Փաստ ինֆո

Ալավերդու ԲԿ-ին հատկացվել է ամենագնաց նոր ռեանիմոբիլ:Այս մասին ֆեյսբուքի գրառմամբ հայտնում է «Քաղաքացիական պայմանագիր» խմբակցության պատգամավոր Արեն Մկրտչյանը.

«Ամենագնաց նոր ռեանիմոբիլ` Ալավերդու ԲԿ-ին

Տարեսկզբին այցելել էի Ալավերդու ԲԿ։ Տնօրեն Ստեփան Մոսինյանը տեղեկացրեց, որ ամենագնաց ռեանիմոբիլի կարիք կա, քանի որ ԲԿ-ն սպասարկում է 34 բնակավայր` կետային ավելի քան 100 կմ հեռավորությամբ, բարդ ռելիեֆով։ Բացի այդ, ունենք գյուղական բնակավայրեր` դժվարանցանելի ճանապարհներով, որտեղ ստանդարտ ռեանիմոբիլները դժվար հասանելի են։

Խնդիրը քննարկեցի Առողջապահության նախարար Անահիտ Ավանեսյանի հետ։ Նախարարը նշեց, որ եթե ԲԿ-ն սեփական եկամուտներով հոգա շտապօգնության բրիգադի վարձատրության հարցը, նախարարությունը կհատկացնի ռեանիմոբիլը։ Հարցն այս տրամաբանությամբ 2-3 շաբաթվա ընթացքում լուծում ստացավ։

Ամբողջովին նոր Տոյոտա մակնիշի ամենագնաց ռեանիմոբիլը լիովին հագեցված է. ԷՍԳ (էլեկտրասրտագիր)

ИВЛ-ԱՇՍ ( արհեստական շնչառության սարք, ապարատ), դեֆիբրիլյատոր,

ինֆուզիոն պոմպ: Այսպիսով, բարձրանալու է շտապօգնության ծառայության օպերատիվությունը, ծառայության որակն ընդհանրապես։

Շնորհակալություն եմ հայտնում Առողջապահության նախարար Անահիտ Ավանեսյանին խնդրին օպերատիվ լուծում տալու համար»,-գրել է նա:

Աղբյուր` Փաստինֆո