Ի՞նչ են ցույց տալու հասարակությանը. նոր «100 փաստի» սպասումով. «Փաստ» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 21:45 Վաղը այս հասցեներում լույս չի լինի 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Ի՞նչ են ցույց տալու հասարակությանը. նոր «100 փաստի» սպասումով. «Փաստ» 12/19/2019 09:40 | Մամուլ

«Փաստ» թերթը գրում է. «Տարին ավարտվում է, եւ իշխանությունները պետք է ամփոփեն իրենց գործունեության արդյունքները եւ անցնեն հաջորդ տարվա ծրագրերը իրականություն դարձնելուն (եթե այդպիսիք ընդհանրապես կան)։ Երբ հետահայաց նայում ենք տարվա ընթացքում տեղի ունեցած գործընթացներին, ապա պարզ է դառնում, որ այդպես էլ տնտեսական հեղափոխությունը, որի մասին խոստումներ էին տվել իշխանությունները, իրականություն չդարձավ։ Ավելին, դրան մի փոքր անգամ մոտ չեկանք:

Երկրի տնտեսական վիճակը չնչին փոփոխություններով (ընդ որում, ոչ անպայման դրական դինամիկայով) շարունակում է մնալ այնպիսին, ինչպիսին կար նախկինում։

Թերեւս սրանով է պայմանավորված, որ իշխանության ներկայացուցիչները հապաղում են արդեն քիչ-քիչ ամփոփել անցնող տարին։ Եթե, իհարկե, խոշոր ձեռքբերումներ եղած լինեին տարվա ընթացքում, ապա տարեվերջյան այս օրերին Նիկոլ Փաշինյանը առիթը բաց չէր թողնի ֆեյսբուքյան իր էջում ամենօրյա հրապարակումներով հանդես գալու եւ ցույց տալու, որ իրենց աշխատանքն արդյունավետ է։

Տարվա ընթացքում հնարավոր եղավ տարբեր տեսակի աղմկահարույց քրեական գործերով, ձերբակալություններով, կոռուպցիայի դեմ պայքարի մասին հայտարարություններով, բյուջե մուտքագրված ֆանտաստիկ գումարների եւ ռեւանշիստ-դավադիրների մասին միֆական պատմություններով ժամանակ շահել եւ իմիտացիա ստեղծել, թե երկրում կամաց-կամաց իրավիճակի փոփոխություն է նկատվում։

Այսպիսի քայլերի միջոցով իշխանություններին հաջողվեց որոշ ժամանակով խուսափել հասարակական դժգոհությունից։

Սակայն լուրջ կասկածներ կան, թե 2020 թվականին հնարավոր կլինի նույն մեթոդների կիրառմամբ խուսափել հանրային դժգոհությունների կուտակումից. մանավանդ, այնպիսի խնդիրներ, ինչպիսիք են Ամուլսարի ոսկու հանքի շահագործման, Ստամբուլյան կոնվենցիայի վավերացման հարցերը, դեռեւս վերջնական հանգուցալուծում չեն ստացել։ Դրան գումարվում է հունվարից սպասվող թանկացումների ալիքը՝ կապված ԵՏՄ մաքսադրույքների կիրառման հետ։

Շուրջ 700 տեսակի ապրանքների թանկացումը՝ ներառյալ առաջին անհրաժեշտության, բարդացնելու է երկրի տնտեսական վիճակը։

Իշխանությունների կողմից առողջապահության 6 (թեկուզ 4) տոկոսանոց հարկի ներդրումն էլ ծանրացնելու է աշխատողների հարկային բեռը, այսինքն՝ նրանց եկամուտները կրճատվելու են, իսկ արդյունքը խիստ կասկածելի է։ Այս ամենին զուգահեռ՝ իշխանությունները ցանկանում են գույքահարկի տակ մտցնել անխտիր ամբողջ անշարժ գույքը։

Եվ գույքահարկի տեսքով գումարներ են վճարելու ոչ միայն հարուստ, այլեւ միջինից ցածր եկամուտ ունեցող՝ աղքատ քաղաքացիները։

Աշխատանք ունեցող քաղաքացիների հարկային բեռը կավելանա նաեւ կուտակային կենսաթոշակային ֆոնդերին կատարվող վճարումների վերանայման արդյունքում։

Եթե հանրության շրջանում դժգոհությունները մեղմելու նպատակով կառավարության կողմից որոշվել էր, որ աշխատավարձերից ֆոնդերին վճարվող 5 տոկոսից 2,5-ի փոխհատուցման պարտավորությունը կստանձնի կառավարությունը, ապա հաջորդ տարի այդպես չի լինելու, եւ աշխատանք ունեցող քաղաքացիները 2,5-ի փոխարեն կենսաթոշակային ֆոնդերին կվճարեն աշխատավարձի 3,5 տոկոսը։

Եվ եթե նշված բոլոր այս հարցերին էլ գումարում ենք գարնանը գազի գնի թանկացման հարցը, որը կարող է շղթայական թանկացումների պատճառ դառնալ, ապա հասարակության շրջանում տագնապային տրամադրություններն ավելի են խորանում։

Մարդիկ արդեն իսկ տրամադրված են, որ 2020 թվականը սոցիալ-տնտեսական առումով ծանր տարի է լինելու։ Իսկ այս պայմաններում կողմնորոշվելու եւ ճիշտ գործելու համար իշխանություններից մեծ ջանքեր են պահանջվելու, վարչապետ Փաշինյանի համար շատ դժվար է լինելու այս պայմաններում պահել իր վարկանիշը։

Տեսնելով հանրության շրջանում առկա մտահոգությունները՝ Փաշինյանը փորձելու է ժամանակ շահել, որպեսզի կառավարությունը կարողանա ինչ-որ չափով մեղմել դրությունը։ Ամենայն հավանականությամբ, դրանով է պայմանավորված, որ վերջին շրջանում իշխանությունները մտմտում են նորից հանրության ուշադրությունը գրավող գործեր հարուցել, աղմկահարույց ձերբակալություններ կազմակերպել։

Իր գործունեության տարին ամփոփելու մասով Փաշինյանը շատ բան չունի հանրությանը ներկայացնելու, շատ-շատ էլի 100 փաստ ներկայացնի, որի առյուծի բաժինը վերաբերում է մանր-մունր խնդիրների, առօրեական պարտականությունների, դրա համար էլ, ելնելով իր լրագրողական փորձառությունից, վերջինս ցանկանում է հանրությանը կերակրել սենսացիաներով»:

Հոդվածն ամբողջությամբ կարող եք կարդալ «Փաստ» թերթի՝ 19.12.19թ. համարում։

Աղբյուր` Փաստինֆո