Խեղդամահ է արել «Կիտինա» մականունով մարմնավաճառին ու նրա անունից նամակ ուղարկել ընկերոջը՝ «Մոռացիր» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 18:49 Ուժեղ կարկտահարություն՝ Արմավիրում 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել 05/03/2024 18:55 Մոսկվան Երևանից ակնկալում է պատասխանել ռուս խորհրդարանականների կոչին՝ կապված Սիմոնյանի հայտարարությունների հետ. Զախարովա

Խեղդամահ է արել «Կիտինա» մականունով մարմնավաճառին ու նրա անունից նամակ ուղարկել ընկերոջը՝ «Մոռացիր» 11/04/2018 14:35 | ԳՈՐԾ #

«Կիտինա» մականունով հայտնի մարմնավաճառի սպանության համար Երևանի բնակիչ, 45-ամյա Գարեգին Եղիազարյանը դատապարտվել է 10 տարվա ազատազրկման և շարունակում է պատիժը կրել քրեակատարողական հիմնարկում։

Դեպքը տեղի է ունեցել 2016 թվականի դեկտեմբերի 27-ին, սակայն տուժողի դին հայտնաբերվել է միայն 2017 թվականի հունվարի 13-ին։ Քրեական խրոնիկոնում հայտնված լուրը տոնական օրով սառը ցնցուղ էր՝ Արարատի մարզում՝ ձորակի մեջ, հայտնաբերվել է երիտասարդ աղջկա դի։ Ապա հայտնի դարձավ, որ աղջիկը դարձել էր դաժան բռնության զոհ, իսկ նրա կորելու մասին ահազանգել էր ընկերուհին։

«Կիտինա» մականունով հայտնի Քրիստինե Արզումանյանը Երևան էր տեղափոխվել Սիսիանից՝ 2007 թվականին, ու մայրաքաղաքում ապրել վարձակալական հիմունքներով։ Այստեղ սկսել էր զբաղվել մարմնավաճառությամբ, ինչի մասին իմանալով նրա ընտանիքը կտրել էր կապը նրա։

«Կիտինա» իրա ապագա բռնարարին վճարել օրական 10-13 հազար դրամ

Իր կյանքը խլած տղամարդու հետ աղջիկը ծանոթացել էր Երևանում՝ իր «մասնագիտության» շնորհիվ՝ 2014 թվականին։

Գարեգին Եղիազարյանը տաքսի է վարել, իսկ աղջիկն էլ տաքսու անհրաժեշտության դեպքում օգտվել է նրա ծառայությունից՝ յուրաքանչյուր օր վճարելով 10.000-13.000 ՀՀ դրամ: Ք.Արզումանյանը մտերիմ է եղել նաեւ վարորդի ընտանիքի անդամների հետ։ Նրանց միջեւ այնքան վստահություն է եղել, որ անգամ միասին «լատարե» են խաղացել: Ընդ որում՝ առաջարկի հեղինակը եղել է Գարեգին Եղիազարյանը։ 2016թվականի դեկտեմբերի վերջերին «լատարեի» գումարը՝ 540.000 ՀՀ դրամ, պետք է ստանար Քրիստինեն, սակայն նա այն չէր վերցրել՝ խնդրելով, որ գումարը մի որոշ ժամանակ մնա վարորդի մոտ, իսկ վերջինս էլ դրանով վիճակախաղ էր խաղացել և 330.000 դրամը պարտվել։

Ինչ է տեղի ունեցել

2016թվականի դեկտեմբերի 27-ին՝ ժամը 20 :30-ի սահմաններում Գարեգին Եղիազարյանը Քրիստինեից պատվեր է ստացել Սիսիան քաղաք մեկնելու մասին : Երևան-Մեղրի ավտոճանապարհով երթևեկելիս ժամը 21։30-ի սահմաններում Արարատի մարզով երթեւեկելիս ճանապարհի մերկասառույցի պատճառով վարորդը կտրուկ արգելակել է, որից Ք.Արզումանյանը մարմնով առաջ գալով կպել է նրա ուսին և հայհոյել: Գ.Եղիազարյանը ձեռքով մեկ անգամ հարվածել է նրա դեմքին, որի հետևանքով Ք.Արզումանյանի շրթունքը վնասվել և արյուն հոսել: Այնուհետև՝ ավտոմեքենան կայանել է ճանապարհի աջակողմյան հատվածում և նստել սրահի հետնամասում՝ աղջկա կողքին՝ ասելով, որ նրա հետ կարևոր բան ունի խոսելու: Ք.Արզումանյանին ավտոմեքենայի մեջ պատմել է, որ լատարեի գումարի մեծ մասը ծախսել է և այն ամբողջությամբ չի կարող վճարել: Դրանից աղջիկը բարկացել, հայհոյել և պահանջել գումարն ամբողջությամբ վճարել: Այդ ժամանակ էլ վարորդը, ով գտնվել է ալկոհոլի ազդեցության տակ, սկսել է բռնություն գործադրել՝ բռունցքով հարվածել է նրա դեմքին, ապա ուժեղ սեղմել պարանոցը և խեղդամահ արելամահ արել, որից հետո Ք.Արզումանյանի դիակը թաքցնելու համար գցել է այն գցել է Արարատի մարզի Երասխավան գյուղի օղակաձև խաչմերուկին կից ձորակը և հեռացել:

Անպատասխան հեռախոսազանգեր, կասկածելի հաղորդագրություններ

Քրիստինեի հեռախոսազանգերին չպատասխանելն անհանգստացրել է նրա ընկերուհիներին, ընկերոջը, ով եւս ճանաչել է վարորդին։ Երևան վերադառնալու ճանապարհին նրա զանգահարել տուժածի ընկերը՝ Դավիթը, և նրանք հանդիպել են Երևան քաղաքի առաջին մասի օղակաձև խաչմերուկի մոտ: Դավիթն հարցուփորձ է արել Քրիստինեի մասին, սակայն Գարեգինը պնդել է, թե նրանից տեղեկություն չունի, քանի որ անծանոթ մեքենայով տուն է գնացել: Քրիստինեի սպանության մեջ կասկածներն իրենից հեռացնելու համար՝ դեպքից 1-2 օր անց, վարորդը զանգահարել է ՌԴ-ում բնակվող իր ընկերոջը և ասել, որ իր ծանոթ աղջիկներից մեկը ցանկանում է բաժանվել ընկերոջից ու խնդրել է իր ուղարկած հաղորդագրությունների տեքստը ՌԴ հեռախոսահամարից ուղարկի իր նշած հեռախոսահամարներին: Նա համաձայնվել է, որից հետո ինքը նրա հեռախոսահամարին է ուղարկել մեկը՝ «մոռացի ինձ», իսկ մյուսը` «ես լավ եմ, եթե ինձանից հարցնեն, ասա տեղյակ չես» բովանդակություններով հաղորդագրություններ՝ վերջում նշելով «Կիտինա» անունը։ Հաղորդագրություններից մեկն ուղարկվել է Քրիստինեի ընկեր Դավիթին, իսկ մյուսը ՝ ընկերուհուն «Կարիկի Լիլո» մականվամբ, ինչը վերջինիս կասկածահարույց է թվացել։

Ոճիր և պատիժ

Արարատի մարզի ընդհանուր իրավասության դատարանը հիմնավորված է համարել 45-ամյա Գարեգին Եղիազարյանին առաջադրված մեղադրանքը և նրան մեղավոր ճանաչել ՀՀ քրեական օրենսգրքի 104-րդ հոդվածի 1-ին մասով՝ երիտասարդ աղջկա սպանության համար ու դատապարտել ազատազրկման 10 /տաս/ տարի ժամկետով։

Դատարանը միաժամանակ մասնակի բավարարել է տուժողի հոր ներկայացրաց քաղհայցի պահանջը և մեղադրյալից հօգուտ տուժողի իրավահաջորդի բռնագանձել 1.250.000 /մեկ միլիոն երկու հարյուր հիսուն հազար/ ՀՀ դրամ գումար, որից 1.000.000 /մեկ միլիոն/ ՀՀ դրամը որպես հանցագործությամբ անմիջականորեն պատճառված վնաս /հուղարկավորության ծախսեր/, 250.000 /երկու հարյուր հիսուն հազար/ ՀՀ դրամ գումարը, որպես դատական ծախս՝ փաստաբանի ծառայության վճար:

Գարեգին Եղիազարյանն իր մեղավոր ճանաչել է սպանության համար ու դատավճիռը չի բողոքարկել։ Այն մտել է ուժի մեջ եւ Արմավիր ՔԿՀ-ում նա ներկայումս կրում է իր պատիժը։

Պատրաստեց՝ Քրիստինե Հարությունյանը

Աղբյուր` Փաստինֆո