Կալանավորը բռնության է ենթարկվել ինչպես կալանավորների, այնպես էլ՝ ՔԿՀ աշխատակիցների կողմից. գործածվել են մահակներ, էլեկտրաշոկ

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 18:49 Ուժեղ կարկտահարություն՝ Արմավիրում 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/05/2024 16:16 Որևէ երաշխիք չկա.հանձնելուց` պատերազմ, չհանձնելուց` պատերազմ. Սրբազան 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/05/2024 21:24 Արցախցի երիտասարդները միացել են Սրբազանի քայլերթին. ծածանվում են Հայաստանի ու Արցախի դրոշները, վարորդները ողջունում ազդանշաններով (տեսանյութ) 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/05/2024 19:49 Ցանկանում են առանց ընտրությունների իշխանություն վերցնել. Արսեն Թորոսյան 05/05/2024 20:44 Երևանում՝ դաշտամիջյան հատվածում, ծառից կախված հայտնաբերվել է տղամարդու մարմին 05/05/2024 22:13 Փաշինյանի աշխատակազմի ղեկավարի տեղակալի Facebook-ի էջի ետնանկարում Իլհամ Ալիևին պատկանող հյուրանոցի լուսանկարն է. Ղազարյան 05/05/2024 14:48 Եթե ինձ բարձրացնեք կղզի, ես արարողությունը կանեմ, այդ հոգևորականը Բագրատ Սրբազանն էր». Չարխչյան 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/05/2024 10:19 Ու՞ր եք, Համալսարանի, Պոլիտեխնիկի, այլ բուհերի դասախոսներ և ուսանողներ. միթե՞, ի տարբերություն Կոնսերվատորիայի ուսանողության, բոլորդ համաձայն եք հայրենիքի վաճառքին. Իշխանյան

Կալանավորը բռնության է ենթարկվել ինչպես կալանավորների, այնպես էլ՝ ՔԿՀ աշխատակիցների կողմից. գործածվել են մահակներ, էլեկտրաշոկ 08/23/2018 18:37 | Քրեական խրոնիկոն

«Նուբարաշեն» ՔԿ հիմնարկից կալանավորի կողմից փախուստի փորձ կատարելու և գույքը ոչնչացնելու դեպքի առթիվ ՀՀ քննչական կոմիտեի ԵՔՔՎ Էրեբունի և Նուբարաշեն վարչական շրջանների քննչական բաժնում քննվող քրեական գործով կատարված բազմակողմանի քննության արդյունքում պարզվել են դեպքի էական նշանակություն ունեցող մի շարք հանգամանքներ, տվյալներ ձեռք բերվել՝ ՔԿ հիմնարկի աշխատակիցների կողմից պաշտոնեական լիազորություններն անցնելու՝ կալանավորի նկատմամբ կիրառված բռնության վերաբերյալ: Այս մասին հայտնում է Քննչական կոմիտեի լրատվական ծառայությունը:

2018թ. օգոստոսի 14-ին՝ ժամը 08:50-ին, ՀՀ ԱՆ «Նուբարաշեն» ՔԿ հիմնարկից ահազանգ է ստացվել առ այն, որ կալանավորներից մեկն իր պահման խցից դուրս է եկել, սուր կտրող-ծակող գործիքով հարձակվել պահակակետի ծառայողի վրա, վերցրել բանալիները՝ սահմանափակելով 1-ին մասնաշենքի մուտքն ու ելքը:

Դեպքի առթիվ նույն օրը ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 185-րդ հոդվածի 1-ին մասով և 34-355-րդ հոդվածի 2-րդ մասի 2-րդ կետի հատկանիշներով, ձեռնարկվել անհրաժեշտ քննչական և դատավարական այլ գործողություններ՝ դեպքի բոլոր հանգամանքները, կալանավորի՝ նման քայլի գնալու պատճառները պարզելու ուղղությամբ:

Նախնական տվյալներով՝ կալանավորը խցում պահվել է միայնակ, դեպքի վայրի զննության ժամանակ խուցն ամբողջովին եղել է տակնուվրա արված՝ բետոնե հատակին և պատին ամրացված երկաթյա մահճակալները տեղահան արված, եռափեղկ պատուհանի փեղկերը և ապակիները կոտրատված, դռան կերակրադռնակը պոկված-առանձնացված:

Քրեական գործի տվյալներով՝ 2018թ. օգոստոսի 14-ին՝ ժամը 03:00-ի սահմաններում, կալանավորը, լինելով քրեակատարողական հիմնարկի խցում, հարմարեցված առարկայով բացել է խցի երկաթյա դուռը և փորձել դիմել փախուստի, որի ընթացքում կոտրել է պատուհանի ապակիները, ապա՝ կոտրված ապակու կտորով և մահճակալից պոկած երկաթյա ձողով քրեակատարողական հիմնարկի հսկիչի կյանքի և առողջության համար վտանգավոր բռնություն գործադրելու սպառնալիքներ հնչեցնելով՝ դիտավորությամբ ոչնչացրել և վնասել է հիմնարկի գույքը, սակայն իր կամքից անկախ հանգամանքներով փախուստի դիմել չի կարողացել. այն կանխվել է հիմնարկի աշխատակիցների կողմից:

ՀՀ ԱՆ «Նուբարաշեն» ՔԿ հիմնարկի անվտանգության ապահովման բաժնի կրտսեր մասնագետ, 1-ին մասնաշենքի 1-ին հարկի հսկիչը քրեական գործով ճանաչվել է տուժող և ցուցմունք տվել: Նշանակվել են դատաբժշկական, դատաապրանքագիտական և դատահետքաբանական փորձաքննություններ, հարցաքննվել մի շարք անձինք, այդ թվում՝ կալանավորի հայրը:

Քրեական գործով իրականացված բազմակողմանի քննության արդյունքում տվյալներ են ձեռք բերվել՝ քրեակատարողական հիմնարկում կալանավորի նկատմամբ բռնություն կիրառելու վերաբերյալ։

Մասնավորապես՝ ստացված նախնական տվյալների համաձայն՝ կալանավորը բռնության է ենթարկվել ինչպես կալանավորների, այնպես էլ՝ ՔԿՀ աշխատակիցների կողմից, որի ժամանակ գործածվել են մահակներ, էլեկտրաշոկ։

Ձեռք բերված ապացույցների համակցությամբ՝ «Նուբարաշեն» ՔԿ հիմնարկի կալանավորին մեղադրանք է առաջադրվել՝ ՀՀ քրեական օրենսգրքի 34-355-րդ հոդվածի 2-րդ մասի 2-րդ կետով:

Միաժամանակ, նկատի ունենալով, որ նշված քրեական գործի նախաքննությամբ բացահայտվել է ՀՀ ԱՆ «Նուբարաշեն» ՔԿ հիմնարկի աշխատակցի կողմից պաշտոնեական լիազորություններն անցնելու վերաբերյալ առերևույթ հանցագործության դեպք՝ Էրեբունի և Նուբարաշեն վարչական շրջանի քննչական բաժնում հարուցվել է նոր քրեական գործ` ՀՀ քրեական օրենսգրքի 309-րդ հոդվածի 1-ին մասով, և որոշում է կայացվել՝ նշված քրեական գործերը մեկ վարույթում միացնելու մասին:

Քրեական գործն ուղարկվել է ՀՀ դատախազություն՝ այն ըստ քննչական ենթակայության ուղարկելու միջնորդությամբ:

Աղբյուր` Փաստինֆո