Փաստ ինֆո

Հայաստանի ազգային հավաքականի գլխավոր մարզիչ Արթուր Պետրոսյանը Սենթ Քիթս և Նևիսի հետ ընկերական հանդիպումից առաջ հանդիպել է լրագրողներին.

Խաղի նախօրեին «Հանրապետական» ստադիոնի մամուլի ասուլիսների սրահում Պետրոսյանը պատասխանել է լրագրողների հարցերին:

 - Պարոն Պետրոսյան, ի՞նչ կասեք մրցակցի մասին և ի՞նչ կարող է հանդիպումը տալ խաղից առաջ:

 - Ուժեղ հավաքականների հետ նախնական պայմանավորվածություն ունեինք, բայց չստացվեց: Մենք համաձայնեցինք այս խաղին, քանի որ կարճ ժամանակ էր մնացել, օդի ու ջրի պես պետք է այս խաղը: Մի շարք տղաներ մոտ մեկ շաբաթ խաղային պրակտիկա չէին ունենա: Հուսով եմ՝ տղաները մեծ տրամադրությամբ կմտնեն խաղադաշտ: Կարևոր չէ, թե որ հավաքականի հետ ենք խաղում:

 - Վաղը հավաքականը կխաղա մարտունակ կազմո՞վ, թե՞ փորձարկումներ կլինեն:

 - Փորձարկումներ կլինեն: Վաղը չի լինի այն կազմը, որով կխաղանք Մոնտենեգրոյի դեմ: Տակտիկական և խաղային մի քանի փորձարկումներ կանենք, որը կցանկանանք տեսնել հաջորդ խաղում:

 - Հենրիխ Մխիթարյանին կտեսնե՞նք դաշում՝ հաշվի առնելով Չեխիայի հետ հանդիպման դառը փորձը:

 - Եթե դառը փորձը հաշվի առնենք, ոչ ոք չպետք է խաղա: Դեռ չեմ որոշել, թե ինչքան, բայց Հենրիխ Մխիթարյանը կլինի դաշտում:

 - Արմեն Համբարձումյանի մասին ի՞նչ կասեք:

 - Սկզբում «քաշված» էր, բայց հետո փոխվեց: Ես տեսանյութերով ինչ տեսել եմ, այժմ չի հիասթափեցրել:

 - Մտավախություն չկա՞, որ մրցակիցը կոպիտ կգործի:

 - Ես նայել եմ, մրցակիցը ագրեսիվ է, բայց ոչ կոպիտ: Մենք պետք է արագ խաղանք, որպեսի խուսափենք բախումներից:

 - Այժմ առկա 3 հարցերը կմանրամասնե՞ք:

 «Մեր խաղային որակների բարձրացում: Եթե մենք դաշտ ենք դուրս գալիս, ապա ձգտելու ենք հաղթանակի: Երրորդն էլ` տակտիկական խնդիրներ լուծենք: 

 - Նշվել էր, որ Արթուր Պետրոսյանը ֆուտբոլիստ չի հրավիրել «Շիրակից»...:

 - Այո, կարդացել եմ: Վահան Բիչախչյանը 22 հանդիպման է մասնակցել, 4-ը՝ մեկնարկայինում. մարզիչները լավ ծրագիր են ընտրել: Անատոլի Այվազովը քիչ է խաղում: Ռոբերտ Դարբինյանը Գավաթի խաղարկության եզրափակչում շատ լավ հանդիպում անցկացրեց, բայց ինչու ոչ ամբողջ առաջնությունում: Ես իմ էությամբ գյումրեցի եմ, բայց հավաքականի գլխավոր մարզիչ եմ: Ինձ համար էական չէ, միայն թե ուժեղ ֆուտբոլիստ լինի: Չի կարելի. բոլորս հայ ենք, խոսքը Հայաստանի հավաքականի մասին է: 

 - Գոռ Մալաքյանի բացակայության հետ կապված տակտիկական փոփոխություն կլինի՞:

 - Գոռ Մալաքյանն իր ակումբում չէր խաղում: Ես չէի մտածում, որ նա կլինի Մոնտենեգրոյի հետ խաղի մեկնարկային կազմում: 

 - Հարձակման գծի մասին ի՞նչ կասեք:

 - Պետք է ակումբներում լավ հարձակվողներ աճեցվեն: Այս պահին ունենք Ռուսլան Կորյանին, Արթուր Սարկիսովին և Տիգրան Բարսեղյանին, ովքեր իրենց ակումբում լավ են խաղում: 

 - Գրիգոր Մելիքսեթյանի և Արամ Հայրապետյանի մասին ի՞նչ կասեք: Ինչպիսի՞ վիճակում են: Հնարավո՞ր է դարպասպահի փոփոխություն:

 - Նրանք շատ լավ դարպասապահներ են, հիասթափեցնելու առիթ չեն տվել: Խաղը սկսելու է Արսեն Բեգլարյանը, ընթացքում կհասկանանք, փոխարինում կանենք, թե ոչ:

Յուրչենկոյի մասին Պետրոսյանն ասաց. «Բոլորի առջև դռները բաց են: Չեմ ցանկանում այլևս խոսել այդ մասին»:

Աղբյուր` Փաստինֆո