Փաստ ինֆո

Ժիրայր Սեֆիլյանի և մյուսների գործով այսօր դահլիճում միայն ներկա էր մեկ ամբաստանյալ՝ Հովհաննես Պետրոսյանը:

Մյուսների նկատմամբ դատարանը նախորդ նիստերում դատական սանկցիա էր կիրառել և հեռացրել էր նիստերի դահլիճից` դատարանի նկատմամբ անհարգալից վերաբերմունք դրսևորելու համար:

Շենգավիթ վարչական շրջանում այսօր դատական նիստն սկսվեց մեկ ժամ ուշացումով, դատարանն անցավ փաստաբանների ներգրավմանը, որը հերթական անգամ ավարտին չհասավ:

Ժիրայր Սեֆիլյանի և Ներսես Պողոսյանի փաստաբանները լքեցին դատական նիստերի դահլիճը: Դատարանը պաշտպաններ Արա Զաքարյանին և Նինա Կարապետյանցին կրագադրեց չլքել նիստերի դահլիճը, սակայն վերջիններս հայտարարեցին, որ իրենց պաշտպանյլաներից հստակ ցուցում ունեն, որ իրենց՝ դահլիճում չգտնվելու դեպքում որևէ գործողության վերաբերյալ դիրքորոշում չհայտնեն և, ուստիև, իրենք այդ պայմաններում չեն պատրաստվում մնալ դահլիճում:

Ամբաստանայլներին նիստերի դահլիճ վերադարձնելու վերաբերյալ դատարանը պաշտպաններին մի քանի անգամ հուշել էր, որ կարող են հիմնավոր միջնորդություն անել, ինչը ենթադրում էր, որ դատարանը փաստաբաններից երաշխիք էր ցանկանում լսել, որ նրանց պաշտպանյալները անհարգալից չեն գտնվի դատարանի նկատմամբ և «ոտքի դատարանն է գալիս» հայտարարելուց հետո ոտքի կկանգնեն:

Սակայն փաստաբանները լքեցին դատական նիստերի դահլիճը և դատարանը հեռացավ խորհրդակցական սենյակ՝ փաստաբանների վարքագծի վերաբերյալ որոշում կայացնելու համար:

Լուսանկարը՝ ֆոտոլուրի

Աղբյուր` Փաստինֆո