Փաստ ինֆո

ԱԺ «Իմ» քայլը խմբակցության պատգամավոր Հովիկ Աղազարյանը խորհրդարանի արտահերթ նիստում կարևորեց ընդդիմություն ունենալու փաստը, որովհետև պետականության կարևորագույն ինստիտուտներից մեկն ունի կարևոր գործառույթ ՝ մատնանշի և ցույց տա օրվա իշխանության այս կամ այն հարցում թույլ տված սխալը։

«Ընդդիմությունը իշխանության թույլ տված սխալից չպետք է ուրախանա։ Ընդդիմությունը՝ մատնանշելով իշխանության թերությունները, նպատակ ունի ընտրողին ներկայանալու տվյալ հարցի հետ կապված լուծման իր պատկերացումներով, բայց կարող է այնպիսի իրավիճակ ստեղծվել, որ իշխանության գալու դեպքում կարող է այդ հարցը չլուծել»։

Աղազարյանն ասում է՝ իհարկե, թերացում եղել է, եթե չլիներ, կարող է և անվտանգության մասին հարցը հիմա չքննարկեին խորհրդարանում, բայց արդյոք այդ թերացումներն օբյեկտիվ են , թե սուբյեկտիվ, թողնվում է ժամանակի գնահատմանը։

«Այնպիսի բաներ կան, որ կարելի է ասել, որ ասում ենք թաքուն զրույցներում, բայց չենք կարող ասել հանրային, որովհետև աշխարհաքաղաքական վիճակը այնպիսին է, որ մենք պետք է հասկանանք, թե ինչ հնարավոր զարգացումներ կարող ենք ունենալ»։

Պատգամավորը նշեց՝ ՀԱՊԿ շրջանակներում հարցը լուծելի է, չնայած պետք է պատրաստ լինենք նաև վատ սցենարների՝ ամեն իմաստով։

«Թշնամին նենգ է և խորամանկ և ինքն իր հավակնոտ քայլը շատ նենգությամբ է անում, որպեսզի թույլ տա դիմացինը սխալ կատարի ու դրա պատճառով ստեղծված մութ ջրերում ձուկ որսա։ Պետք է քայլերը լինեն համարժեք և համաչափ»,- եզրափակեց պատգամավորը։

Մանրամասները՝ տեսանյութում

Աղբյուր` Փաստինֆո