ԲՈԼՈՐ ՆՅՈՒԹԵՐԸ
Սիվիլիթասը / ՍիվիլՆեթը նոր տնօրեն ունի 08/05/2019 11:53 | ԼՐԱՀՈՍ
Սիվիլիթաս հիմնադրամի խորհուրդն ուրախ է հայտարարելու հիմնադրամի նոր տնօրենի պաշտոնին Աբո Պoղիկեանի նշանակման մասին։ 2008-ին հիմնադրումից ի վեր՝ Սիվիլիթասը եղել է քաղաքացիական հասարակության զորացման առաջամարտիկը՝ խթանելով հրապարակային քննարկումների մշակույթը, իրականացնելով սոցիոլոգիական հարցումներ ու հետազոտություններ, նախաձեռնելով անդրսահմանային բազմաթիվ ծրագրեր։ Հիմնադրամի ամենաազդեցիկ ծրագիրը ՍիվիլՆեթ նորարար մեդիա հարթակի ստեղծումն էր, որը նոր չափանիշներ ու միտումներ է հաղորդել հայաստանյան լրատվադաշտին։
Պարոն Պօղիկեանը ծնվել է Լիբանանի Այնճար քաղաքում, ապրել և ուսանել Լոս Անջելեսում և վերջին երեք պատմական տասնամյակների կեսից ավելին բնակվել Հայաստանում։
«ՍիվիլՆեթը, որը ստեղծվել է Հայաստանի կյանքում նշանակալից փոփոխությունների հասնելու համար, այժմ տեղեկատվության և վերլուծության միջազգայնորեն հայտնի երկլեզու աղբյուր է՝ Սիվիլիթաս հիմնադրամի կարևորագույն նվաճումը։ «ՍիվիլՆեթի գործունեությունն ավելի լայն և բազմակողմանի է դառնալու՝ շնորհիվ Աբո Պoղիկեանի փորձառության և բացառիկ անձնվիրության այն հավատամքին, որ մեզ առաջ է մղում՝ արդար հանրություն, բաց երկիր, որտեղ անհատը կարող է բարգավաճել ու իր նպաստը բերել մարդկության բարօրությանը»,- ասել է Սիվիլիթասի հիմնադիր-տնօրեն Սալբի Ղազարյանը։
1980-ականներին Աբո Պoղիկեանը հայ գրականության ոլորտում իր դոկտորական ատենախոսության վրա էր աշխատում լուսահոգի պրոֆեսոր Ավետիս Սանճեանի մոտ, սակայն ընդհատեց ուսումը՝ ստանձնելու Լոս Անջելեսի «Ասպարեզ» օրաթերթի գլխավոր խմբագրի պաշտոնը։ Նրա ղեկավարությամբ օրաթերթը մեծ զարգացում ունեցավ և դարձավ Սփյուռքի կարևորագույն երկու լրատվամիջոցներից մեկը։
1990-ին՝ Խորհրդային Միության վերջին օրերին, երբ սկսվել էր Ղարաբաղյան շարժումն ու քաղաքական զարթոնքը, երբ թափ էր հավաքում Արցախի վերամիավորման և անկախության ընթացքը, Աբո Պօղիկեանը եկավ հայրենիք և մի քանի լրատվամիջոց հիմնադրեց, այդ թվում՝ «Երկիր» օրաթերթը։ Նա ստեղծեց նաև ՀՅԴ մամլո դիվանը, որն ամենօրյա կարևոր տեղեկատվություն էր տրամադրում Ղարաբաղյան ճակատից, ապա՝ նորանկախ Հայաստանից։ Որպես «Երկիր» օրաթերթի հիմնադիր ու խմբագիր՝ նա հավատարիմ մնաց անկախ լրագրության սկզբունքներին և կարողացավ ապահովել Հայաստանի ու տարածաշրջանի մասին հավաստի լուրերի ու վերլուծությունների մատուցումը միջազգային հանրությանը, որը դրա կարիքն առանձնապես ուներ։
«Արցախյան շարժումով խանդավառ էր ամբողջ ազգը: «Ասպարեզ»-ը, որու խմբագիրն էի այդ օրերուն, «Դեպի երկիր» կը քարոզեր, ու կարելի չէր Լոս Անջելես նստած հանգիստ խղճով այդ հորդորով ժողովուրդին դիմել: Նաեւ պատմական իրադարձություններուն անմիջական մասնակցություն ունենալու ցանկությունը անդիմադրելի էր»,- ասել է Աբո Պօղիկեանը։
2008-ին վերադառնալով Միացյալ Նահանգներ՝ Պօղիկեանը կրկին ստանձնեց «Ասպարեզ»-ի խմբագրությունը և ընդլայնեց թերթի հնարավորությունները, տարածումը և բազմակողմանի լուսաբանումը։ Մինչև այս ամիս նա «Ասպարեզ»-ի հետ էր։
Սիվիլիթաս հիմնադրամի խորհուրդը վստահ է, որ Աբո Պօղիկեանը կազմակերպությունը կհասցնի նոր բարձունքների։ «Հայաստան վերադառնալը նպատակ էր: Վերադառնալ ՍիվիլՆեթի ընտանիքին մաս կազմելու ճամփով՝ ինձի համար թարմ ու իմաստալից նոր փորձառություններու առիթ կը նկատեմ, որ միեւնույն ատեն պարտավորեցնող է: Նվիրումով ու մասնագիտական բարձր մակարդակով աշխատողներու խումբին մաս կազմելու հեռանկարն ալ իսկապես կ՝ոգեւորէ զիս»,- ասել է Պօղիկեանը։
ՍիվիլՆեթն իր երեք տասնյակ աշխատակիցներով կենտրոնացած է ուղիղ հեռարձակումների, հետաքննական, իրավապաշտպան և լուծումների տանող լրագրության վրա։ Հայաստանի, Արցախի ու Սփյուռքի ամենատարբեր անկյուններից երկլեզու՝ հայերեն և անգլերեն լուսաբանումը, տվյալների վրա հիմնված վերլուծությունները ՍիվիլՆեթի աշխատանքի հիմնաքարն են։ 2013-ին ՍիվիլՆեթը հայաստանյան միակ լրատվամիջոցն էր, որ Սիրիայում տեղից լուսաբանում էր տեղահանված քեսապցիների խնդիրը։ ՍիվիլՆեթի՝ 2018-ի Թավշյա հեղափոխության օրերի շուրջօրյա ուղիղ հեռարձակումն ունեցել է 16 միլիոն դիտում։ Իր գործունեության ամբողջ ընթացքում ՍիվիլՆեթը լուսաբանել է քաղաքացիական բազմաթիվ մեծ ու փոքր ցույցեր ու բողոքներ, աջակցել սեփական իրավունքների համար պայքարելու անհատի ու հանրության գիտակցության բարձրացմանը, ինչն ի վերջո նպաստեց 2018-ի հաջող ու սահուն քաղաքական վերափոխմանը։
«Նախկին արտգործնախարար Վարդան Օսկանյանը Սիվիլիթասը հիմնադրեց մի ժամանակահատվածում, երբ մեծ էր քաղաքացիական հասարակության գործունեության և ազդեցության ընդլայնման կարիքը։ Այսօր Սիվիլիթասը կարող է և պետք է նոր դեր ստանձնի որպես հետազոտական և վերլուծական կենտրոն։ ՍիվիլՆեթն այդ գործի անբաժան մասն է, որը հանրությանը տալու է հայության առջև ծառացած մարտահրավերների նրբին ու բարդ բացատրությունները՝ հայերեն ու անգլերեն։ Աբո Պօղիկեանի փորձը և նվիրումը հրաշալի համադրություն են այս նպատակին հասնելու համար»,- ասել է Սալբի Ղազարյանը։
Աբո Պօղիկեանը Սիվիլիթաս հիմնադրամի տնօրենի պաշտոնը կստանձնի 2019-ի սեպտեմբերի 1-ին։
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/18/2024 08:18 Մարզպետն ասել է՝ պատ կդնենք․ «Հրապարակ»
- 05/18/2024 08:12 Փաշինյանը անտրամադիր ու հյուծված տեսք է ունեցել․ «Հրապարակ»
- 05/18/2024 08:08 Ով է իրականացնում ցուցարարներին ցրելու, ծեծելու ինստրուկտաժը․ «Հրապարակ»
- 05/18/2024 08:05 Ինչ են առաջարկում քաղաքական ուժերը Սրբազանին․ «Հրապարակ»
- 05/18/2024 08:03 ՔՊ-ն գնում է ԵՄ` ռուսական զորքերով․ ստորաբաժանումները կշարունակեն մնալ ՀՀ-Իրան և ՀՀ-Թուրքիա սահմաններին. «Ժողովուրդ»
- 05/18/2024 07:53 Փորձում են «այլընտրանքներ» գտնել ու մոբիլիզացնել սատելիտներին. «Փաստ»
- 05/18/2024 07:48 Հայտնի է ԱԺ պատգամավոր Հայկ Սարգսյանի ընտանիքին պատկանող խանութի պայթյունի գործով կասկածյալի անունը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/18/2024 16:39 Սահմանադրությունը փոփոխելու անհրաժեշտություն չկա. Գեւորգ Դանիելյանը՝ Բագրատ Սրբազանի թեկնածության առաջադրման մասին
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
Մեկնաբանություն
- 05/19/2024 19:22 Նպատակն է անկայունացնել Իրանն ու հետևաբար` ողջ Մերձավոր Արևելքը. Գեղամյան
- 05/18/2024 13:22 24News-ի լրագրողը ճանաչվել է տուժող
- 05/18/2024 11:22 Տուգանային հրապարակում «կալանավորված» մեքենաները սկսել են ազատ արձակել. Մելիքյան
- 05/18/2024 10:49 ԱԺ նախագահը հանդիպում է Տիխանովսկայայի հետ, նշանակում է, որ չի ճանաչում Լուկաշենկոյին որպես օրինական նախագահ, իսկ Բածկան մուռ պահող մարդ է. քաղաքագետ
Արխիվ
Արտակարգ պատահարներ
- 05/19/2024 22:02 «Էրեբունի» ԲԿ տանող ճանապարհին բախվել են ավտոմեքենաներ․ կան տուժածներ
- 05/19/2024 18:35 «Mercedes»-ը վրաերթի է ենթարկել հետիոտնի. վերջինը տեղափոխվել է հիվանդանոց. shamshyan.com
- 05/19/2024 16:21 Թալինի հիվանդանոցի ծննդատանը 29-ամյա կին է մահացել, իրավիճակը լարված է. shamshyan.com
- 05/19/2024 12:19 Մանուկ Աբեղյանի անվան դպրոցի մոտ մի խումբ ցուցարարների և դպրոցի աշակերտների միջև ծեծկռտուք է տեղի ունեցել. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 05/17/2024 18:31 Արեգակի ակտիվության պատճառով Երկրի վրա կարող են ավելանալ ուժգին փոթորիկները՝ զգուշացնում են մասնագետները
- 05/10/2024 16:29 Արեգակի վրա ուժեղ բռնկում է եղել. առաջիկա օրերին մագնիսական փոթորիկներ են սպասվում
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ