Ինչու է կառավարությունը խուսափում ասել, որ գազը թանկանալու է

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Ինչու է կառավարությունը խուսափում ասել, որ գազը թանկանալու է 10/07/2019 14:31 | Տնտեսություն

Կառավարությունն առայժմ խուսափում է ասել, որ հաջորդ տարի գազի գինը բարձրանալու է։ Թեև անուղղակիորեն հասկացնում է, որ այդպես էլ լինելու է։

Խնդիրն այս պահին, ըստ էության, թանկացման չափի և ժամկետների մեջ է։ Կառավարությունը փորձում է այնպես անել, որպեսզի թանկացումը գոնե ձմռան ամիսներին տեղի չունենա։ Հասկանալի է, որ դա կարող է թանկ նստել նրա վրա։ Ձմռանը գազի սպառումը կտրուկ ավելանում է, ավելանում են նաև սպառողների ծախսերը։ Իսկ դա լուրջ դժգոհությունների առիթ կարող է տալ։ Մի բան, ինչը բնավ չի բխում կառավարության շահերից։ Առանց այն էլ դժգոհելու քիչ առիթ չկա։ Մինչ հասարակության եկամուտները չափազանց դանդաղ են ավելանում, ծախսերը աճում են ու աճում։

Չնայած տրված խոստումներին, այնուհանդերձ կառավարությանն առայժմ չի հաջողվում բարելավում մտցնել հասարակության կենսամակարդակի մեջ։ Իշխանափոխությունից հետո երկրում գնողունակությունը նույնքան ցածր է, որքան մինչ այդ։

Այս պայմաններում գազի թանկացումը, անկախ նրանից, թե ինչքան կլինի, ծանր բեռ է լինելու սպառողների վրա։ Խոսքը ոչ միայն բնակչության, այլև տնտեսության մասին է։

Այն ազդում է բազմաթիվ ոլորտների վրա` հանգեցնելով ապրանքների ու ծառայությունների գների բարձրացման։ Նվազում է ներքին արտադրության մրցունակությունը։ Չնայած առանց այդ էլ հայկական ապրանքների մրցունակությունը արտաքին շուկաներում բարձր չէ։ Հիմա էլ գազի թանկացումը։ Հատկապես, երբ խոսքը բավական լուրջ թանկացման մասին է. քննարկումները գազի 200 դոլար գնի շուրջ են։

Կառավարությունը մտադիր է ստանալ երկարաժամկետ գին։ Այսինքն` այնպիսի գին, որը հստակ լինի մինչև 2025թ.։ Դրանից հետո, ինչպես հայտնի է, Եվրասիական տնտեսական տարածքում նախատեսվում է ներդնել գազի միասնական շուկա։
Միասնական շուկա կլինի՞, թե՞ ոչ, գուցե դեռ վաղ է ասել, բայց այն ենթադրում է, որ գները հավասար կլինեն բոլորի համար։ Իհարկե, հավասար ասված ևս հարաբերական է, որովհետև կան գնագոյացման վրա ազդող մի շարք գործոններ, որոնք անհնարին է լինելու հաշվի չառնել։ Խոսքը, մասնավորապես, տեղափոխման և սպասարկման ծախսերի մասին է, որոնցից կախված գները կարող են որոշակի շեղումներ ունենալ։ Բոլոր դեպքերում, ենթադրվում է, որ այն չի կարող շատ մեծ տատանումներ տալ։

Եվրասիական տնտեսական տարածքում գազի միասնական շուկան նախատեսվում է գործարկել 2025թ.։ Բայց մինչ այդ Հայաստանը` ի դեմս կառավարության, դեռ պետք է կարողանա լուծել հնարավորինս մատչելի և էժան գազ ձեռք բերելու խնդիրը։

Այն գինը, որն այսօր դրված է բանակցությունների սեղանին, դժվար է այդպիսին համարել։ Դա բերելու է նաև ներքին սակագների ոչ պակաս կտրուկ բարձրացման` հանգեցնելով տնտեսության ու հասարակության սոցիալական վիճակի վատացման։
Կառավարության խնդիրն է այնպես անել, որպեսզի թանկացման ազդեցությունը գոնե հնարավորինս փոքր լինի։ Թեև ինչպես ցույց են տալիս զարգացումները, դա այնքան էլ հեշտ չի լինելու։ Գազը թանկանալու է ու ոչ փոքր չափով։

Հ.Գ. Գազի գնի շուրջ բանակցությունները շուտով կավարտվեն։ Դրանց արդյունքների մասին, ըստ ամենայնի, կհայտարարվի տարեվերջին։ Իսկ որպեսզի հասարակությունը հասցնի ադապտացվել, նոր գինը գործողության մեջ կմտնի ապրիլից։ Մինչ այդ Հանրային ծառայությունները կարգավորող հանձնաժողովը կհասցնի վերանայել նաև ներքին սակագները։

Աղբյուր` Փաստինֆո