Եթե Վերաքննիչը որոշի կալանավորել, թող գնա կալանավորվի, ինչ ասեմ. Սյունիքի մարզպետը հետախուզման մեջ գտնվող որդու մասին

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Եթե Վերաքննիչը որոշի կալանավորել, թող գնա կալանավորվի, ինչ ասեմ. Սյունիքի մարզպետը հետախուզման մեջ գտնվող որդու մասին 07/31/2021 13:05 | ԼՐԱՀՈՍ

Սյունիքի մարզպետ Մելիքսեթ Պողոսյանը վստահեցնում է, որ հրաժարական չի տալու եւ արձակուրդից հետո վերադառնալու է իր աշխատանքին՝ չնայած որդու հետ կապված սկանդալին։

«Նման բան չկա, հրաժարական չեմ տվել: Օգոստոսի 2-20-ը արձակուրդում եմ, դրանից հետո վերադառնալու եմ իմ աշխատանքին»,-«Փաստինֆո»-ի հետ զրույցում ասաց Մելիքսեթ Պողոսյանը:

Նշենք, որ մամուլում նրա հնարավոր հրաժարականի մասին լուրերը սկսեցին շրջանառվել Գորիսում հուլիսի 14-ին տեղի ունեցած զինված միջադեպից հետո, որին մասնակցություն էր ունեցել հենց մարզպետի որդին։

Մասնավորապես՝ հուլիսի 14-ին՝ ժամը 01.00-ի սահմաններում Գորիս քաղաքում Սյունիքի մարզպետ Մելիքսեթ Պողոսյանի որդու՝ 33-ամյա Կարեն Պողոսյանի և Սյունիքի նախկին մարզպետ Սուրիկ Խաչատրյանի որդու՝ Տիգրան Խաչատրյանի միջեւ առաջացել էր վիճաբանություն, ինչը վերածվել էր ծեծկռտուքի, ապա՝ զինված ընդհարման։ Հնչած կրակոցների հետեւանքով կային տուժածներ։

Դեպքի առթիվ հարուցվել է քրեական գործ ՀՀ քրեական օրենսգրքի 34-104-րդ հոդվածի 1-ին մասով, 258-րդ հոդվածի 4-րդ մասով և 235-րդ հոդվածի 1-ին մասով՝ սպանության փորձի, զենքի գործադրմամբ խուլիգանության և ապօրինի կերպով հրազեն պահելու հատկանիշներով, որի շրջանակներում երկու անձ տուժող էր ճանաչվել, իսկ գործող մարզպետ Մ.Պողոսյանի որդին ներգրավվել որպես մեղադրյալ։ Նախաքննական մարմինը պարզել էր, որ հենց նա է եղել ակտիվ դերակատարը, կրակոցներ արձակել՝ փորձելով սպանություն իրականացնել, ընդհանուր իրավասության դատարանն էլ կալանավորելու որոշում է կայացրել, բայց մարզպետի որդին թաքնվել է ու դարձել անորսալի։

Արդեն ավելի քան մեկ շաբաթ է, ինչ 33-ամյա Կ.Պողոսյանը գտնվում է հետախուզման մեջ, սակայն ոստիկանները նրան «գտնել» իբր չեն կարողանում։

«Փաստինֆո»-ի հետ զրույցում մարզպետը ձեռնպահ մնաց որդու մասնակցությամբ միջադեպը մեկնաբանել, սակայն նշեց, որ սպասում են Վերաքննիչ դատարանի որոշմանը.

«Ինքը բողոքարկել է, երբ քննությունը ճիշտ գնա, կներկայանա, ի՞նչ խնդիր կա, չեմ հասկանում: Թող օբյեկտիվ քննություն կատարեն: Ինքը 3 երեխա ունի, հո անչափաս մարդ չի, որ ես իրեն ասեմ: Եթե Վերաքննիչը որոշի կալանավորել, թող գնա կալանավորվի, ինչ ասեմ»,-ասաց Մելիքսեթ Պողոսյանը:

Ի դեպ, նշենք, որ նախորդ իշխանությունների օրոք՝ 2006 թվականին, մշակույթի նախարար Հովիկ Հովեյանը հրաժարական էր տվել՝ որդու մասնակցությամբ տեղի ունեցած միջադեպից հետո, որն էլեկտրացանցում տեղի ունեցած ծեծկռտուքի ժամանակ ատրճանակի խզակոթով հարվածել էր երկու հոգու գլխին։

Նկատենք, որ ոչ թե կրակել էր ու հրազենային վնասվածք պատճառել, ինչպես Սյունիքի գործող մարզպետի որդին, այլ հարվածել, ինչի համար հայրը, 2006թ. հունվարի 5-ին հրաժարական տվեց նախարարի պաշտոնից։ 15 տարի անց՝ արդեն Նիկոլ Փաշինյանի իշխանության օրոք, պաշտոնյաները ոչ միայն հրաժարական չեն տալիս նման սկանդալների պատճառով, այլ բացահայտ թաքցնում իրենց զավակներին ու հրապարակավ կասկածի տակ դնում այն իշխանության նախաքննական մարմնի գործունեությունը, որի ներկայացուցիչը հանդիսանում են իրենք։

Աղբյուր` Փաստինֆո