ԲՈԼՈՐ ՆՅՈՒԹԵՐԸ
Թուրքական երրորդ դաշտային բանակի խնդիրը Հայաստանի գրավումն է, զորքը կա, բայց ընտրվել է Հայաստանը շատ արագ կործանելու ամենակարճ ճանապարհը. Փորձագետ 02/15/2021 20:16 | Քաղաքական
Հայաստանի իշխանություններն այս պահին գաղտնի բանակցությունների մեջ են Թուրքիայի հետ,- «Փաստինֆո»-ի հետ զրույցում հայտարարել է ռազմական փորձագետ Հայկ Նահապետյանը՝ կարծիք հայտնելով, որ 2018 թվականին իշխանության եկած խումբն սպասարկում է ԱՄՆ-ի և իր դաշնակից երկրների, մասնավորապես՝ Անգլիայի և Իսրայելի շահերը։
«Հաշվի առնելով այն, որ տարածաշրջանում իրենց շահերն ապահովող երկրներն ունեն գործնական ու էական նշանակություն թե´ Հայաստանում, թե´ Թուրքիայում, միաժամանակ չմոռանալով, որ 2018 թվականին Հայաստանում գործիքակազմով, ռեսուրսներով և մեթոդաբանությամբ տեղի ունեցածը գունավոր հեղափոխություն էր, իսկ գունավոր հեղափոխությունները, սովորաբար, արտահանվում են ԱՄՆ-ի և իր դաշնակից երկրների, մասնավորապես՝ Անգլիայի և Իսրայելի կողմից, պարզ է դառնում, որ այդ հեղափոխությամբ իշխանության եկած խումբը ՀՀ-ում սպասարկում է վերոհիշյալ երկրների շահերը», - ընդգծել է գործիչը՝ «Փաստինֆո»-ի հետ զրույցում անդրադառնալով վերջերս շրջանառվող այն լուրերին, թե հայկական կողմը փակ գաղտնի բանակցությունների մեջ է Թուրքիայի հետ, որի արդյունքների մասին հայտնի կդառնա մարտ ամսվա ընթացքում:
Ըստ նրա՝ Թուրքիայի նախագահ Էրդողանին՝ իր քաղաքական թիմի հետ միասին, ուղղակիորեն, իշխանության է բերել և իշխանության ղեկին է պահում Անգլիան, նույն գունավոր հեղափոխության օրրաններից մեկը՝ ապահովելով տարածաշրջանում Մեծ Բրիտանիայի շահերը: «Հետևաբար, այն ինչ կատարվում է վերջին երկուս ու կես տարիների ընթացքում մեր երկրում, վերջին դեպքերը՝ հատկապես, տեղի են ունենում այդ երկրների անմիջական վերահսկողությամբ: Թուրքիայի հետ տարվելիք գաղտնի բանակցությունները, հատկապես, բխում են հենց այդ երկրների՝ տարածաշրջանում ունեցած աշխարհաքաղաքական շահերից: Ստացվում է, որ իրադարձությունների պլանավորողները նույն ուժերն են, միայն կատարողներն են տարբեր՝ Հայաստանում Փաշինյանի վարչակազմն է, Թուրքիայում՝ Էրդողանի»,- ասել է Հայկ Նահապետյանը։
Անդրադառնալով լուրերին, թե օրվա իշխանությունները նախապատրաստվում են մարտ ամսին՝ արդեն թշնամի Թուրքիայի հետ կնքվելիք հերթական գաղտնի և, թերևս, աննախադեպ ստորացուցիչ փաստաթղթի ստորագրմանը, որտեղ կարող է արծարծվել Թուրքիայի կոկորդին մնացած Հայկական հարցի չեղարկման և Հայոց Ցեղասպանության խնդիրը՝ փորձագետը չի բացառել. «Իհարկե, Թուրքիայի համար Հայկական հարցի չեղարկումը առաջնահերթություն է: Այդ պետության դիվանագիտության, տնտեսության, ռազմական և հատուկ ծառայությունների համար Հայկական հարցը երկար տարիներ դիտվել է որպես լուրջ խոչընդոտ, որը, որպես կանոն, գործիք է ծառայում այլ երկրների ձեռքին՝ Թուրքիայի վրա ճնշումներ գործադրելու, իրենց ազգային և պետական շահերն առաջ մղելու համար: Հետևաբար, Հայկական հարցի չեղարկումը Թուրքիայի համար ոչ թե Հայաստանի հետ դիվանագիտական հարաբերութունների հաստատման և սահմանների բացման նպատակ է հետապնդում,այլ, առաջին հերթին, այլ երկրների կողմից նմանօրինակ ճնշումները բացառելու հնարավորություն ընձեռում: Թուրքիայի համար շատ կարևոր է ոչ թե Ցեղասպանության ճանաչումը, այլ դրա հետևանքների հետ կապված խնդիրների վերացումը՝ տարածքային ամբողջականության հետ կապված հարցը, պահանջատիրական խնդիրների չեղարկումը, որոնք մեծ նյութական ռեսուրսների կորուստներ են սպառնում այդ պետությանը: Այնպես որ, վերադառնալով հարցին՝ հնարավո՞ր է, որ այս պահին Թուրքիայի հետ ընթացող գաղտնի բանակցությունների օրակարգում կարող է դրված լինել Հայոց Ցեղասպանության և Հայկական հարցի խնդիրը, պատասխանում եմ՝ միանշանակ հնարավոր է»:
Հարցին՝ ի՞նչ հետևանքներ կարող է ունենալ Թուրքիայի հետ սահմանների բացման և տնտեսական համագործակցության հեռանկարը Հայաստանի Հանրապետության համար՝ Հայկ Նահապետյանը պատասխանեց մեկ բառով՝ կործանարար, ապա ավելացրեց. «Թուրքիայի հետ սահմանների բացումը և գեղեցիկ բառերով նկարագրված հայ – թուրքական տնտեսական համագործակցությունը Հայաստանն առանց ռազմական միջամտությամբ և շատ արագ կործանելու ամենակարճ ճանապարհն է, որ սկիզբ դրվեց Լևոն Տեր- Պետրոսյանի, իսկ հիմա կյանքի է կոչվում նրա հոգեզավակ Փաշինյանի կողմից: Այս հարցն իր մեջ շատ ավելի մեծ ռիսկեր է պարունակում, քան առաջին հայացքից կարելի է նկատել: Այս հարցով լավագույն նախադեպը, թերևս, Աջարիան է, որ ինքնավարության որոշակի կարգավիճակ ուներ, բայց Թուրքիայի տնտեսական կառույցների, ինչպես նաև այդ երկրի հատուկ ծառայությունների կողմից՝ քարոզչական, կրոնական և գաղափարական էքսպանսիայի ենթարկվելուց հետո, դարձավ այս պահին Վրաստանում թուրքական ամենամեծ ազդեցության գոտիներից մեկը: Այլ կերպ ասած, Թուրքիան էքսպանսիա է իրականացնում նաև Վրաստանի վրա, բոլորովին վերջերս էլ հայտարարեց, թե Վրաստանի հետ ինքը տարածքային ամբողջականության հետ կապված խնդիրներ ունի: Սահմանների բացման պարագայում, նույն սցենարը սպառնում է նաև Հայաստանի Հանրապետությանը: Այսինքն, թուրքական կապիտալի ներհոսքը դեպի Հայաստան ոչ թե բիզնես և շահույթ, այլ հստակ էքսպանսիա իրականացնելու նպատակ է հետապնդում: Նույնիսկ նյութական վնասներ կրելու հեռանկարով, Թուրքիան պատրաստ է Հայաստանում պետական հսկայածավալ ներդրումներ կատարել, միջնորդավորված կերպով, ամբողջովին իր ձեռքը վերցնելով Հայաստանում տնտեսության կարևորագույն ճյուղերը: Նա կարող է իր ձեռքը վերցնել կարևորագույն տնտեսական կառույցների և հանքերի շահագործման իրավունքը, սեփականաշնորհել կամ գնել դրանք, էլ չեմ խոսում անշարժ գույքի շուկայի մասին, սրանով, վերջնականապես, քանդելով Հայաստանը»
Ըստ նրա՝ վերահսկելով պետության տնտեսական համակարգը, Թուրքիան կարող է լուրջ ազդեցություն ձեռք բերել նաև պետության ներքաղաքական կյանքում. «Օրինակ, մի գեղեցիկ օր, մենք կարող ենք Հայաստանի ներսում Թուրքիայից ֆինանսավորվող և պրոթուրքական լոբինգ իրականացնող քաղաքական կուսակցություններ բացահայտել: Չնկարագրելով Փաշինյան Նիկոլի կողմից այս պահին առաջ մղվող հակահայկական և ազգակործան ծրագրի բոլոր մանրամասները, կարճ կասեմ՝ Հայաստանը Թուրքիայի համար, բացառապես, էքսպանսիոն թիրախ է, ուրիշ ոչինչ: Ավելորդ է ասել նաև, որ սրանով, Թուրքիան, իհարկե, կյանքի է կոչում իր համար հեռանկարային և գերկարևոր՝ Պանթյուրքիզմի իրականացման ծրագիրը»:
Նրա վերլուծությամբ՝ թուրքական տնտեսական էքսպանսիայից պաշտպանվելու միակ միջոցը, որն այս պահին ունի Հայաստանը՝ Եվրասիական տնտեսական համակարգում ինտեգրված լինելու փաստն է, որն էլ վերջին երկուս ու կես տարիների ընթացքում, այդքան ինտենսիվորեն փորձում են չեղարկել հայաստանյան իշխանությունները. «Եվրասիական տնտեսական միության խաղի կանոններով առաջնորդվելու պարագայում, այդ միության շրջանակներում կնքված իրավական ակտերի, պայմանագրերի ու համաձայնագրերի շնորհիվ, մենք որոշակի պաշտպանվածություն ենք ձեռք բերում թուրքական տնտեսական էքսպանսիայից: Բայց միևնույն է, անգամ այս պարագայում, Թուրքիան իր նպատակներից՝ վերջնականակապես քանդել Հայաստանը, հետ չի կանգնում ճիշտ այնպես, ինչպես թուրքական երրորդ դաշտային բանակի կազմի մեջ մտնող 9-րդ բանակային կորպուսի խնդիրը Հայաստանի Հանրապետության գրավումն է: Զորքը կա, մարտական խնդիրը փոխված չէ, ինչպես փոխված չէ, ավելի քանի մեկ հարյուրամյակ ձգվող Թուրքիայի գերխնդիրը՝ աշխարհի երեսից վերացնել Հայաստանը, մաքրել հայկական հետքը»:
Ամփոփելով զրույցը՝ փորձագետ Հայկ Նահապետյանը նկատել է՝ այն ինչ կատարվում է Հայաստանում, վերջին երկուս ու կես տարիների ընթացքում, ամբողջությամբ կառավարվող գործողություների շղթա է, որտեղ պատահականություններ բացարձակապես չկան. «Հայաստանում իշխանության է եկել պրոթուրքական գործակալական ցանցի խումբը, որ, ամենայն ճշգրտությամբ, առաջ է տանում Հայաստանը քանդելու և վերջնականորեն կործանելու թուրքական վարդագույն երազանքը: Մեծ իմաստով, սա էլ իր հերթին անգլո - սաքսոնական ուժերի ծրագիրն է՝ Հարավային Կովկասն ամբողջությամբ ձերբազատել ռուսական ազդեցության գոտուց: Այլ կերպ ասած, տարածաշրջանում հայաթափման ծրագիր է իրականացվում, տարածքից՝ հայկական էթնոսի դուրս մղման քաղաքականություն, բայց, որպեսզի մարդիկ առարկայորեն չհասկանան դա և ագրեսիվ ընդվզում չձեռնարկեն ծրագրի դեմ, այդ գործընթացը փաթեթավորում են տարբեր կարգախոսներով, գեղեցիկ մտքերով, սին հույսերով, մինյդեռ առարկայական խոսելու պարագայում պետք է ասենք, որ միայն վերջին երեսուն տարիների ընթացքում, ազատ անկախ և ինքնիշխան Հայաստանում բնակչության քանակը շուրջ երկու անգամ կրճատվել է: Հետևաբար, մեր իրական թշնամիները ոչ միայն այն երկրներն են, որոնք խնդիր են դրել ուղղակի կամ միջնորդավորված կերպով հայաթափել այս տարածքը, այլ նաև այն ուժերը, ովքեր ամենայն հետևողականությամբ Հայաստանում ի կատար են ածում այդ երկրների կամքը, ինչպիսին՝ օրվա իշխանություններն են: Այս ամենի հիմքը Հայաստանում դրեցին Լևոն Տեր - Պետրոսյանն ու իր կասկածելի խորհրդականները, որոնցից մի քանիսը հիմա էլ ծառայություն են մատուցում Փաշինյան Նիկոլին ու իր դեգեներատ թիմին: Հետևաբար, որպեսզի մենք կարողանաք փրկել մեր երկիրն այս բոլոր վտանգներից, որոնց մասին այսքան երկար խոսում ենք, առաջին հերթին պետք է ազատվել ազգակործան իշխանություններից: Ես ասում եմ՝ թեև մենք հիմա զոհասեղանին հայտնված մատաղացու գառ ենք հիշեցնում, այնուամենայնիվ, դեռ ունենք այդ հնարավորությունը՝ հավերժ պայքարի օրենքներով առաջնորդվելով, հետ բերել մեր կորցրածը և մեր կամքը թելադրել մինչև անգամ մեր թշնամի հարևաններին»,- ասում է փորձագետ Հայկ Նահապետյանը:
Հեղինակ՝ Նվարդ Մանվելյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել