Փաստ ինֆո

ՀՀ արդարադատության նախարար Ռուստամ Բադասյանը գտնում է, որ ՍԴ նախագահ Հրայր Թովմասյանը ճնշում է գործադրում ՍԴ դատավորների նկատմամբ։ Այս մասին հրավիրված ասուլիսին ասաց Ռուստամ Բադասյանը։ Ինչ վերաբերում է «ՍԴ դատավորների վաղաժամ կենսաթոշակի անցնելու մասին» օրենքին, Բադասյանը նշեց, որ չեն պատրաստվում ստիպել որևէ մեկին անցնել վաղ կենսաթոշակի։

«Պետք է ունենանք ՍԴ,որն անկախ է։ Անկախ է ոչ միայն գործադիր և օրենսդիր իշխանությունից, այլ՝ անկախ է որևթ շրջանակների ազդեցություն։ ՍԴ, որը ոչ թե ընդդիմություն է, այլ՝ ՍԴ։ Այո, պետք է կայացնի ցավոտ որոշումներ, որը օրվա քաղաքական իշխանության համար անցանկալի կլինի, բայց ՍԴ-ն երբեք չի կարող լինել ընդդիմություն»,- ասաց նախարարը։

Ավելի վաղ հայտնել ենք, որ ՀՀ ՍԴ նախագահ Հրայր Թովմասյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասի հատկանիշներով՝ պաշտոնեական լիազորությունները չարաշահելու համար։ Հիշեցնենք, որ ՀՀ նախագահ Արմեն Սարգսյանը երեկ ստորագրել է Սահմանադրական դատարանի դատավորներին վաղաժամ թոշակի ուղարկելու մասին օրենքը, ինչից որոշ ժամանակ անց ՀՔԾ քննիչ գնացել էր ՍԴ, սակայն Հրայր Թովմասյանն այդ պահին ՍԴ վարչական շենքում չի եղել եւ  պայմանավորվածության համաձայն՝ այսօր առավոտյան քննիչը կրկին գնացել է ՍԴ՝ հարցաքննելու, որի ժամանակ էլ առաջադրվել է մեղադրանք։

Հրայր Թովմասյանը հայտարարել է, որ մեղադրանքի առաջադրումն իր համար անսպասելի չի եղել, քանի որ դեռ 6 ամիս առաջ իրեն զգուշացրել էին, որ եթե X,Y Z քայլերը չանելու, այն է՝ հրաժարական չտալու դեպքում իրեն մեղադրանք կառաջադրվի։  «Որևէ մեկիդ համար գաղտնիք չէ, որ վերջին 6-7 ամսում ՍԴ-ն աշխատել է աննախադեպ ճնշումների ներքո»,- հայտարարել է ՍԴ նախագահը՝ նշելով, որ, այդուհանդերձ, այս ժամանակահատվածում ՍԴ-ն՝ բոլոր դատավորների շնորհիվ, աշխատել է առանց որևէ խոչընդոտի և ընդունել այնպիսի որոշումներ, որոնք ելակետային, բեկումնային են լինելու,մեր իրավական համակարգի հետագայի համար»։

Հեղինակ՝ Իզաբել Սահակյան

Աղբյուր` Փաստինֆո