Գուցե ըստ պայմանագրի ադրբեջանցիները կարող են Գորիսում ճանապարհին կանգնեցնել քաղաքացիներին, փաստաթուղթ պահանջել. Մենուա Հովսեփյան

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 18:49 Ուժեղ կարկտահարություն՝ Արմավիրում 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել 05/03/2024 18:55 Մոսկվան Երևանից ակնկալում է պատասխանել ռուս խորհրդարանականների կոչին՝ կապված Սիմոնյանի հայտարարությունների հետ. Զախարովա

Գուցե ըստ պայմանագրի ադրբեջանցիները կարող են Գորիսում ճանապարհին կանգնեցնել քաղաքացիներին, փաստաթուղթ պահանջել. Մենուա Հովսեփյան 12/21/2020 17:15 | ԼՐԱՀՈՍ

«Ես չգիտեմ վարչապետն ինչ պայմանագիր է ստորագրել։ Կարող է այդ պայմանագրում այնպես է գրած, որ ճանապարհին կանգնած ադրբեջանցիները կարող են կանգնեցնել քաղաքացիներին, ստուգել փաստաթուղթը, կարող է նաև գողանան քաղաքացիներն։ Ինքը կպարզաբանի՝ ինչ է սորագրել, այդ ժամանակ երևի բոլորիս համար պարզ կլինի»,- այս մասին «Փաստինֆո»-ի հետ զրույցում ասաց Գորիս համայնքի ղեկավարի տեղակալ Մենուա Հովսեփյանը՝ անդրադառնալով Գորիս-Կապան ավտոճանապարհին տեղակայված ադրբեջանցի սահմանապահներին ու թե՝ ի՞նչ հիմունքներով են քաղաքացիները երթևեկելու Ադրբեջանի վերահսկողության տակ անցած մայրուղու հատվածով։

«Երեկ իրենք նոր էին տեղակայվում։ Մեկ անգամ իջել բարձրացել եմ Գորիս-Որոտան ճանապարհով։ Գորիսը Կապանին կապող ճանապարհին, Սյունիքը Իրանին կապող Մ2 մայրուղու մեկ հատվածում և բլուրների վրա են իրենք տեղակայված եղել, բայց թե քանի՞ տեղ ու ո՞նց պետք է լինի՝ մանրամասների չենք տիրապետում, որովհետև ամեն ինչը կեղծիքով, սուտ ինֆորմացիաներով են ծածկված։ Իրենք դա թաքցնում են»,- ասաց համայնքի ղեկավարի տեղակալն ու հավելեց, որ մարզում ալտերնատիվ ճանապարհ ունենալու հնարավորություն չկա՝ համենայն դեպս մոտ ապագայում։ Պետք է օգտվեն գլխավոր մայրուղուց, բայց թե ինչ ձևով ու ինչ սկզբունքով՝ չի կարող ասել։

«Փաստացի մենք հասկացանք, որ փաստաթղթում այլ բաներ են գրված, բայց իրականում այլ բաներ է արվում»։

Հովսեփյանը նշեց, որ ռուս սահմանապահներ են նաև մի կետում տեղակայված ու թե ինչ գործառույթ են իրականացնելու, անցուդարձի անվտանգությունն ինչպե՞ս է կազմակերպվելու, դեռ պարզ չէ։

Այսօր ամբողջ օրը փակ էր Գորիս-Տաթև ավտոճանապարհը, որի պատճառով Սյունիք կատարած այցի ժամանակ Նիկոլ Փաշինյանը եղավ միայն Սիսիան քաղաքում, մեղադրեց մայրուղին փակած քաղաքացիներին, հավելեց, որ եթե իր ճանապարհը չփակեին, նույն կերպ իր հետ հանդիպման կգային Գորիսում ու Մեղրիում։

«Մենք մեր ուզածին հասանք։ Ինքն իրավունք չունի էստեղ ոտք դնի, ինքը թուրք է բերել Սյունիք։ Ինքը ստախոսությամբ է զբաղվում, եթե տղամարդ լիներ՝ մեր համայնքի ղեկավարին չէր ձերբակալի, եթե տղամարդկություն ունենար՝ կգար մեր աչքերի մեջ կնայեր՝ ինչպես ինքն էր ասում։ Թող գար խոսեր, միգուցե մենք հավատայինք իրեն։ Բայց ինքն այդքան ստորություն է արել Սյունիքի հանդեպ»։

Անդրադառնալով գիշերը Գորիսի քաղաքապետ Առուշ Առուշանյանին իր տանից բերման ենթարկելուն, Հովսեփյանը նշեց, որ Փաշինյանն այնքան էր վախեցել Առուշանյանից, որ կազմակերպեց դա՝ քաղաքապետին մեկուսացնելու համար.

«Մտածում էր, որ դրանով հարցը կլուծվի։ Պարոն Առուշանյանն այս վերաբերմունքին էր արժանացել ճիշտ խոսելու ու աշխատելու համար։ Օրնիբուն աշխատում էր, պատերազմի առաջին իսկ օրերից սկսած մինչև օրս ամբողջ կառավարությունը ՝ ՔՊ-ով սկսած շատ լավ գիտեն՝ ինչ աշխատանքներ են տարվել ու նույնիսկ երազում չեն տեսել, թե ինչպես է դա իրականացվում»։

Հովսեփյանը հավելեց, որ ինքն ու մյուս սյունեցիները այդ «ստոր» քայլից չեն վախենում, պատրաստ են նաև, որ իրենց էլ բերման կենթարկեն։

«Նույն սրբապիղծն են՝ իրենց նույն շինծու գործերով, կարող են ձերբակալեն, մեկ է դա ժամանակավոր է։ Սյունիքը ոտքի է, ամեն օր շարունակվելու է այս ամենը։ Սյունիքը կտրվելու է Հայաստանի Հանրապետությունից այնքան ժամանակ, մինչև ինքը վերջ տա իր այս «կամակորություններին» ու այսպես հարց չեն լուծում, րոպե առաջ պետք է հեռանա»,- ասաց Հովսեփյանը։

Մենուա Հովսեփյանը նաև նշեց, որ վարչապետն անվտանգության մասին չպետք է խոսի, որովհետև նույնիսկ քարտեզով չգիտի Սյունիքի իրական տեղը։

«Ամբողջ կառավարությունով հայտարարում են, որ Սյունիքի մարզի սահմաններն անվտանգ են, երեք ժամ հետո ամբողջ իշխանական կողմը հայտարարություններ է տարածում, որ պետք է զգույշ լինել, պետք է այսինչ համարներով զանգահարել հարկ եղած դեպքում։ Անգամ իրենք չեն կողմնորոշվում վերջնական ինչ ասեն»։

Գորիսի համայնքապետի տեղակալը նշեց նաև, որ պատասխան չեն ակնկալում, որովհետև վարչապետը «ադեկվատ» չէ։ Չի կարող պատասխան տալ, երբ որ թուրքը Սյունիքից մի քանի կմ ներքևում է գտնվում։

«Մենք հաղթել ենք նրանով, որ իր ցանկություններն իրականություն չեն դարձել ու չեն էլ դառնալու՝ ինքը դա պետք է նկատի ունենա, որ Սյունիք չի կարող գալ, իհարկե եթե սենց գաղտնի ձևով չլինի։

Մենք հաղթելու ենք ու մեր «Հաղթելու ենք»-ը իրենց «Հաղթելու ենք»-ի պես չի լինելու»,- եզրափակեց Հովսեփյանը։

Աղբյուր` Փաստինֆո