ՊՆ-ն տարածել է կեղծ տեղեկատվություն. Կառավարությունը պաշտոնապես հերքել է՝ սահմանազատման հարցերով աշխատանքային խումբ չի ստեղծվել

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/28/2024 21:58 Ավտովթար Երևան-Սևան ավտոճանապարհին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին

ՊՆ-ն տարածել է կեղծ տեղեկատվություն. Կառավարությունը պաշտոնապես հերքել է՝ սահմանազատման հարցերով աշխատանքային խումբ չի ստեղծվել 01/19/2021 15:28 | ՀՐԱՏԱՊ ԹԵՄԱ

Հայաստանի պետական սահմանի սահմանազատման և սահմանագծման ոլորտում աշխատանքները կազմակերպելու նպատակով միջգերատեսչական աշխատանքային խումբ չի ստեղծվել։ Կառավարությունից հակադարձում են ՀՀ ՊՆ-ին եւ փաստում, որ պաշտպանության նախարարության ներկայացված պաշտոնական տվյալները կեղծ են։

«Փաստինֆո»-ի հարցմանն ի պատասխան ՀՀ ՊՆ-ից 2021 թվականի հունվարի 8-ին հայտնել էին, որ «ՀՀ պետական սահմանի սահմանազատման և սահմանագծման ոլորտում աշխատանքները կազմակերպում է ՀՀ կառավարության որոշմամբ ստեղծված միջգերատեսչական աշխատանքային խումբը՝ ՀՀ արտաքին գործերի նախարարության համակարգմամբ»։

Հունվարի 9-ին «Փաստինֆո»-ն գրավոր հարցում ուղարկեց ՀՀ վարչապետի աշխատակազմի ղեկավարին՝ խնդրելով տեղեկացնել, թե ե՞րբ է ձևավորվել աշխատանքային խումբը, ովքե՞ր են խմբի անդամները և ո՞ւմ համակարգմամբ է խումբն աշխատում։ Խնդրել էինք նաև ներկայացնել աշխատանքային խումբ ձևավորելու մասին կառավարության որոշման և կից հավելվածների կրկնօրինակները։ Ընդ որում, հարցման մեջ նշել էինք, որ աշխատանքային խմբի ստեղծման մասին պաշտոնապես հայտնել են ՀՀ ՊՆ-ից։ Մինչդեռ պարզվեց, որ գործադիրի ղեկավարի կողմից միջգերատեսչական աշխատանքային խումբ չի ստեղծվել։

«ՀՀ պետական սահմանի սահմանազատման և սահմանագծման ոլորտում աշխատանքները կազմակերպելու նպատակով միջգերատեսչական աշխատանքային խումբ ստեղծելու մասին ՀՀ կառավարության որոշում չի ընդունվել»,- գրավոր պաշտոնապես հայտնել է ՀՀ վարչապետի աշխատակազմի ղեկավարը։

«Փաստինֆո»-ին ավելի վաղ Կառավարությունից տեղեկացրել էին, որ ՀՀ տարածքում նոր սահմանների գծումն իրականացվում է զինված ուժերի կողմից օգտագործվող տեղագրական քարտեզների վրա։

ՀՀ պետական սահմանների շուրջ տեղի ունեցող իրադարձությունների, տարածքային ամբողջականության դեմ իրականացվող ոտնձգությունների իրավական հենքը պարզելու ուղղությամբ «Փաստինֆո»-ի նախաձեռնած լրագրողական հետաքննության շրջանակներում դեռեւս 2020 թվականի դեկտեմբերի 23-ին գրավոր հարցումներ էինք ուղարկել պաշտպանության, արտաքին գործերի, տարածքային կառավարման եւ ենթակառուցվածքների նախարարություններ, սակայն նշված գերատեսչություններն իրենց գործողությունները հիմնավորող որեւէ փաստաթուղթ չէին վկայակոչել, փորձել խուսափել հարցերին պատասխանելուց, թաքցրել տեղեկությունը, թե նոր սահմանազատումը քանի՞ մարզի, համայնքի վրա է ազդելու, ո՞ր թվականի քարտեզի հիման վրա են այդ աշխատանքները կատարվում։ Ավելին՝ սլաքներն ուղղում էին միմյանց ու ՀՀ կառավարության վրա։

ՊՆ-ից առաջարկել էին սահմանազատման հարցերով դիմել ԱԳՆ-ին ու կարծես տեղյակ չէին, որ իրականում ՊՆ-ն է գծում սահմանները ու ինքն է պայմանավորվել Ադրբեջանի զինված ուժերի հետ։ Համենայն դեպս, այդպես էր պաշտոնապես հայտնել ՀՀ կառավարությունը։ Ավելին՝ վերջինս հայտարարել էր, թե Հայաստանի Հանրապետության և Ադրբեջանի Հանրապետության սահմաններին իրականացվող միջոցառումները պետական սահմանների սահմանագծում կամ սահմանազատում չեն համարում և չեն կարող մեկնաբանվել որպես սահմանագծման և սահմանազատման շուրջ վերջնական համաձայնություն, կամ գոյություն ունեցած վարչական սահմանների մեխանիկական հաստատում։ Իսկ վերջնական համաձայնության բացակայության պայմաններում ինչու են ՀՀ զինված ուժերը նահանջում զբաղեցրած դիրքերից ու բարձունքները զիջում թշնամու զինված ուժերին հարցի վերաբերյալ պարզաբանումներ ստանալու համար նոր հարցում ենք ուղարկել ՊՆ, որի պատասխանը դեռ չի ստացվել։

Այսպիսով, կարծես թե ՀՀ-ում այլևս գոյություն չունի գերատեսչություն, որ հստակ կկարողանա պատասխանել, թե ինչպե՞ս է ՀՀ-ում կատարվում սահմանազատումն ու սահմանազատումը, թե կուզեք՝ «պաշտպանական և անվտանգային բնույթի միջոցառում»-ը։

Ստացվում է, որ Հայաստանի ու Ադրբեջանի միջեւ սահմանազատումն իրոք իրականացվում է ինչ-որ ուժերի քմահաճույքի հիման վրա, որի անպատիժ ու անարգել իրականացումն ապահովելու գործառույթն իրենց վրա են վերցրել ՀՀ գլխավոր դատախազ Արթուր Դավթյանն ու ՀՔԾ պետ Սասուն Խաչատրյանը՝ պետության անվտանգության դեմ աննախադեպ հանցագործությունը կոծկելով ու ծածկադմփոց անելով։