Փաստ ինֆո

ՀՀ ԶՈՒ ԳՇ պետի պաշտոնից Օնիկ Գասպարյանի հեռացումը Նիկոլ Փաշինյանի քմահաճույքներից մեկն էր կամ նրա բնավորության հետեւանքը, որ չի սիրում որեւէ մեկին պարտք լինել,- «Փաստինֆո»-ի եթերում հայտարարել է ՀՀ ԱԺ աշխատակազմի նախկին ղեկավար-գլխավոր քարտուղար Արա Սաղաթելյանը՝ նշելով, որ իր տեղեկություններով՝ Օնիկ Գասպարյանը բավական լուրջ դերակատարում է ունեցել հետպատերազմյան քաղաքական իրավիճակի հանդարտեցման գործում, եւ Նիկոլը բարոյապես պարտք էր նրան։

Ըստ նրա՝ իրականում կարեւոր չէ ինչու Գասպարյանը հեռացվեց կամ նախագահը ինչ արեց, այլ կարեւորն այն է, որ գեներալիտետը հայտարարեց, որ կանգնած է ժողովրդի կողքին եւ որպես մեղավոր տեսնում են Նիկոլ Փաշինյանին։

«Բոլորը, այդ թվում առաջին նախագահը դա են ասում, որ բարդակի մեղավորը Նիկոլ Փաշինյանն է»,- ասել է Արա Սաղաթելյանը։

Անդրադառնալով նախապատերազմյան իրավիճակին՝ բանախոսը նկատել է, որ մոտ երկու տարի առաջ, բազմիցս բարձրաձայնել է, տարբեր պետական մարմիններին փորձել տարբեր եղանակներով տեղեկացնել, որ Ադրբեջանի դեսպանատները հավաքում են տարբեր երկրներում իրենց երիտասարդության ներկայացուցիչներին ու կոնկրետ ինստրուկցիաներ են տալիս գալիք պատերազմից հետո գործողությունների մասին, ինչին ի պատասխան իրեն ասում էին՝ լավ։

Ըստ նրա՝ այսօր եւս հակառակորդն աշխատում է, և դա արտահայտվում է ոչ միայն նրանով, որ Թուրքիայից ինչ- որ մեկը կամ Ալիևը ինչ- որ տխմարություններ են դուրս տալիս, այլ հիմնականում հետխորհրդային տարածքում՝ Ուկրաինայում, Ղազախստանում Ադրբեջանի դեսպանատների ծավալվող գործունեությամբ։ Ա.Սաղաթելյանի դիտարկմամբ՝ նշված գործունեության արդյունքը լինելու է այն, որ այլ երկրներում ադրբեջանցի երեխաները ծեծելու են հայ ազգի երեխաներին։

Մանրամասները՝ տեսանյութում։

Աղբյուր` Փաստինֆո