնակցել՝ 6 կին և 12 տղամարդ: Յուրաքանչյուր տարիքային խմբում լավագույն արդյունք ցույց տված մասնակիցները պարգևատրվել են շնորհակալագրերով:

Մրցաշարի անցկացմանն աջակցելու համար շնորհակալագրերի են արժանացել նաև Լողի հայկական դաշնության նախագահ Հովսեփ Մեսրոպյանը, Հարավկովկասյան երկաթուղու գլխավոր տնօրեն Ալեքսեյ Մելնիկովը, Գեղարքունիքի մարզպետարանը՝ ի դեմս մարզպետ Կարեն Սարգսյանի, ինչպես նաև ԱԻՆ նախարարության ներկայացուցիչը:

Հիշեցնենք՝ կանանց և տղամարդկանց երկուական տարիքային խմբում մրցաշարի 4 հաղթողները պարգևատրվել են 1 մլն դրամ մրցանակով: Առհասարակ, դրամական մրցանակներ են նախատեսված եղել 1-10-րդ տեղերը զբաղեցրած մասնակիցների համար: Երկրորդ տեղի համար սահմանված էր 600 հազար դրամ մրցանակ, 3-րդ տեղի համար՝ 400 հազար, 4-րդ տեղի համար՝ 150 հազար, 5-րդ տեղի համար՝ 100 հազար, իսկ 6-10-րդ տեղերի համար՝ 75 հազար դրամ»,-ասված է հաղորդագրության մեջ:

Աղբյուր` Փաստինֆո