ԲՈԼՈՐ ՆՅՈՒԹԵՐԸ
Եղբորն ազատելու պահանջով պատանդ էր վերցրել ոստիկանին. եղբայրն ազատության մեջ է, ինքն՝ ազատազրկված 06/24/2017 16:00 | ԳՈՐԾ #
Օրինական ուժի մեջ է մտել եղբորը կալանքից ազատ արձակելու ու իր մոտ բերելու պահանջով ոստիկանի նկատմամբ բռնություն գործադրելով զենք հափշտակելու, նրան պատանդ վերցնելու ու պահելու վերաբերյալ աղմկահարույց գործով դատավճիռը:
Արագածոտնի մարզի առաջին ատյանի դատարանը հաստատված էր համարել, որ Սևակ Իսպիրյանը՝ ունենալով հրազեն հափշտակելու և այն հետագայում տնօրինելու դիտավորություն, 2014 թվականի հոկտեմբերի 22-ին՝ ժամը 19:50-ի սահմաններում, դանակով և փայտով զինված հարձակում է գործել ՀՀ ոստիկանության Արագածոտնի մարզային վարչության Ապարանի բաժնին կից պահպանության բաժանմունքի պահպանությանը հանձնված Ապարան-Երևան ջրագծի Քուչակ գյուղի վարչական տարածքում տեղակայված պահակետում իր ծառայողական պարտականությունները կատարող բաժանմունքի ոստիկան, ոստիկանության սերժանտ Վարդան Գևորգյանի նկատմամբ և, նրա կյանքի և առողջության համար վտանգավոր բռնություն գործադրելով, իր մոտ եղած ծալովի դանակը սեղմելով Վ. Գևորգյանի որովայնին, պահանջել է վերջինիս ամրակցված «Մակարով» տեսակի ատրճանակը, սակայն, հանդիպելով Վ. Գևորգյանի դիմադրությանը, քաշքշուկի մեջ է մտել նրա հետ, ձեռքերով հարվածել է նրա գլխին և մարմնի տարբեր մասերին և հափշտակել Վ. Գևորգյանին ամրակցված հիշյալ ատրճանակը:
Բացի այդ, Սևակ Իսպիրյանը տուժողին պատանդ վերցնելու նպատակով իր կողմից հափշտակված հրազենի գործադրմամբ այն ուղղելով նրա վրա, կյանքի և առողջության համար վտանգավոր բռնություն գործադրելով, իր մոտ եղած պարանով կապել է տուժողի ձեռքերը, նրան տեղափոխել է պահակակետ և պառկեցրել հատակին և այդ կերպ պատանդ է վերցրել ու որպես պատանդ պահել, և նրան ազատելու համար օգնության հասած ոստիկան, սերժանտ Ն.Նավասարդյանի միջոցով պայման է ներկայացրել ՀՀ ոստիկանության Ապարանի բաժնի ղեկավարությանը՝ կալանքից ազատել և իր մոտ բերել ՀՀ ՔԿ Արագածոտնի մարզային վարչությունում քննվող քրեական գործով ՀՀ քրեական օրենսգրքի 112-րդ հոդվածի 1-ին մասով (դիտավորությամբ առողջությանը ծանր վնաս պատճառելը) մեղադրյալ, կալանավոր, իր եղբայր Սամվել Իսպիրյանին: Բանակցությունների ընթացքում Սևակ Իսպիրյանը, տեսնելով, որ իր հանցավոր մտադրությունը ձախողվում է և նույն ժամանակ, տեսնելով, որ ոստիկանության աշխատակիցները արդեն իսկ իրեն շրջապատել են և հետագայում մնալով այդտեղ իրեն կվնասազերծեն, տուժողին թողնելով պահակետում, դիմել է փախուստի: Ժամեր անց տարված բացատրական աշխատանքների արդյունքում Ս. Իսպիրյանը հանձնել է իր կողմից հափշտակված ատրճանակը:
Նախաքննության ընթացքում մեղադրյալը ՀՀ քրեական օրենսգրքի 218-րդ հոդվածի 2-րդ մասի 2-րդ և 3-րդ կետերով՝ կյանքի կամ առողջության համար վտանգավոր բռնություն գործադրելով, զենք կամ որպես զենք օգտագործվող առարկաներ գործադրելով պատանդ վերցնելը, 238-րդ հոդվածի 4-րդ մասի 2-րդ կետով՝ կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով զենք հափշտակելը, առաջադրված մեղադրանքում իրեն մեղավոր չի ճանաչել, իսկ դատաքննության ընթացքում մեղավոր է ճանաչել միայն ՀՀ քրեական օրենսգրքի 238-րդ հոդվածի 4-րդ մասի 2-րդ կետով առաջադրված մեղադրանքում:
Դատարանը՝ վերլուծելով ամբաստանյալի պաշտպանի ճառն, արձանագրել է, որ պաշտպանական կողմն ընդունում ու հիմնավորված է համարում, որ Սևակ Իսպիրյանը 2014 թվականի հոկտեմբերի 22-ին՝ ժամը 19:50-ի սահմաններում գնացել է Արագածոտնի մարզի Քուչակ գյուղի վարչական տարածքում գտնվող և Ապարանի ոստիկանությանը կից պահպանության բաժանմունքի պահպանությանը հանձնված պահակետ, որտեղ իր ծառայողական պարտականություննեը կատարող, սույն գործով տուժող Վ. Գևորգյանից խլել է նրա հաշվեցուցակային «Մակարով» տեսակի ատրճանակը և Վ. Գևորգյանին, իր մոտ եղած պարանով կապել ձեռքերը և վերջինիս ուղեկցել է պահակակետ: Այնուհետև պահակակետ ներկայացած, սույն գործով վկա Ն. Նավասարդյանից պահանջել է իրենց մոտ կանչել բաժնի ոստիկանության ղեկավարությանը:
Պաշտպանական կողմն ընդունել և հիմնավորված է համարել նաև այն հանգամանքը, որ երբ որոշ ժամանակ անց ներկայացել են ոստիկանության աշխատակիցները, Սևակ Իսպիրյանը հայտարարել է, որ իր եղբայրը՝ Սամվել Իսպիրյանն անհիմն է կալանավորված, պահանջել է իրեն հարցաքննեն, իսկ Սամվել Իսպիրյանին ազատ արձակեն, քանի որ նա անմեղ է և կապ չունի հանցանքի կատարման հետ:
Դատարանը փաստել է, որ պաշտպանական ճառի վերլուծությունից պարզ է դարձել, որ պաշտպանը, ըստ էության, հիմնավորված համարելով մեղադրանքի հիմքում դրված փաստական հանգամանքները, իր անհամաձայնությունն է հայտնում ամբաստանյալի արարքին տրված քրեաիրավական գնահատականի հետ: Մասնավորապես, պաշտպանը ճառում հայտնել է, որ Ս. Իսպիրյանի արարքում բացակայում է զենք հափշտակելու դիտավորությունը, իսկ ոստիկանության աշխատակցի նկատմամբ իրականացրած գործողություններն առավելագույնը կարող է որակվել ՀՀ քրեական օրենսգրքի 316-րդ հոդվածով՝ իշխանության ներկայացուցչի նկատմամբ բռնություն գործադրելը:
Միաժամանակ պաշտպանը ճառում հայտնել է, որ «քրեական գործի քննությամբ հիմնավորվել է, որ Ս. Իսպիրյանը կամովին հրաժարվել է Վ. Գևորգյանին պատանդ պահելու և եղբորը Ս. Իսպիրյանին կալանքից ազատելու իր պահանջներից, թույլատրել ոստիկանության աշխատակիցներին ազատել Վ. Գևորգյանին և ատրճանակը ուղղելով իր քունքին հայտնել է, որ եղբայրն անմեղ է և ցանկանում է, որ իրեն հարցաքննեն այն փաստի կապակցությամբ, հակառակ դեպքում ինքնասպան կլինի, այսինքն՝ Ս. Իսպիրյանը հրաժարվել է պատանդ պահելու իր պահանջից, այն է՝ եղբորը՝ Ս. Իսպիրյանին կալանքից ազատելու մասին»:
Դատարանը հանգել է այն եզրակացության, որ հիմնավորված է Սևակ Իսպիրյանին առաջադրված մեղադրանքը, իսկ ի պաշտպանություն նրա բերվող փաստարկները չեն բխում քրեական գործի նյութերից:
Դատարանն արժանահավատորեն, հիմնավոր կասկածից վեր ապացուցողական չափանիշով ապացուցված է համարել ամբաստանյալի արարքում ինչպես տուժողի կյանքի և առողջության համար վտանգավոր բռնություն կիրառելով զենք հափշտակելու, այնպես էլ՝ նույն եղանակով պատանդ վերցնելու և պահելու հանցակազմերը: Նման պայմաններում դատարանն իր անհամաձայնությունն է հայտնում պաշտպանի այն դատողություններին, որ Ս. Իսպիրյանի արարքը առավելագույնը կարող էր որակվել ՀՀ քրեական օրենսգրքի 316-րդ հոդվածով:
Դատարանը, անդրադառնալով ամբաստանյալի կողմից պատանդին ազատ արձակելու և իր պահանջներից կամովին հրաժարվելու վերաբերյալ պաշտպանի պնդումներին, արձանագրել է, որ դրանք ևս անհիմն են և հերքվում են քրեական գործով ձեռք բերված և դատարանում հետազոտված ապացույցներով:
Նախևառաջ դատարանն արձանագրել է, որ պաշտպանը թեև հերքում էր պատանդ վերցնելու հանգամանքը, սակայն իր վերոնշյալ դատողություններով ընդունում է, որ Ս. Իսպիրյանն իրականում տուժող՝ Վ. Գևորգյանին պատանդ է վերցրել, հակառակ դեպքում անհասկանալի է, թե ինչպես կարող է խոսք լինել պատանդին ազատելու և պահանջներից հրաժարվելու մասին:
Դատարանը գտել է, որ ամբաստանյալին մեղսագրված արարքները որակված են ճիշտ և համապատասխանում են ՀՀ քրեական օրենսգրքի 238-րդ հոդվածի 4-րդ մասի 2-րդ կետի և 218-րդ հոդվածի 2-րդ մասի 2-րդ և 3-րդ կետերով նախատեսված հանցագործության հատկանիշներին:
ՀՀ վճռաբեկ դատարանի ձևավորած իրավական դիրքորոշումների լույսի ներքո անդրադառնալով ամբաստանյալ Սևակ Իսպիրյանի նկատմամբ նշանակվող պատժի հարցին՝ դատարանը գտել է, որ թեև ամբաստանյալին մեղսագրվում է ծանր և առանձնապես ծանր հանցագործությունների կատարման փաստը, սակայն նրա նկատմամբ պետք է նշանակել ազատազրկման ձևով պատիժ յուրաքանչյուր արարքի կատարման համար այդ հոդվածով սահմանված պատժի նվազագույն չափով, մասնավորապես՝ ՀՀ քրեական օրենսգրքի 218-րդ հոդվածի 2-րդ մասի 2-րդ և 3-րդ կետերով՝ վեց տարի ժամկետով ազատազրկում, իսկ ՀՀ քրեական օրենսգրքի 238-րդ հոդվածի 4-րդ մասի 2-րդ կետով՝ ութ տարի ժամկետով ազատազրկում և ՀՀ քրեական օրենսգրքի 66-րդ հոդվածի 1-ին և 4-րդ մասերի կիրառմամբ նշանակվող պատիժները մասնակիորեն գումարելու միջոցով վերջնական պատիժ պետք է սահմանել ազատազրկում՝ 9 տարի ժամկետով՝ հաշվի առնելով, որ այն տվյալ դեպքում համաչափ է կատարված կոնկրետ հանցագործությունների բնույթին, վտանգավորության աստիճանին, այն կատարելու հանգամանքներին, հանցավորի անձին, և բավարար է պատժի նպատակների նվաճման տեսանկյունից:
Դատարանի հետևությունները պայմանավորված են ամբաստանյալի պատասխանատվությունը և պատիժը մեղմացնող և անձը բնութագրող հետևյալ հանգամանքներով՝ ամբաստանյալը նախկինում դատապարտված կամ այլ կերպ արատավորված չի եղել, բնութագրվում է դրական, երիտասարդ է, զղջացել է կատարածի համար և տվել է խոստովանական ցուցմունքներ, տառապում է հոգեկան հիվանդությամբ, որպիսի հանգամանքը զրկել է նրան ամբողջությամբ գիտակցելու իր գործողության (անգործության) փաստացի բնույթն ու հասարակական վտանգավորությունը, ինչի հետևանքով ճանաչվել է սահմանափակ մեղսունակ, տուժողը նրա նկատմամբ բողոք և պահանջ չի ներկայացրել:
Առաջին ատյանի դատարանի դատավճռի դեմ վերաքննիչ բողոք էր ներկայացրել պաշտպանական կողմը՝ միջնորդելով բեկանել Արագածոտնի մարզի ընդհանուր իրավասության դատարանի դատավճիռը, Սևակ Իսպիրյանի արարքին տալ ճիշտ որակում և նրա նկատմամբ նշանակված պատիժը պայմանականորեն չկիրառել:
Վերաքննիչ դատարանը գտել է, որ Դատարանի եզրահանգումներն այն մասին, որ ամբաստանյալ Սևակ Իսպիրյանը կատարել է հանցավոր արարքներ` նախատեսված ՀՀ քրեական օրենսգրքի 238-րդ հոդվածի 4-րդ մասի 2-րդ կետով և 218-րդ հոդվածի 2-րդ մասի 2-րդ և 3-րդ կետերով, հիմնավոր են, բխում են ինչպես գործող օրենսդրության պահանջներից, այնպես էլ գործի փաստական հանգամանքներից ու տվյալներից:
Վերաքննիչ դատարանը վերլուծության և գնահատության ենթարկելով քրեական գործով ձեռք բերված` գործի դատաքննության ընթացքում հետազոտված և սույն որոշման մեջ շարադրված ապացույցներն իրենց համակցությամբ, հանգել է այն հետևության, որ Դատարանն ամբաստանյալ Սևակ Իսպիրյանին` ՀՀ քրեական օրենսգրքի 238-րդ հոդվածի 4-րդ մասի 2-րդ կետով և 218-րդ հոդվածի 2-րդ մասի 2-րդ և 3-րդ կետերով վերագրվող հանցավոր արարքների որակման առումով հիմնավոր հետևության հանգելու համար, անհրաժեշտ և բավարար վերլուծության և գնահատման է ենթարկել գործի լուծման համար անհրաժեշտ բացահայտման ենթակա հանգամանքները, որի արդյունքում ամբաստանյալ Սևակ Իսպիրյանի հանցավոր արարքներին տրվել է ճիշտ քրեաիրավական գնահատական և կիրառվել է քրեական այն օրենքի այն նորմը, որը ենթակա է եղել կիրառման, ուստի սույն քրեական գործի շրջանակներում ամբաստանյալ Սևակ Իսպիրյանին վերագրվող հանցավոր արարքները վերաորակելու կամ նրա նկատմամբ արդարացման դատական ակտ կայացնելու հիմքեր չկան, հետևաբար պաշտպանի վերաքննիչ բողոքն այդ մասով պետք է մերժել:
Միաժամանակ, Վերաքննիչ դատարանն արձանագրել է, որ վերաքննիչ բողոքում բերված պատճառաբանությունները բավարար չափով փաստարկված չեն, դրանք պաշտպանության կողմի` գործով ձեռք բերված ապացույցների յուրովի մեկնաբանման արդյունք են և ինքնին չեն կարող բավար հիմք հանդիսանալ վիճարկվող դատական ակտը բեկանելու կամ փոփոխելու համար:
Վերաքննիչ դատարանը ՀՀ քրեական օրենսգրքի 70-րդ հոդվածի պահանջների համատեքստում անդրադառնալով ամբաստանյալ Սևակ Իսպիրյանի նկատմամբ ազատազրկման ձևով նշանակված պատիժը պայմանականորեն չկիրառելու հարցին, հանգել է այն հետևության, որ սույն քրեական գործի շրջանակներում վերջինիս նկատմամբ ՀՀ քրեական օրենսգրքի 70-րդ հոդվածը կիրառելի չէ, քանի որ Վերաքննիչ դատարանի մոտ չկա համոզվածություն առ այն, որ ամբաստանյալի ուղղվելը հնարավոր է առանց նշանակված պատիժը ռեալ կրելու, ուստի պաշտպանի վերաքննիչ բողոքն այդ առումով նույնպես պետք է մերժել:
Միևնույն ժամանակ, Վերաքննիչ դատարանն արձանագրել է, որ գործը քննելիս և լուծելիս Դատարանի կողմից քրեադատավարական իրավունքի այնպիսի էական խախտումներ, որոնք ազդել կամ կարող էին ազդել սույն գործով ճիշտ որոշում կայացնելու վրա` թույլ չեն տրվել:
Այսպիսով, Վերաքննիչ դատարանը գտել է, որ սույն գործի շրջանակներում Դատարանի կողմից կայացվել է գործն ըստ էության ճիշտ լուծող դատական ակտ, այն օրինական է, հիմնավորված և պատճառաբանված, ուստի պետք է թողնել օրինական ուժի մեջ:
ՀՀ վճռաբեկ դատարանը մերժել է վարույթ ընդունել պաշտպանական կողմի բողոքը:
Ի դեպ եղբոր գործը, ում կալանքից ազատելու համար արդեն դատապարտյալ Սևակ Իսպիրյանը դիմել էր այդպիսի հանդուգն քայլի, ճիշտ հակառակ հանգուցալուծում է ստացել՝ դատարանի որոշմամբ Սամվել Իսպիրյանի նկատմամբ` ՀՀ քրեական օրենսգրքի 117-րդ հոդվածով (դիտավորությամբ առողջությանը թեթև վնաս պատճառելը) քրեական գործի վարույթը կարճվել է և նրա նկատմամբ քրեական հետապնդումը դադարեցվել` տուժողի հետ հաշտվելու հիմքով: Սամվել Իսպիրյանի նկատմամբ ընտրված խափանման միջոցը` կալանավորումը, վերացվել է և նա անհապաղ (ութ ամիս կալանքի տակ մնալուց հետո) ազատ է արձակվել կալանքից դատական նիստի դահլիճում:
Նշենք, որ սկզբնապես Սամվել Իսպիրյանին մեղադրանք էր առաջադրվել ՀՀ քրեական օրենսգրքի 112-րդ հոդվածի 1-ին մասով, սակայն դատական քննության ընթացքում մեղադրողը Սամվել Իսպիրյանին առաջադրված մեղադրանքը մեղմացման առումով փոփոխել և մեղադրանք է առաջադրել ՀՀ քրեական օրենսգրքի 117-րդ հոդվածով:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է
- 04/27/2024 19:11 3 զոհ, 6 վիրավոր․ Սյունիքում իրանական ավտոբուս է շրջվել
- 04/27/2024 12:45 Ողբերգական դեպք՝ Երևանում. շենքի բակում հայտնաբերվել է 66-ամյա տղամարդու մարմին
- 04/27/2024 12:03 ՌԴ քաղաքացին փորձել է նետվել Կիևյան կամրջից, ինքնասպանության փորձը կանխվել է
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել