ԲՈԼՈՐ ՆՅՈՒԹԵՐԸ
Սրբազանին վարկաբեկելով փորձում են սեպ խրել հասարակության և եկեղեցու միջև.պաշտպանը չի բացառում՝ Կճոյանի և Աշոտ Սուքիասյանի հեռախոսազրույցի ձայնագրության արտահոսքն ԱԱԾ-ից է եղել 02/17/2021 15:09 | Քրեական խրոնիկոն
Նավասարդ Արքեպիսկոպոս Կճոյանի և Աշոտ Սուքիասյանի հեռախոսազրույցի ձայնագրությունը նախաքննական գաղտնիք է և չի բացառվում, որ ձայնագրությունը հենց ԱԱԾ-ն է տարածել։ Այս մասին «Փաստինֆո»-ի հետ զրույցում ասաց Նավասարդ Արքեպիսկոպոս Կճոյանի պաշտպան Արմինե Ֆանյանը։
Նշենք, որ համացանցում հայտնվել է Արարատյան հայրապետական թեմի առաջնորդ Նավասարդ Արքեպիսկոպոս Կճոյանի և նրա սանիկի՝ Աշոտ Սուքիասյանի հեռախոսազրույցի ձայնագրությունը, ըստ որի՝ նրանք քննարկում են օֆշորային գոտում գործարքների մանրամասները, մասնավորապես, պլանավորում են անելիքները, խոսում օֆշորային գոտում գրանցված ընկերությունում ստորագրությունները փոփոխելու մասին։
Ֆանյանը գտնում է, որ արտահոսքը եղել է ԱԱԾ-ից, քանի որ այն քրեական գործի տվյալ է, բացի այդ՝ նախկինում կցված չի եղել Աշոտ Սուքիասյանի քրեական գործին, չի հետազոտվել դատարանում։ Ըստ փաստաբանի՝ այն ձեռք է բերվել ավելի ուշ՝ օպերատիվ-հետախուզական միջոցառումների արդյունքում, որին պաշտպանական կողմը դեռեւս չի ծանոթացել։
«Նախաքննական գաղտնիք է, որին չի տիրապետում անգամ պաշտպանության կողմը, բայց ինչ-որ երրորդ անձանց ձեռքերում է հայտնվել։ Ինչպե՞ս կարող է քրեական գործից ապացույցը հայտնվել երրորդ անձի ձեռքում։ Ակնհայտ է, որ ԱԱԾ-ն է այդ տեղեկությունը տրամադրել։ Հո քննիչի աշխատասենյակ չե՞ն մտել գործից դա ստացել կամ քննիչի համակարգչից ձեռք բերել։ Այդ ապացույցը միայն քրեական գործում է եղել, իսկ թե ինչպես է հայտնվել նախաքննական տվյալը՝ այլ անձանց ձեռքերում, արդեն ԱԱԾ-ն պետք է պատասխանի։ Եթե ԱԱԾ-ն պնդի, որ իրենք չեն հրապարակել, ուրեմն հանցանք է կատարվել։ Հետևապես՝ դրա շուրջ պետք է քննություն կատարեն և տեսնեն, թե քրեական գործի տվյալն ինչպես է հայտնվել հանրության լայն շրջանակների ձեռքում, որ մի հատ էլ մարդիկ տարածում են»,- նշեց Ֆանյանը՝ նշելով, որ հանցագործության մասին հաղորդում ներկայացնելու դեպքում կտեղեկացվի այդ մասին։
Իսկ թե ինչ նպատակ է հետապնդում վարույթն իրականացնող մարմինը՝ արտահոսք իրականացնելով՝ Ֆանյանը նշեց, որ ներկայումս Աշոտ Սուքիասյանի վերաբերյալ քրեական գործը գտնվում է Վճռաբեկ դատարանում և չի բացառվում, որ փորձ է արվում ազդեցություն ունենալ Վճռաբեկ դատարանի որոշման վրա։ Բացի այդ՝ ցանկանում են թիրախավորել եկեղեցին։
«Հաշվի առնելով Նավասարդ Արքեպիսկոպոս Կճոյանի ազդեցությունը և այն, որ եկեղեցին այս պահին նմանատիպ հարձակումների է ենթարկվում, կարծում եմ, սա եկեղեցին թիրախավորելու հերթական փորձն է»,- նշել է նա՝ ուշադրություն հրավիրելով այն հանգամանքի վրա, որ ձայնագրությունը համացանցում հայտնվել է Ամենայն Հայոց կաթողիկոսի՝ լրագրողներին տված մեկնաբանությունից հետո։ «Փորձելով վարկաբեկել Սրբազանին՝ փորձում են սեպ խրել հասարակության և եկեղեցու միջև»,- նշեց Ֆանյանը։
Ինչ վերաբերում է բուն ձայնագրությանը՝ Ֆանյանը նշեց, որ քրեական գործից անտեղյակ մարդկանց համար չի կարող ընկալելի լինել, թե ինչի մասին է խոսքը, ամբողջ քրեական գործի փաստերից աղճատված խոսակցություն է և որևէ բան չի ապացուցում։
«Այն, ինչի մասին խոսում են, ընդհանրապես Աշոտ Սուքիասյանի վերաբերյալ հարուցված քրեական գործի հետ կապ չունի և որևէ կերպ մեղադրանքը հիմնավորել չի կարող։ Այդ ապացույցն արդեն բավականին վաղուց է քրեական գործում, բայց նախաքննության շրջանակներում որևէ քննչական կամ դատավարական գործողություն չի կատարվում, այդ գործն առկախված վիճակում է՝ ոչ դատարան է ուղարկվում, ոչ՝ կարճվում։ Մեղադրանքը հիմնավորող որևէ ապացույց չկա, ամբողջովին աբսուրդային մեղադրանք է առաջադրված»,- նշեց փաստաբանը։
Նրա խոսքով՝ այն ընկերությունը, որը գրանցված է օֆշորային գոտում և ինչում մեղադրում են Աշոտ Սուքիասյանին, որևէ առնչություն չունի այն ընկերության հետ, որում բաժնեմաս ունենալը վերագրվում է Սրբազանին։ Ըստ Ֆանյանի՝ թացը չորի հետ ամբողջովին խառնվել է և հասարակությունը ևս մոլորության մեջ է։
«Դրանք տարբեր ընկերություններ են։ Նախաքննական մարմինն է կապել այդ ընկերությունները՝ իր դատողություններով։ Այդ ընկերություն մուտք եղած գումարն ընդհանրապես տուժողին չի պատկանում և դրա մասին ապացույցները մենք կներկայացնենք քրեական հետապնդման մարմին, եթե, իհարկե, իրենք չունեն, մինչդեռ ես վստահ եմ, որ իրենք ունեն այդ ապացույցները»,- ասաց Ֆանյանը։
Ինչ վերաբերում է Կճոյանի մասնակցությամբ քննչական գործողություններին՝ Ֆանյանը տեղեկացրեց, որ իր՝ որպես պաշտպան ներգրավվելուց հետո որեւէ քննչական կամ դատավարական գործողություն չի կատարվել։
Նրա խոսքով՝ Սրբազանի դեմ ոչ մի ցուցմունք լինել չի կարող, ընդամենը տուժողի դատողություններն են։
«Այն, որ տուժողն անհիմն կերպով Սրբազանի անունը կապում է Աշոտ Սուքիասյանի վերաբերյալ քրեական գործի հետ, ուղղակի թիրախավորում է՝ գուցե քրեական գործն ավելի ազդեցիկ դարձնելու համար։ Ուրիշ որևէ այլ ցուցմունք սրբազանի դեմ լինել չի կարող, որովհետև վերագրվող արարքները որևէ փաստական կամ իրավական հիմք չունեն»,- նշեց նա՝ հավելելով, որ իր՝ որպես պաշտպան ներգրավվելու հետո Կճոյանի և գործով տուժողի միջև առերես հարցաքննություն չի եղել, իսկ նախկինում եղել է, թե ոչ՝ ասել չի կարող։
Իսկ թե գործով ինչ կարգավիճակ ունի ՀՀ նախկին վարչապետ Տիգրան Սարգսյանը՝ Ֆանյանը նշեց, որ տեղեկատվության չի տիրապետում, բայց կարող է ասել, որ նրան մեղադրանք առաջադրված չէ։
Հիշեցնենք, որ արքեպիսկոպոս Կճոյանի անունը դեռևս տարիներ առաջ էր շոշափվում օֆշորային սկանդալի մեջ՝ կապված գործարար Փայլակ Հայրապետյանի ունեզրկման հետ: Արքեպիսկոպոս Կճոյանից բացի օֆշորային սկանդալի կենտրոնում էր հայտնվել նաև այն ժամանակվա վարչապետ Տիգրան Սարգսյանը, սակայն հարուցված քրեական գործի շրջանակներում ո՛չ Նավասարդ արքեպիսկոպոս Կճոյանը, ո՛չ Տիգրան Սարգսյանը չեն ներգրավվել որևէ դատավարական կարգավիճակով: Գործով մեղադրանք էր առաջադրվել Նավասարդ արքեպիսկոպոս Կճոյանի սանիկ Աշոտ Սուքիասյանին՝ խարդախությամբ ուրիշի առանձնապես խոշոր չափերով գույքի նկատմամբ իրավունք ձեռք բերելու, հանցավոր ճանապարհով ստացված խոշոր չափերով եկամուտներն օրինականացնելու, չարամտորեն խոշոր չափերով հարկեր, տուրքեր և պարտադիր այլ վճարումներ կատարելուց խուսափելու համար:
2017թ-ին Երևանի ընդհանուր իրավասության դատարանը՝ դատավոր Վարդան Գրիգորյանի նախագահությամբ, մեղավոր էր ճանաչել Սուքիասյանին՝ դատապարտելով ազատազրկման՝ 16 տարի ժամկետով: Դատարանը վճռել էր մոտ 8 մլրդ 919 մլն դրամ բռնագանձել՝ հօգուտ Փայլակ Հայրապետյանի և 632 մլն 403 հազար դրամ՝ հօգուտ Հայրապետյանի որդու: Դատավճռից երկու տարի անց Վերաքննիչ քրեական դատարանը մեղմացրել է Սուքիասյանի մեղադրանքը և անմեղ ճանաչել՝ փողերի լվացման և առանձնապես խոշոր չափերի խարդախություն կատարելու մասով:
2020թ. ապրիլի 13-ին Նավասարդ Կճոյանին հրավիրել են ԱԱԾ և մեղադրանք են առաջադրել առանձնապես խոշոր չափերով փողերի լվացման և խարդախության համար:
Հեղինակ՝ Իզաբել Սահակյան
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/03/2024 08:19 Ճանապարհից երևում են նշաձողերը․ «Հրապարակ»
- 05/03/2024 08:13 70-ամյա փարպեցին ևս մասնակցում է բողոքի ակցիաներին․ «Հրապարակ»
- 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ»
- 05/03/2024 08:07 Հայրենիքի հանձնմանն անձամբ հետեւել է ռազմական ոստիկանության պետ Աշոտ Զաքարյանը․«Հրապարակ»
- 05/03/2024 08:02 ՔՊ-ն գլխավոր դատախազի հաշվետվությունը վերածելու է ընդդիմության դատաստանի․«Հրապարակ»
- 05/03/2024 07:51 Կարեն Անդրեասյանի խնդրահարույց եւ աչառու պաշտոնավարումը` Freedom House -ի զեկույցում. «Ժողովուրդ»
- 05/03/2024 07:44 Կառավարությունը 210 մլն դոլար արժողությամբ պայմանագիր է կնքել. Սարյանի «ՀայՓոստ»-ի փոխարեն` «Համաշխարհային առեւտրի կենտրոն Երեւան». «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/03/2024 11:30 «Սահմանազատումից» հետո Կիրանցի նոր կառուցվող դպրոցի շենքը ադրբեջանցիներից հեռու է լինելու 150-160 մ
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
Արխիվ
Արտակարգ պատահարներ
- 05/03/2024 23:31 Բախվել են ավտոմեքենաներ․ կան տուժածներ և մեկ զոհ
- 05/03/2024 22:04 Ավտովթար՝ Արմավիրում․ բախվել են «Kia»-ն և «ՎԱԶ 2106»-ը․ կան տուժածներ․ Shamshyan.com
- 05/03/2024 20:52 ՃՏՊ՝ Ծաղկահովիտ-Ալագյազ ավտոճանապարհին․ կան տուժածներ
- 05/03/2024 16:09 ՃՏՊ Երևան-Իջևան ավտոճանապարհին․ կան տուժածներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն