ԲՈԼՈՐ ՆՅՈՒԹԵՐԸ
Ես Ձեր համբերությունը չունեմ, Դուք շատ հանգիստ դեմքի արտահայտությամբ, ժպիտով անօրինականություն եք իրականացնում. Երեմ Սարգսյանը՝ դատավոր Մնացական Մարտիրոսյանին (տեսանյութ) 05/16/2022 17:18 | Դատական ռեպորտաժներ
ՀՀ նախկին գլխավոր դատախազ, ՔԿ նախկին նախագահ Աղվան Հովսեփյանի փաստաբանները պահանջում են քրեական գործի ամբողջ նյութերը, այդ թվում՝ Հակակոռուպցիոն կոմիտեում քննվող մայր գործի նյութերը։
Ինչպես արդեն հայտնի է՝ Աղվան Հովսեփյանի և Վրեժ Մարկոսյանի վերաբերյալ քրեական գործից մաս է անջատվել և ուղարկվել դատարան, իսկ մի մասով հակակոռուպցիոն կոմիտեում գործով նախաքննությունը շարունակվում է։ Գործի նյութերը, սակայն, ամբողջությամբ չեն տրամադրվել պաշտպանության կողմին, ավելին, պաշտպանության կողմը գտնում է, որ մեղադրանքի կողմը դատարան է ուղարկել միայն այն նյութերը, որոնցով, ըստ մեղադրանքի կողմի, հաստատվում է մեղադրանքը, իսկ արդարացնող ապացույցներ չեն ուղարկվել դատարան։ Նշված մտահոգությունը հաստատվել է նաև մեղադրանքի կողմի գործողություններով, այն է՝ քրեական գործում նյութեր են տեղադրվել, որոնք նախկինում չեն եղել, իսկ արդարացնող նյութերը տրամադրել են ստիպված, քանի որ այդ նյութերի մասին պաշտպանության կողմը տեղեկացված է եղել դեռևս մինչդատական վարույթում կալանավորման միջնորդությունների քննության ընթացքում, այսինքն՝ կցում են նյութերը, երբ դրանց առկայության մասին փաստաբաններն իմանում են։
Փաստաբան Երեմ Սարգսյանի արձանագրմամբ՝ թաքցվել են գործի նյութեր, արդարացնող ապացույցները դիտավորությամբ կամ անփութությամբ չեն ներկայացվել, իսկ ամբողջ նյութերը չտրամադրելով խախտվում է զենքերի հավասարության սկզբունքը, քանի որ պաշտպանության կողմն այդկերպ չի կարող պատշաճ պաշտպանություն իրականացնել։ Մյուս փաստաբանները եւս միացան միջնորդությանը։ Հայտարարությամբ հանդես եկավ նաև ՀՀ նախկին գլխավոր դատախազ Աղվան Հովսեփյանը՝ նշելով, որ իր նկատմամբ երեք տարի հետապնդում է իրականացվել, քննություն է կատարվել նպատակային՝ Աղվան Հովսեփյանի անձի վերաբերյալ՝ դեռևս չիմանալով, թե ինչ հանցագործություն է կատարվել, կատարվել է, թե ոչ։
«Նախաքննության նպատակը եղել է ոչ թե հանցագործության դեպքը, այլ՝ Աղվան Հովսեփյանի նկատմամբ ինչ-որ բաներ ձեռք բերելը՝ մեղադրանքի համար»,- նշեց Հովսեփյանը՝ հավելելով, որ արդարացնող ցուցմունքները չկան գործի նյութերում, ինչն ապացուցում է, որ քրեական գործում զետեղել են այն ապացույցները, ինչ տվել են մեղադրողին։
Աղվան Հովսեփյանը հիշեցրեց նաև, որ իր բնակարանից առգրավել են նկարներ, որոնց մի մասը ինքն էր նկարել, հիմա էլ՝ շարունակում է նկարել, սակայն նկարներն առգրավել են, նշանակել փորձաքննություն, սակայն չկա եզրակացությունը, փաստաթղթերը։
«Գուցե դատարանում պետք է քննարկենք այդ նկարները վերադարձնելու հարցը, ես հիմնավորեմ, որ դրանք օրինական ճանապարհով են ձեռք բերված»,-նշեց Աղվան Հովսեփյանը։
Մեղադրող դատախազ Գուրգեն Սաֆարյանը ներկայացրեց առարկություններ՝ հայտարարելով, թե գործից մաս անջատելն օրինական է, մինչդեռ, խոսքը ոչ թե մաս անջատելու, այլ՝ նյութերն ամբողջությամբ չտրամադրելու մասին էր։ Վերջինս նշեց, որ ներկայացված ապացույցները բավարար են հիմնավորված համարելու, որ մեղսագրված ենթադրյալ արարքները կատարվել են Աղվան Հովսեփյանի կողմից։
Լսելով կողմերի դիրքորոշումը՝ Երևանի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, որոշեց հետաձգել միջնորդության լուծումը՝ մինչև էական հանգամանքների պարզումը, այն է՝ ապացույցների հետազոտման ավարտը։ Փաստաբան Երեմ Սարգսյանն առարկեց դատավորի գործողությունների դեմ՝ հայտարարելով, որ հույս ունի, որ դատարանը, դատախազները լսել են Մարդու իրավունքների և հիմնարար ազատությունների պաշտպանության մասին կոնվենցիայի 6-րդ հոդվածի մասին, որով ասվում է՝ մեղադրյալի նվազագույն իրավունքներից մեկը պաշտպանությունը նախապատրաստելու իրավունքն է։ Փաստաբանն արձանագրեց՝ ինչ է նշանակում՝ նյութերը պետք է ուսումնասիրել, դատարանը ծանոթ է գործի նյութերին։
«Չե՞նք կարող այս դատարանում արդարության հասնել։ Հիմա ոնց անենք, որ կարողանանք պաշտպանվել այս դատարանում։ Մեղադրանքի կողմն ինչ ուզում անում է»,- հայտարարեց Երեմ Սարգսյանը։
Նախագահող դատավորն էլ հորդորեց՝ կարծիքն առանց հեգնանքի շարադրել, ինչին ի պատասխան Երեմ Սարգսյանն արձագանքեց. «Ես Ձեր համբերությունը չունեմ։ Դուք շատ հանգիստ դեմքի արտահայտությամբ, ժպիտով անօրինականություն եք իրականացնում։ Դուք անօրինականություն եք անում՝ հանգիստ դեմքով, ես չեմ կարողանում հանգիստ դեմքով անօրինականության դեմ ուղղակի կարծիք արտահայտեմ»։
Դատարանը հայտարարեց, որ անցնում են՝ դատաքննության փուլին, սակայն մեղադրական եզրակացությունն այս նիստին չհրապարակվեց, այն հետաձգվեց՝ մինչև հունիսի 10-ը, ժամը՝ 11.30-ը։ Մինչ դատական նիստը կհետաձգվեր՝ Վրեժ Մարկոսյանի պաշտպանը միջնորդություն ներկայացրեց՝ խնդրելով թույլ տալ Մարկոսյանին 10 օրով բացակայել երկրից, քանի որ Մարկոսյանը պարբերաբար բուժում է ստանում արտերկրում և առաջիկայում բուժման հերթական կուրսն է։
Հիշեցնենք, որ Աղվան Հովսեփյանը ձերբակալվել է 2021թ սեպտեմբերի 7-ին՝ առավոտյան։ Նախաքննական մարմինը շուրջ 1.5 տարի քննվող քրեական գործի շրջանակներում մեղադրանք է առաջադրել Հովսեփյանին և նրա նկատմամբ որպես խափանման միջոց ընտրել կալանավորումը։ Ընդ որում՝ դատարանները բավարարել են քննիչի միջնորդությունները՝ կալանավորումը որպես խափանման միջոց ընտրելու կամ այն երկարացնելու մասին՝ ընդունելով հանդերձ, որ հիմքեր չկան կարծելու , որ նա կարող է թաքնվել քննությունից։ Քրեական գործի շրջանակներում Աղվան Հովսեփյանին մեղադրանք է առաջադրվել ՀՀ քրեական օրենսգրքի 310-րդ հոդվածով, 311-րդ հոդվածի 4-րդ մասի 2-րդ կետով, 38-308-րդ հոդվածի 2-րդ մասով, 38-179-րդ հոդվածի 3-րդ մասի 1-ին կետով, 190-րդ հոդվածի 3-րդ մասի 1-ին կետով (2 դրվագ) և 190-րդ հոդվածի 2-րդ մասի 1-ին կետով: Նրա նկատմամբ որպես խափանման միջոց է ընտրվել կալանավորումը: Վրեժ Մարկոսյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով: Նրա նկատմամբ որպես խափանման միջոց է ընտրվել ստորագրություն չհեռանալու մասին:
Հեղինակ՝ Իզաբել Սահակյան
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել