Փաստ ինֆո

Ակնհայտ է, որ այս իշխանությունը, չփոխելով իր աշխատաոճը, չթարմացնելով իր կադրային բանկը, չի կարող արդյունավետ զբաղվել երկրի խնդիրներով, որովհետև իրենք այդպես էլ չեն հասկացել, որ իրենց աշխատանքի ոճը և իրենց աշխարհայացքներն են եղել այս խնդիրների պտճառները: Իրենք չարացած են, շարունակելու են նոր հետապնդումներ, ինչն անխուսափելիորեն կբերի նոր արտահերթ ընտրությունների: Այս մասին հայտարարել է ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը:

Ռոբերտ Քոչարյանի խոսքով՝ 2018թ հետո արտահերթ ընտրություններ եղել են 2,5 տարի անց և քանի որ այս իշխանությունը պրոբլեմներ լուծող չէ, այլ՝ պրոբլեմներ ստեղծող է, մեծ հավանականությամբ նոր արտահերթ ընտրություններ կունենանք 1,5 տարի հետո;

«Հասունանալու է նոր ընտրությունների պահանջարկ»,- ընգծեց Քոչարյանը:

Անդրադառնալով իրենց հետագա անելիքներին՝ Ռոբերտ Քոչարյանը նշեց, որ հանգիստ չեն թողնելու այն իշխանությանը, որը պատճառ է դարձել մեր պարտության, 5000 զոհերի, Շուշիի և Հադրութի կորուստի:

«Առաջին հերթին իրենց հանգիստ չենք թողնելու, որովհետև իրենք այդպես լ չեն հասկացել և չեն ընդունում իրենց մեղքը՝ այս ամենի մեջ: Մենք ցույց ենք տալու, թե ով է մեղավոր և ինչպես է այս արհավիրքը կախվել մեր երկրի գլխին: Սա արհեստածին պատերազմ էր, մեքն դա ապացուցելու ենք»,-նշեց Ռոբերտ Քոչարյանը՝ հավելելով, որ «Հայաստան» դաշինքը դարձել է ռադիկալ ընդդիմություն և օգտագործելու է բոլոր հնարավորությունները, որը տալիս է օրենսդրությունը: Ավելին՝ Ռոբերտ Քոչարյանն ընդգծեց, որ վերադարձնելու են ժողովրդի հավատը՝ դեպի խորհրդարանական ընդդիմություն, որովհետև վերջին տարինբերի ընթացքում խորհրդարանական ընդդիմությունը բազմաթիվ գործարքների էր գնում իշխանության հետ և այդ հավատի կորուստը մեծ է:

Նրա խոսքով՝ այսօր ունեն հնարավորությունը՝ վերականգնելու հավատը խորհրդարանական ընդդիրմության նկատմամբ, ինչի համար պետք է աշխատել գիշեր-ցերեկ, լինել ռադիկալ ընդդիմություն, պայքարել ժողովրդի շահերի համար, ինչն արվելու է:

Աղբյուր` Փաստինֆո