Մեզ չպետք է հետաքրքրի, թե ինչպես ենք պետությունը դիակ դարձնում, այլ ինչպես կոշտ ձևով այդ պրոցեսը կանգնեցնել․ Հարություն Մեսրոբյան

ԲՈԼՈՐ ՆՅՈՒԹԵՐԸ

Բոլորը

07/05/2022 19:33 Վերականգնվելու եմ իմ պաշտոնում, մեկ-երկու մարդ պատժվելու է. Վարդազարյան (տեսանյութ) 07/04/2022 12:16 Առցանց հարթակներում տեղեկատվության անվտանգության իրավական կարգավորման և վերահսկողության հարցով գլխավոր դատախազը դիմել է Կառավարությանը 07/04/2022 22:23 66 ՔՊ-ական միացան Նիկոլ Փաշինյանի իշխանազրկման գործընթացին. Էդգար Ղազարյան (տեսանյութ) 07/05/2022 17:16 Ալիեւը ճանաչեց Արցախի Հանրապետությունը որպես ինքնավարություն՝ Հայաստանի կազմում. Էդգար Ղազարյան (տեսանյութ) 07/04/2022 15:33 Դավիթ Խաչատուրյանի օգտին դատավորները չեն քվեարկել. ԲԴԽ նախագահի պարտականությունները կկատարի Ստեփան Միքայելյանը 07/04/2022 20:00 Արքեպիսկոպոս Կճոյանը մտադիր է երթ կազմակերպել 07/04/2022 19:07 Ընդդիմությունը նախատեսում է վերսկսել զանգվածային ակցիաները 07/04/2022 12:47 Արթուր Ղազինյանին հաջորդած ՀՅԴ-ական Արգիշտի Գևորգյանը՝ մանդատը վերցնելու մասին 07/05/2022 21:08 Արդյո՞ք տուժում է սեքսուալ ֆունկցիան, երբ հեռացվում են կնոջ վերարտադրողական օրգանները 07/04/2022 21:49 Աննա Հակոբյանի «պաշտոնական» հանդիպումները ցուցանում են՝ Սփյուռքում էլ ունեն «սրտի» գործարարներ 07/04/2022 17:01 Ստեփան Միքայելյանը հրաժարականի դիմում է ներկայացրել ավագության սկզբունքով պարտականությունները կատարելուց. ԲԴԽ նախագահի պարտականությունները կկատարի Սերգեյ Չիչոյանը 07/04/2022 19:54 Տիգրան Ավինյանի մայրը շուկայականից ցածր գնով բնակարան ու ավտոկայանատեղի է ձեռք բերել Պարոնյան փողոցում կառուցվող նորակառույցում. civilnet 07/04/2022 15:11 Լաչինի միջանցքը հանձնելուց հետո Ադրբեջանն Արցախն ամբողջությամբ կզրկի էլեկտրաէներգիայից և գազից.փորձագետ 07/05/2022 16:20 Արայիկ Հարությունյանը Արցախի թշնամին է, նա պետք է Արցախի կառավարությանը վերադարձնի կուտակած միլիոններն ու հանձնվի. Էդգար Ղազարյան (տեսանյութ) 07/05/2022 14:30 Հրայր Թովմասյանի «գրիչի» գործով վճիռը բեկանվել է. Նիկոլ Փաշինյանը Հրայր Թովմասյանից ներողություն չի խնդրի 07/04/2022 21:35 «Հանրապետություն» կուսակցությունը խուսափում է մեկնաբանել Բերձորի շուրջ ստեղծված իրավիճակը 07/05/2022 17:21 Դատական համակարգը փրկվեց բիրտ ուժ կիրառողից ու պատվեր իջեցնողից. Ռուբեն Վարդազարյան (տեսանյութ) 07/05/2022 21:57 Խայտառակ ձախողումները մեծապես պայմանավորված էին անհաշվենկատ, իր բնույթով «քյանդրբազային» քայլով, և դրա ամբողջական պատասխանատվությունը, իհարկե, Սերժ Սարգսյանինն է. Արմեն Դարբինյան 07/04/2022 17:56 Պավել Մանուկյանը տեղափոխվել է քաղաքացիական հիվանդանոց 07/05/2022 00:05 Թուրքիայում կրկին բողոքի ակցիաներ են մոլեգնում

Մեզ չպետք է հետաքրքրի, թե ինչպես ենք պետությունը դիակ դարձնում, այլ ինչպես կոշտ ձևով այդ պրոցեսը կանգնեցնել․ Հարություն Մեսրոբյան 02/22/2021 20:43 | Հարցազրույց

IDEX-2021 միջազգային ռազմարդյունաբերական ցուցահանդեսում առաջացած լոգիստիկ խնդիրների հետևանքով հայկական ռազմական տեխնիկայի ցուցանմուշներն Աբու Դաբի չեն հասել։ Փոխարենը տաղավարում դրված են եղել բուկլետներ, իսկ էկրանին ցուցադրվել են հոլովակներ։ «Փաստինֆո»-ն այս հարցի վերաբերյալ զրուցել է Հանրային խորհրդի նախկին անդամ, կառավարման փորձագետ Հարություն Մեսրոբյանի հետ։

- Աբու Դաբիում ռազմարդյունաբերական ցուցահանդեսի ժամանակ հայկական տաղավարում ցուցանմուշներ չեն եղել, քանի որ լոգիստիկ խնդիրների պատճառով հայկական ռազմական տեխնիկայի ցուցանմուշները չեն հասել Աբու Դաբի։ Անհրաժեշտ կարևորություն չե՞նք տալիս նման միջոցառումներին, որ նման խնդիրներ են առաջանում և չենք կարողանում պատշաճ կերպով ներկայացնել Հայաստանը։

- Անգրագետներից ի՞նչ եք ուզում։ Ասում եք՝ լոգիստիկ խնդիր է եղել։ Եթե պետությունը ցուցահանդեսի հետ կապված ունի լոգիստիկ խնդիր, բա ուզում էինք Արցախի պատերազմում հաղթե՞լ։ Մի առակ կա. թագավորը զորավարին հարցնում է՝ ինչու՞ պարտվեցիր ճակատամարտում։ Զորավարն ասում է՝ 10 պատճառներ կային՝ առաջինն այն էր, որ փամփուշտ չունեինք։ Թագավորն ընդհատում է և ասում՝ կարող ես չշարունակել։ Հիմա մենք՝ ընդհանրապես պետական կառավարում չունենք, բայց խոսում ենք ցուցահանդեսում լոգիստիկ խնդիրների մասին։ Ես էլ չեմ խոսում, որ կորցրեցինք Իրանի հետ սահմանի զգալի մասը, հիմա էլ ճանապարհներ ենք կորցնում, տալով դրանք Ադրբեջանին: Այսինքն՝ էլ ավելի ենք բարդացնում լոգիստիկ խնդիրների լուծումները:

- Ստացվում է՝ 3 տարվա ընթացքում կառավարման համակարգը վերացա՞վ։

- Եթե 1991թ․-ից մինչև 2018թ․-ը երկրի պետական կառավարման համակարգը խորը ճգնաժամի մեջ էր, ինչի մասին ես ահազանգում էի ԶԼՄ-ներով, ապա 2018թ.-ի թավշյա հեղաշրջումից հետո մենք այլևս չունենք պետական կառավարման համակարգ։ Եթե պետական կառավարում չկա, ապա պատերազմից մինչև լոգիստիկ խնդիրներ լուծում չենք ունենալու։ Մենք հիմա կարող ենք միայն հատվածային ասֆալտապատում անել և դրանով օր ու գիշեր հպարտանալ՝ ինչով և զբաղված ենք:

- Այս դեպքում չիմացությու՞նն էր պատճառը, թե՞ հետաքրքրված չեն, որպեսզի Հայաստանը պատշաճ կերպով ներկայացնեն՝ հաշվի առնելով, որ այդ ցուցահանդեսում հայկական տաղավարի համար պետբյուջեից բավական մեծ գումար է հատկացվել։

- Անգլիայի Ռիչարդ Առյուծասիրտ թագավորը մի անգամ ասել է, որ դիակին կարևոր չէ, թե ինչպես է ինքը դարձել դիակ։ Մեզ չպետք է հետաքրքրի, թե ինչպես ենք պետությունը դիակ դարձնում, ուղղակի կոշտ ձևով այդ պրոցեսը պետք է կանգնեցնենք։ Մենք կործանվում ենք, բայց հետաքրքրվում ենք, թե ինչպես ենք կործանվում։

- Այդ դեպքում՝ ի՞նչ պետք է անենք, որ չկործանվենք։

- Պետք է կառավարման պրոֆեսիոնալներին հրավիրել իշխանություն, բայց նրանց, ովքեր ունեն բարոյական բարձր հատկանիշներ։

- Ունե՞նք այդպիսի մարդիկ։

- Իսկ մենք երբևիցե նրանց որոնե՞լ ենք: Ես չեմ խոսում կեղծավոր հրապարակային ցանկությունների մասին, այլ՝ զուտ գործնական: Մենք 30 տարի բարոյականության և պրոֆեսիոնալիզմի վրա թքած ունենք։ Եթե մի բանի վրա թքած ունենք, ինչպե՞ս կարող ենք դա ունենալ։ Ճշմարտությունն այն է, որ ժողովրդի զգալի մասն էլ թքած ունի երկրի վրա։ Եթե այդպես չլիներ, կոմիկ դերասանին Երևանի քաղաքապետ կընտրեի՞նք։ Որից հետո կհանդուրժեի՞նք քաղաքապետարանի նոր չինովնիկների լոպազ հարցազրույցները, որտեղ իրենք սարեր էին խոստանում երևանցիներին՝ վերելակներ, ճոպանուղի, մեծ ավտոբուսներ, մետրոյի կայարաններ և այլն: Ավելին, նույն ժողովուրդը հանդուրժեց, որ այդ չինովնիկները զրոյական արդյունքներով, ոչ մի խոստում չկատարելով, պարգևավճարներ ստանալով օրը ցերեկով հեռանան, փաստորեն թքելով իրենց ընտրած ժողովրդի վրա: Նոր քաղաքապետին կողմ քվեարկողներն ինչի՞ մասին էին մտածում։ Պատկերացրեք՝ նստում եք ինքնաթիռ և օդաչու ընտրում կոմիկ դերասանի կամ էլ լրագրողի։ Իսկ պետությունն ինքնաթիռից շատ ավելի բարդ համակարգ է։ Եթե ուզում ենք, որ Հայաստանը երկիր դառնա, բնակչության 80%-ին պետք է զրկել ընտրելու իրավունքից։

- Հիմա մարդկա՞նց մեջ է խնդիրը, որ դուրս չեն գալիս, թե այն ուժերի, որոնք դրսում են։

- Մենք ենք մեղավոր։ Ազգովի ընտրում ենք այն մարդկանց, որոնք երկիրը քանդում են ու մենք ոչ մի գրամ պատասխան չենք տալիս դրա համար։ Մեղադրում ենք ջհուդամասոններին, ամերիկացիներին, ռուսներին։ Բոլորին մեղադրում ենք բացի մեզանից։ Եթե շարունակենք նման անբարո խաղերը, այդ ընթացքում կունենանք շատ ավելի մեծ մարդկային ու տարածքային կորուստներ և այդ ժամանակ ոչ թե պետք է երկրի ապագայի մասին մտածենք, այլ դագաղագործի մասնագիտություն ձեռք բերելու։

Աղբյուր` Փաստինֆո