ԲՈԼՈՐ ՆՅՈՒԹԵՐԸ
Նախկին վստահորդը սադրում,շանտաժի է ենթարկում փաստաբանին. Դիմում Գլխավոր դատախազին 08/03/2018 11:07 | ԼՐԱՀՈՍ
Փաստաբան Արթուր Գրիգորյանը դիմում է Գլխավոր դատախազին խնդրանքով՝ նամակը որպես հանցագործության մասին հաղորդում և հանձնարարել լուծելու Ջուլիետա Վիտյայի Կարապետյանի նկատմամբ ՀՀ քրեական օրենսգրքի համապատասխան հոդվածներով քրեական գործ հարուցելու հարցը:
Ըստ փաստաբանի՝ իր նախկին հաճախորդներից մեկը պարբերաբար անհանգստացնում է իրեն, ինչին իրավապահ մարմինները պատշաճ չեն արձագանքում, Ավելին՝ նա կարծում է, որ հաճախորդի նման վարքագիծն ուղղորդված է։ Նշենք, որ նախօրեին կայքերից մեկին՝ քաղաքացուհին հայտնել էր, թե իբր փաստաբանն Արթուր Գրիգորյանն իր նկատմամբ սպանության սպառնալիք եմ հնչեցրել:
«Հավատացեք, անգամ սպանելու դեպքում ես խնդիր չպետք է ունենայի, քանի որ ամիսներ շարունակ նա խախտում է իմ բնակարանի անձեռնմխելիությունը, ընտանիքիս անդորրը, ինձանից իմ շահած գործի գումարն է շորթում, կատարում է ինքնիրավչություն: Ու թող սրա տարիքը չշեշտեն, քանի որ էս բանսարկուն բոլորիցս շատ առողոջություն ունի: Որպեսզի գլուխներդ շատ չտանեմ, ստորև հրապարակում եմ դեռևս ս.թ. հուլիսի 9-ին ՀՀ գլխավոր դատախազին իմ ուղարկած հաղորդման ամբողջական տեքստը»,- ֆեյսբուքում գրել է փաստաբանը։ (Գրառումը ներկայացվել է մասնակի խմբագրմամբ-խմբ)։
Փաստաբանի գրությունը՝ ուղղված գլխավոր դատախազին ներկայացնում ենք ամբողջությամբ։
ՀՀ գլխավոր դատախազ՝
պարոն Ա.Դավթյանին
Հարգելի պարոն Գլխավոր Դատախազ,
Առանձին փաստաբանների կողմից իրենց հաճախորդների նկատմամբ ցուցաբերվող ոչ պատշաճ վարքագծի մասին հաճախ է խոսվում: Ցավոք սրտի, այդ ոչ պատշաճ վերաբերմունքը որոշ դեպքերում ամփոփվում է հանցակազմ պարունակող արարքների, մասնավորապես, խարդախության մեջ, որոնց վերաբերյալ կան նաև օրինական ուժի մեջ մտած դատավճիռներ:
Ինչ վերաբերում է հակառակ հարթությանը, երբ առանձին հաճախորդների կողմից փաստաբանների նկատմամբ ոտնձգություններ են կատարվում, ապա դարձյալ պետք է ցավով արձանագրեմ, որ նման դեպքերում փաստաբանը իրավական պաշտպանության արդյունավետ միջոցներ չունի: Ավելին՝ ՀՀ փաստաբանների պալատի և/կամ իրավապահ մարմինների կողմից փաստաբանի համապատասխան ահազանգերի տևական անտեսումը ստեղծում է քրեածին մի իրավիճակ, երբ փաստաբանը կարող է ստիպված լինել անցնելու իր և իր ընտանիքի ինքապաշտպանության: Այդժամ, բնականաբար, ինքնապաշտպանության հարցն այլևս քննարկման առարկա չի դառնա և վերստին ուշադրության կենտրոնում կհայտնվի փաստաբանի «ոչ իրավաչափ» կամ «հանցավոր» վարքագիծը:
Այսպես, 2013 թվականի հուլիսի 23-ին փաստաբանական ծառայությունների տրամադրման պայմանագիր եմ կնքել Երևան քաղաքի Հ. Հակոբյան փողոցի 4-րդ շենքի թիվ 9 բնակարանի բնակիչ Ջուլիետա Վիտյայի Կարապետյանի հետ, որով պարտավորվել եմ նրա ներկայացուցչությունն իրականացնել թիվ ԵԱՆԴ/0027/02/13 քաղաքացիական գործով: Նշված գործը վերջնական դատական ակտով լուծվել է Ջ.Կարապետյանի օգտին և այդ փաստի ուժով պայմանագրի գործողությունը դադարել է պատշաճ կատարմամբ:
2014 թվականի մայիսի 19-ին նույն անձի հետ կնքել եմ ևս մեկ պայմանագիր, որի շրջանակնեում նրան տրամադրվող փաստաբանական ծառայությունները վերաբերել են քրեական գործ հարուցելը մերժելու մասին հետաքննիչի որոշումը նոր երևան եկած հանգամանքներով վերանայելու վարույթի հարուցմանը հասնելուն: Նշված պայմանագրի գործողության ընթացքում՝ 2016 թվականի փետրվարի 12-ին միակողմանի հրաժարվել եմ պայմանագրից, քանի որ դրա 6.7. կետին հակառակ՝ Ջ.Կարապետյանը երաշխիքային կանխավճարի համալրումներ չէր կատարել և բացի այդ, խախտելով պայմանագրի 3.2.6. կետը՝ նա իր շարունակական հեռախոսազանգերով անհարկի միջամտում էր, թե՛ իր հետ կնքված պայմանագրով, և թե՛ այլ հաճախորդների հետ կնքված պայմանագրերով իմ կողմից ծառայությունների տրամադրման նորմալ գործընթացին: Այս ամենի շարադրմամբ Ջ.Կարապետյանին ուղարկել եմ համապատասխան գրավոր ծանուցում՝ դրան կից վերադարձնելով նրա գործին վերաբերող բոլոր նյութերը:
Իմ վերը նշված ծանուցումը ստանալուց հետո՝ 2016 թվականի մարտի 3-ին, Ջ.Կարապետյանը դիմում է ներկայացրել ՀՀ փաստաբանների պալատ, որով ակնհայտ սուտ տեղեկություններ հաղորդելով այն մասին, թե ես իրենից գումարներ վերցնելով իբր իր գործն անավարտ եմ թողել, պահանջել է ինձ կարգապահական պատասխանատվության ենթարկել և պարտավորեցնել հետ վերադարձնել թե՛ առաջին և թե՛ երկրորդ պայմանագրերի հիման վրա ինձ վճարված՝ ընդհանուր առմամբ 300.000 ՀՀ դրամը: ՀՀ փաստաբանների պալատին այս առթիվ ներկայացրել եմ համապատասխան գրավոր պարզաբանումներ, որից հետո Ջ.Կարապետյանին հայտնվել է, որ իմ նկատմամբ կարգապահական վարույթ հարուցելու հիմքերը բացակայում են:
Նշեմ նաև, որ իր պահանջը ներկայացնելու նպատակով Ջ.Կարապետյանը մի շարք անգամ գնացել է ծնողներիս բնակարան, որը գտնվում է Երևան քաղաքի Բաշինջաղյան փողոցի 198-րդ շենքի թիվ 5 հասցեում: Ծնողներս նրան դուրս են հրավիրել, զգուշացնելով, որ այլևս չգա և բոլոր հարցերին լուծում տա օրենքով սահմանված կարգով, եթե իր պահանջներն օրինական են:
2017 թվականի ամռանը նոր հեռախոսահամար եմ վերցրել (091063736), որի մասին հայտնել եմ բոլոր շահագրգիռ անձանց, այյդ թվում՝ հաճախորդներիս: Ջ.Կարապետյանին, բնականաբար, նշված հեռախոսահամարը չեմ տրամադրել, քանի որ վերը նշված իրադարձություններից հետո նա այլևս իմ հաճախորդը չէր: Նշեմ նաև, որ 2017 թվականի նոյեմբեր ամսից փաստացի բնակվում եմ Երևան քաղաքի Կողբացի փողոցի 1-ին շենքի թիվ 71 բնակարանում: Հաճախորդներիս բնակությանս վայրը չեմ հայտնել, քանի որ նրանց ընդունում եմ Արշակունյաց պողոտայի 2-րդ շենքի թիվ 511 սենյակում, որը հանդիսանում է իմ և գործընկերներիս ընդհանուր գրասենյակը:
Սույն թվականի, եթե չեմ սխալվում, ապրիլ ամսին հեռախոսազանգ ստացա 091584950 հեռախոսահամարից և պարզվեց, որ զանգահարողը Ջուլիետա Կարապետյանն է: Նա սկսեց ինձանից պահանջել, որպեսզի վերադարձնեմ երկու պայմանագրերով իր վճարած 300.000 ՀՀ դրամը, ինչին ես պատասխանեցի, որ դեռևս 2016 թվականին իրեն գրավոր ծանուցում եմ ուղարկել, որից երևում է, որ ես իր նկատմամբ որևէ դրամական պարտավորություն չունեմ, ավելին՝ իմ կողմից իրեն երկրորդ պայմանագրով փաստացի տրամադրված ծառայությունների հանրագումարի և իր վճարած 150.000 ՀՀ դրամի միջև տարբերությունը կազմում է 110.000 դրամ, որը իրենից պահանջելու բոլոր իրավական հիմքերն ունեմ:
Նա իրեն բնորոշ սկանդալային տոնով՝ բղավելով և ինձ «խարդախ» անվանելով սկսեց սպառնալ, որ ոչ միայն իմ հեռախոսահամարն է իմացել, այլև բնակությանս վայրը և, որ գալու է իմ բնակարան գումարը «ստանալու»: Ես պահանջեցի, որպեսզի նա ասի, թե ո՞վ է իրեն տրամադրել իմ հեռախոսահամարն ու հայտնել բնակությանս վայրը, ինչին նա արհամարհաբար պատասխանեց, որ դա ինձ չի վերաբերում: Մի շարք անգամ ևս Ջ.Կարապետյանի հետ նույնաբովանդակ հեռախոսազրույցներ ունենալուց հետո և համոզվելով, որ նա որևէ կերպ հակված չէ իր կարծեցյալ պահանջների լուծումը տեղափոխել իրավական հարթություն, ես դադարեցի պատասխանել նրա հեռախոսազանգերին: Այդժամ նա սկսեց ինձ ուղարկել SMS հաղորդագրություններ, որ ես հարցին "լուծում" տամ, այլապես գալու է իմ բնակարան: Ես էլ իրեն պատասխան SMS հաղորդագրություններ եմ ուղարկել, որոնցով զգուշացրել եմ, որ օրենքով սահմանված կարգից դուրս որևէ գործողություն չկատարի, ներառյալ՝ ինձ հետ հանդիպումներ չփնտրի: Ջ.Կարապետյանի SMS հաղորդագրությունների միջոցով տեղի ունեցած ողջ նամակագրությունը պահպանված է իմ հեռախոսի մեջ:
Սույն թվականի հունիսի 23-ին, երբ ծնողներիս հետ Վերնիսաժի տարածքում էի, Ջ.Կարապետյանը նորից սկսեց ինտենսիվ զանգահարել ինձ և SMS հաղորդագրություններ ուղարկել, որ գալու է իմ բնակարան: Նույն օրը ժամը 15:00-ի սահմաններում ծնողներիս հետ վերադառնում էի իմ բնակարան, և երբ վերելակի դուռը բացվեց՝ վերելակի մոտ կանգնած էր Ջ.Կարապետյանը: Ես ծնողներիս առաջարկեցի մտնել բնակարան և Ջ.Կարապետյանից պահանջեցի դուրս գալ շենքից: Վերջինս հայտարարեց, որ չի պատրաստվում դուրս գալ և, որ ես պետք է վերադարձնեմ իր վճարած գումարները: Տեսնելով, որ Ջ.Կարապետյանը եկել է հերթական սկանդալը սարքելու և ինձ հունից հանելու նպատակով՝ ծնողներս ինձ խնդրեցին մտնել բնակարան. ես հետևեցի նրանց խնդրանքին: Հայրս դուռը փակեց, որից հետո Ջ.Կարապետյանը ավելի քան երկու ժամ կանգնել է բնակարանիս դռան առջև և դուռը թակելով, բղավելով, իմ և ծնողներիս հասցեին վիրավորական արտահայտություններ անելով, ինձ պարբերաբար "խարդախ" անվանելով պահանջել է, որպեսզի իրեն ներս թողնենք, որպեսզի ես "հարցին լուծում" տամ: Տարեց ծնողներս ապշած էին և նայրդայնացած, քանի որ նրանց համար նույնպես ավելի քան ակնհայտ էր, որ Ջ.Կարապետյանի այցելության նպատակը ոչ այլ ինչ է, քան ինձ հունից հանելը, տեղում որևէ միջադեպ սադրելը և հարևանների մոտ ինձ վարկաբեկելու միջոցով իր ապօրինի պահանջների կատարմանը հասնելը:
Նշեմ, որ Ջ.Կարապետյանի վերը նշված այցելությունից շատ չանցած իմ բնակարան է եկել ընկերս՝ փաստաբան Արմեն Սողոմոնյանը, ով մինչև վերջ մեզ հետ է գտնվել և ականատես է եղել այս ամենին:
Քանի որ բնակարան մտնելուց հետո պարզ էր, որ Ջ.Կարապետյանի ինքնիրավ գործողությունները շուտ չեն դադարելու, հնարավոր անցանկալի զարգացումները կանխելու և նրան դուրս հրավիրելու նպատակով 1-02 համարով զանգահարել ենք ոստիկանություն: Շատ չանցած ոստիկանները եկել, տեղում տեսել են իրավիճակը և ինձ մի քանի բանավոր հարցեր ուղղելուց հետո գնացել են մեկ այլ դեպքի վայր, խոստանալով վերադառնալ: Ջ.Կարապետյանը շարունակել է մնալ դռանս մոտ՝ բղավել, դուռս թակել, վիրավորել և ներկայացնել իր ապօրինի պահանջը, սպառնացել է, որ շենքի բակում ինձ մարդիկ են սպասում, որ եկել են ինձ ծեծելու:
Տեսնելով, որ գնացած ոստիկանները տևական ժամանակ չեն վերադառնում, ևս երկու անգամ ահազանգել եմ 1-02 համարին, հայտնելով, որ Ջ.Կարապետյանը շարունակում է իր ինքնիրավ գործողությունները, խախտում է բնակարանիս անձեռնմխելիության իմ իրավունքը և մեր անդորրը: Ու թեև նույն ոստիկանները վերջապես վերադարձան, այնու-ամենայնիվ ինձանից որևէ գրավոր հաղորդում, դիմում կամ բացատրություն չպահանջեցին. նրանց ավելի շատ հետաքրքրում էր իմ և Ջ.Կարապետյանի միջև տեղի ունեցած պայմանագրային հարաբերությունները: Վերջապես, ժամը 18:00-ի սահմաններում ոստիկանները գնացին, Ջ.Կարապետյանն էլ նրանց հետ դուրս եկավ:
Դրանից հետո Ջ.Կարապետյանի գործողությունները ամենևին էլ չդադարեցին: Հաջորդ օրը առավոտվանից նա շարունակեց իր հեռախոսազանգերն ու SMS հաղորդարություններ ուղարկելը, սպառնալով, ի թիվս այլնի, որ ինչ ուզում է ես անեմ, մեկ է՝ ինքը ամեն օր գալու է և «իր փողը պահանջի», որ մարդ է ուղարկելու, որ ինձ ծեծի:
Կենտրոնի ոստիկանությունից իմ ահազանգի վերաբերյալ մինչ օրս որևէ գործողություն չի կատարվել, իսկ Ջ.Կարապետյանը շարունակում է իր ինքնիրավ գործողությունները (զանգերն ու SMS հաղորդագորությունները). նա ցանկացած պահի կարող է վերստին հայտնվել իմ բնակարանի մոտ, ներխուժման փորձեր կատարել՝ ինձ դրդելով որևէ ոչ ադեկվատ քայլի: Նման պայմաններում, եթե ես անցնեմ իմ իրավունքների ինքնապաշտպանության, ապա չկա որևէ երաշխիք, որ իմ գործողությունները հետագայում համաչափ կհամարվեն..: Այդ իսկ պատճառով ստիպված եմ դիմել Ձեզ:
Հարգելի պարոն Գլխավոր Դատախազ.
1995 թվականից անընդմեջ փաստաբանական գործունեություն եմ իրականացնում, մասնակցել և մասնակցում եմ թե՛ ներպետական և թե՛ միջազգային դատավարությունների (պատիվ եմ ունեցել մի դատավորությունում Ձեզ հետ մասնակցել մեղադրանքի կողմում): Երբեք կոմերցիոն շահը իրավապաշտպան նպատակից վեր չեմ դասել: Հատկապես նաև այս պատճառով ինձ համար ծայրաստիճան անընդունելի է և վիրավորական, որ որոշ անձանց ցածր գիատկցության մեջ փաստաբանի կարգավիճակն այնպես է ընկալվում, որ երբ ուզեն՝ կարող են նրան ահաբեկելու, սադրելու, շանտաժի ենթարկելու, որոշ դեպքերում նաև սուտ գողական հնարքներ բանեցնելու և այլ ապօրինի եղանակներով հասնել իրենց քմահաճ նպատակների իրականացմանը:
Կոնկրետ դեպքում, Ջուլիետա Կարապետյանը՝
1) ապօրինի` առանց իմ համաձայնության հավաքել և օգտագործել է իմ անձնական և ընտանեկան կյանքի մասին տեղեկություններ (հեռախոսահամարս և բնակությանս վայրը),
2) կատարել է ինքնիրավչություն, քանի որ շրջանցելով քաղաքացիաիրավական վեճերի լուծման՝ օրենքով սահմանված դատական կարգը, ինձանից 300.000 ՀՀ դրամ պահանջելու իր ենթադրյալ իրավունքն իրականացրել է ինքնակամ (ինքնագլուխ), որով էական վնաս է պատճառել իմ և ծնողներիս իրավունքներին՝ տևականորեն խախտելով իմ և նրանց անդորրը, վնաս տալով իմ գործարար համբավին և տևականորեն խանգարելով իմ աշխատանքը,
3) կատարել է իմ բնակարան ապօրինի ներխուժելու փորձ,
4) կատարել է շորթում, քանի որ ինձ ծեծել տալու սպառնալիքով ինձ դրամական պահանջ է ներկայացրել:
Խնդրում եմ իմ այս նամակն ընդունել որպես հանցագործության մասին հաղորդում և հանձնարարել լուծելու Ջուլիետա Վիտյայի Կարապետյանի նկատմամբ ՀՀ քրեական օրենսգրքի համապատասխան հոդվածներով քրեական գործ հարուցելու հարցը:
Առդիր՝ Ջ.Կարապետյանին հասցեագրված գրավոր ծանուցման և ՀՀ փաստաբանների պալատին ներկայացված գրավոր պարզաբանման պաճենները»,- ասվում է գրառման մեջ:
Լուսանկարում՝ փաստաբան Արթուր Գրիգորյանը
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/04/2024 08:35 «Մի բարձի աշխատեք» պետական համակարգում․ «Ժողովուրդ»
- 05/04/2024 08:32 Ոստիկանը պետք է լավ վարձատրվի և լավ հագնվի․ «Հրապարակ»
- 05/04/2024 08:28 Հանձնաժողովի անդամները կասկածելիորեն անհայտ դատավորներ են եղել․ ԲԴԽ անդամ է դարձել Ռոբերտ Քոչարյանին կալանավորած Արմեն Դանիելյանը․ «Ժողովուրդ»
- 05/04/2024 08:26 Փաշինյանը սեփական անվտանգությանը վերաբերվում հիվանդագին լրջությամբ․«Հրապարակ»
- 05/04/2024 08:21 Եթե իշխանությունը գովերգում է ՄԻՊ-ին, ի՞նչ է դա նշանակում. «Փաստ»
- 05/04/2024 08:18 Գեղարքունիքի մարզպետ, թե՞ Մոսկվայի ուսանող․ «Ժողովուրդ»
- 05/04/2024 08:15 Ինչու են ընդդիմադիր պատգամավորները հրաժարվել գործուղումներից․«Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/03/2024 11:30 «Սահմանազատումից» հետո Կիրանցի նոր կառուցվող դպրոցի շենքը ադրբեջանցիներից հեռու է լինելու 150-160 մ
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
Արխիվ
Արտակարգ պատահարներ
- 05/04/2024 13:02 Հեղեղումներ, փլուզումներ, ջրալցումներ. հորդառատ անձրեւի հետեւանքները՝ մայրաքաղաքում. նոր կադրեր
- 05/04/2024 11:25 Հրդեհված տնից փրկարարները հանել են երեխաների մարմինները. նոր մանրամասներ
- 05/04/2024 10:42 Ողջաբերդ գետի հենապատի փլուզում Նոր Արեշ թաղամասում ․ Ջուրը լցվել է հարակից տները
- 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն