Վահրամ Բաղդասարյանը խորհուրդ է տալիս վարչապետի թեկնածուի առաջադրման հարցում անակնկալների չսպասել

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/26/2024 23:46 Վեց հոգուց բաղկացած ընտանիքը այրվել է հարսանիքի ժամանակ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 20:34 Արման Թաթոյանը ևս Կիրանցում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին

Վահրամ Բաղդասարյանը խորհուրդ է տալիս վարչապետի թեկնածուի առաջադրման հարցում անակնկալների չսպասել 03/05/2018 13:42 | Քաղաքական

Հայաստանի Հանրապետական կուսակցությունը ՀՀ վարչապետի թեկնածուի շուրջ քննարկումներ դեռ չի կազմակերպել: Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանն այս մասին ասաց ԱԺ ՀՀԿ խմբակցության ղեկավար Վահրամ Բաղդասարյանը:

«Քննարկումներ դեռ չունենք: Երբ կազմակերպենք այդ քննարկումները, վարչապետի մեր թեկնածուի անունը հայտնի կլինի կանոնակարգ-օրենքին համապատասխան օրերի ընթացքում»,- «Արմենպրես»-ի փոխանցմամբ՝ ընդգծեց Բաղդասարյանը:

Անդրադառնալով դիտարկմանը, թե գործող նախագահ Սերժ Սարգսյանը դեռ սահմանադրական բարեփոխումներից առաջ հայտարարել էր, որ կառավարման խորհրդարանական համակարգի անցնելու դեպքում չի հավակնի ՀՀ նախագահի և վարչապետի պաշտոններին՝ Վահրամ Բաղդասարյանն ընդգծեց, որ քաղաքականությունը խայտաբղետ է, և քաղաքական զարգացումները նոր պահանջներ են թելադրում: «Քաղաքականության մեջ ամեն բան կարող է փոխվել, և քաղաքականության մեջ ցանկություններին և հավակնություններին տուրք տալ պետք չէ»,- ասաց նա:

Միևնույն ժամանակ Վահրամ Բաղդասարյանը խնդրեց ուշադրություն դարձնել այն հանգամանքին, որ Սերժ Սարգսյանը որոշումները միանձնյա չի կայացնում: «Երբ մենք կքննարկենք այդ հարցը, և կլինեն թեկնածուներ, ովքեր կհրաժարվեն, և պատճառները հիմնավոր կլինեն, մենք այդ հիմնավորումները կհարգենք»,- նշեց ՀՀԿ խմբակցության ղեկավարը:

Նրա խոսքով՝ յուրաքանչյուր անհատ քաղաքական գործիչ կարող է ունենալ սեփական կարծիք և միանձնյա հայտարարություններ անել, իսկ որոշումը քաղաքական ուժն է կայացնում, որին բոլորն անխտիր պետք է ենթարկվեն: Հարցին, եթե ինքը մի բան հայտարարի, սակայն քաղաքական թիմն այլ որոշում կայացնի, պատրաստ կլինի՞ հետ կանգնել իր խոսքից և ենթարկվել թիմի որոշմանը, Վահրամ Բաղդասարյանը պատասխանեց. «Եթե թիմը քաղաքական զարգացումները գնահատում է և այլ որոշում է կայացնում, ես՝ որպես պարկեշտ քաղաքական գործիչ, պարտավոր եմ ենթարկվել քաղաքական որոշումներին»:

Դիտարկմանը, թե ՀՀ վարչապետի պաշտոնում Սերժ Սարգսյանի թեկնածությունն առաջադրելու պարագայում ընդդիմությունը պատրաստվում է փողոցային պայքար սկսել, ՀՀԿ խմբակցության ղեկավարը խնդրեց ուշադրություն դարձնել վերջին շրջանում ընդդիմության կազմակերպած ցույցերին և հետևություններ անել: «Բացի այդ, մենք դեռ վարչապետի թեկնածուի վերաբերյալ որոշում չունենք, բայց իրենք, կարծես, առաջադրում են Սերժ Սարգսյանի թեկնածությունը: Եթե իրենք առաջադրեն, մենք այդ հարցը կքննարկենք»,- ասաց Բաղդասարյանը:

Հարցին, թե կարո՞ղ է ՀՀԿ-ն անակնկալ մատուցել ընդդիմությանը և վարչապետի պաշտոնում առաջադրել ոչ թե Սերժ Սարգսյանի, այլ մեկ ուրիշ անձի, Վահրամ Բաղդասարյանը պատասխանեց. «Անակնկալների մի սպասեք: Մենք դեռ որոշում չունենք, իսկ քաղաքականության մեջ ոչինչ չի բացառվում: Ամեն օր բաներ են փոխվում, քաղաքական զարգացումներին համապատասխան ինչ-որ բաներ կարող են փոխվել»:

ՀՀ գործող նախագահ Սերժ Սարգսյանի լիազորությունները կավարտվեն 2018 թ. ապրիլի 9-ին, որից հետո ՀՀ նախագահի լիազորությունները կստանձնի Արմեն Սարգսյանը: Ապրիլի 9-16-ը ՀՀվարչապետի թեկնածու առաջադրելու ժամկետն է, իսկ ապրիլի 17-ի հատուկ նիստում տեղիկունենա ՀՀ վարչապետի ընտրությունը, որը կանցկացվի անվանական բաց քվեարկությամբ:

Աղբյուր` Փաստինֆո