Արմեն Չարչյանի բջջային հեռախոսն իրեղեն ապացույց ճանաչված չէ, բայց առ այս պահը չի վերադարձվել նրան

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 21:45 Վաղը այս հասցեներում լույս չի լինի 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Արմեն Չարչյանի բջջային հեռախոսն իրեղեն ապացույց ճանաչված չէ, բայց առ այս պահը չի վերադարձվել նրան 02/04/2022 16:54 | Դատական ռեպորտաժներ

Երևանի ընդհանուր իրավասության դատարանում՝ դատավոր Վահե Միսակյանի նախագահությամբ, ԱԺ «Հայաստան» խմբակցության պատգամավոր Արմեն Չարչյանի գործով դատական նիստը հետաձգվել է՝ մեղադրող դատախազի բացակայության հիմքով։ Դատարանն անհարգելի չի ճանաչել դատախազի բացակայությունը, քանի որ շփոթմունք էր տեղի ունեցել։

«Փաստինֆո»-ի թղթակցի հաղորդմամբ՝ մինչ մեղադրողի բացակայության հիմքով դատարանը կհետաձգեր դատական նիստը, պաշտպանության կողմը բարձրացրեց Չարչյանի բջջային հեռախոսը վերադարձնելու հարցը։ Մասնավորապես, պաշտպան Էրիկ Ալեքսանյանը նշեց, որ բջջային հեռախոսը իրեղեն ապացույց չի ճանաչվել, սակայն դեռևս գտնվում է գործում, չի տրամադրվել Չարչյանին։ Նախագահող դատավոր Վահե Միսակյանը նշեց, որ խնդիր չի տեսնում՝ մեղադրանքի հիմքում չդրված որևէ ապացույցի, որևէ առարկայի վերադարձի հետ կապված, սակայն կա գործի նյութերը լրացուցիչ ուսումնասիրելու կարիք։ Դատարանը նշեց, որ մեկ օրվա ընթացքում պատասխան կտրամադրվի՝ գրավոր կերպով։

Դատական նիստը հետաձգվեց՝ այլ հերթի։ Հաջորդ դատական նիստին, ամենայն հավանականությամբ, դատարանը կանցնի դատաքննության փուլին, այն է՝ մեղադրող կողմը կհրապարակի մեղադրական եզրակացությունը, ինչից հետո դատարանը կսահմանի ապացույցների հետազոտման կարգը։

Նշենք, որ Արմեն Չարչյանի նկատմամբ ընտրված խափանման միջոց կալանավորումը դատարանը փոփոխել էր չհեռանալու մասին ստորագրությամբ՝ հիմքում դնելով ՍԴ որոշումը, որով ՍԴ-ն բավարարել է ԱԺ ընդդիմադիր խմբակցության պատգամավորների դիմումը՝ արձանագրելով, որ անազատության մեջ գտնվող պատգամավորի կարգավիճակ չունեցող անձը պատգամավորի կարգավիճակ ձեռք բերելու պահից, չի կարող պահվել անազատության մեջ։ Մինչ այդ, սակայն, պաշտպանության կողմը բազմիցս բարձրաձայնում էր այն հանգամանքը, որ Արմեն Չարչյանի առողջական վիճակը, առկա հիվանդություններն անհամատեղելի են կալանքի հետ, որը վերջինիս նկատմամբ կիրառվել էր Վերաքննիչ քրեական դատարանի դատավոր Ռուբիկ Մխիթարյանի որոշման հիման վրա։ Վերաքննիչ դատարանի որոշումից հետո պաշտպանը կրկին առաջին ատյանի դատարանում միջնորդել է Չարչյանի նկատմամբ կիրառել գրավ՝ հաշվի առնելով վերջինիս առողջական վիճակը, ստեղծվել էր միջգերատեսչական հանձնաժողով, որը բոլորովին վերջերս՝ արդեն Չարչյանի ազատ արձակվելուց հետո եզրակացություն է ներկայացրել՝ արձանագրելով, որ Չարչյանի մոտ առկա հիվանդություններն անհամատեղելի են կալանքի հետ և վերջինս պետք է ազատ արձակվեր։

Լրագրողների հետ զրույցում պաշտպան Էրիկ Ալեքսանյանը տեղեկացրեց, որ արդեն իսկ քայլեր են ձեռնարկվում, որ դատավոր Ռուբիկ Մխիթարյանը պատասխանատվություն կրի իր կայացրած ապօրինի դատական ակտի համար, քանի որ Արմեն Չարչյանը հինգ ամիս գտնվել է ապօրինի կալանքի տակ։

Հիշեցնենք, որ տելեգրամյան մի ալիքում հրապարակվել էր ձայնագրություն, համաձայն որի՝ «Իզմիրլյան» բժշկական կենտրոնի տնօրեն Արմեն Չարչյանը հունիսի 18-ի առավոտյան աշխատակիցների հետ հանդիպմանը հորդորել է, որ աշխատակիցները պարտադիր կարգով մասնակցեն ընտրություններին։ Չարչյանը նշել է, որ եթե որևէ մեկը չմասնակցի ընտրություններին, ապա կիմանա այդ մասին։

Ձայնագրության հրապարակումից հետո հաշված ժամերի ընթացքում ՀՔԾ-ում հարուցվել է քրեական գործ՝ ՀՀ քրեական օրենսգրքի 154.2-րդ հոդվածի 4-րդ մասի 2-դ կետի հատկանիշներով, որի շրջանակներում նախ բերման են ենթարկել Չարչյանին և տեղափոխել ՀՔԾ, ապա ձերբակալելու որոշում կայացրել։ Պաշտպանները բողոք են ներկայացրել Չարչյանին ձերբակալելու մասին որոշման դեմ, ինչը բավարարվել է քվեարկության օրը և նա դատարանի որոշմամբ ազատ է արձակվել։

Հունիսի 21-ին դատախազությունը հաղորդագրություն տարածեց՝ նշելով, որ ԿԸՀ-ն բավարարել է Արմեն Չարչյանի նկատմամբ հետապնդում իրականացնելու և նրան ազատությունից զրկելու համաձայնություն տալու վերաբերյալ միջնորդությունները։ ԿԸՀ համաձայնությունը ստանալուց հետո ՀՔԾ֊ն մեղադրանք է առաջադրել Արմեն Չարչյանին՝ ՀՀ քրեական օրենսգրքի 154.2-րդ հոդվածի 4-րդ մասի 2-դ կետի հատկանիշներով և նրա նկատմամբ կալանավորումը որպես խափանման միջոց ընտրելու մասին միջնորդություն ներկայացրել դատարան, որը մասամբ բավարարվել էր դատավոր Արմինե Մելիքսեթյանի կողմից։ Քրեական գործն այժմ գտնվում է դատավոր Վահե Միսակյանի վարույթում։

Հեղինակ՝ Իզաբել Սահակյան

Աղբյուր` Փաստինֆո