ԲՈԼՈՐ ՆՅՈՒԹԵՐԸ
Ոստիկանության գործելաոճը պետք է փոխվի. Արամազդ Կիվիրյան 06/03/2017 14:07 | ԼՐԱՀՈՍ
Վերլուծաբան, հասարակական գործիչ Արգիշտի Կիվիրյանի հանդեպ ոստիկանության անօրինական գործողությունները անհետևանք չեն մնալու: Այս մասին նշեց Արգիշտի Կիվիրյանի ներկայացուցիչ, փաստաբան Արամազդ Կիվիրյանը՝ «Փաստինֆո»-ի խնդրանքով մեկնաբանելով իր վստահորդին Հյուսիսային պողոտայից ոստիկանություն բերման ենթարկելու վերջին դեպքը, ինչպես նաև հայտնելով իրենց կողմից ձեռնարկվելիք հետագա քայլերի մասին:
«Մենք պատրաստվում ենք այդ առումով քայլեր ձեռնարկել և իրավունքի խախտման փաստով մեր պահանջները ներկայացնել համապատասխան ատյան՝ բողոքարկելով ոստիկանության այդ ոչ իրավաչափ գործողությունները: Հակառակ դեպքում ոստիկանությունը միշտ էլ կունենա մի զենք, որով կասի՝ գիտեք, ես անձին բերման եմ ենթարկել, որովհետև ես կասկած եմ ունեցել և վերջ, և կասկածը չպետք է հիմնավորեմ որևիցե ձևով: Ստացվում է, որ ցանկացած անձի, ցանկացած քաղաքացու ոստիկանությունը կարող է վերցնել, ազատությունից զրկել, տանել ոստիկանության բաժին»,- ասաց Արամազդ Կիվիրյանը՝ հավելելով, որ ոստիկանության այդ ոչ իրավաչափ գործողությունների վերաբերյալ պետք է քայլեր ձեռնարկվեն նաև, որպեսզի ոստիկանությունը հասկանա, որ ի վերջո այդպես չէ գործելաոճը, և պետք է այդ գործելաոճը փոխվի:
Ըստ փաստաբանի, «չնայած ոստիկանության այն բազմաթիվ խոսքերին, որ մենք՝ ոստիկանությունս, փոխվել ենք, մենք առաջվանը չենք, «մենք տեսնում ենք, որ իրականում ոչ միայն առաջվանն են, այլ ավելի յուրահատուկ ձևով են սկսել գործել»:
Արամազդ Կիվիրյանն ընդգծեց, որ այդ գործելաոճով ոստիկանությունն ավելի շատ նպաստում է նրան, որպեսզի հասարակությունն էլ ավելի չվստահի իրեն: «Ես՝ լինելով նաև հասարակության ներկայացուցիչ, ունենալով բազմաթիվ վստահորդներ, ովքեր այս պահին բողոքարկում են ոստիկանության տարբեր ոչ իրավաչափ գործողությունները, կարող եմ նշել, որ հավատ չկա այսօրվա դրությամբ, որ ոստիկանությունը իրապես գործում է իրավաչափ և այդ գործողությունները, որոնք որ իրականացվում են, համահունչ են օրենքի տառին, և այս վերջին դեպքը դրան վառ ապացույց»,- ասաց փաստաբանը:
Թյուրիմացություն, շփոթմունք, բարեխիղճ սխալմունք՝ ոստիկանության նմանատիպ պատճառաբանությունները իրականում որևիցե հիմնավորում չունեն, դրանք ուղղակի ինչ-որ պատճառաբանություններ են ինչ-որ ձևով իրենց անօրինական գործողությունները արդարացնելու համար:
Նախ՝ այսպիսի շփոթմունք չկա և չի էլ եղել, և, երկրորդ, որևիցե պայմաններում շփոթմունքը չի կարող ինքնին անձի իրավունքի խախտման դեպքում արդարացման հիմք հանդիսանալ, ասաց Արամազդ Կիվիրյանը՝ ընդգծելով, որ տվյալ դեպքում ոստիկանության համապատասխան աշխատակիցները միանշանակ պետք է պատասխանատվության ենթարկվեն: Նրանք գործել են անօրինական ձևով՝ Արգիշտի Կիվիրյանին ոստիկանություն տանելու համար չունենալով թեկուզ կասկածելու որևիցե պատճառաբանություն:
Փաստաբանը պարզաբանեց, որ թեև ոստիկանների կողմից կազմված զեկուցագրում նշվում էր, որ Արգիշտի Կիվիրյանի աջ գրպանի հատվածում նշմարվել կամ ուրվագծվել է սառը զենքի տեսք, սակայն այնտեղ գտնվող ընթերակաները հստակ նշել են, որ ոչ մի բան էլ չի նշմարվում:
«Այնտեղ մենք նաև նկարահանում ենք կատարել, որից հստակ երևում է, որ ոչ մի բան էլ չի նշմարվում և չի էլ կարող նշմարվել, ոչ մի այդպիսի տեսք չկա, այսինքն՝ չի երևում գրպանի արտաքին հատվածից, որ այնտեղ կարող է գտնվել ինչ-որ սառը զենք: Ընդ որում, նաև Արգիշտի Կիվիրյանի կողմից տրված պարզաբանումներից հետևում է նաև, որ ոստիկաններն իրեն նպատակաուղղված են մոտեցել, առանց պատճառաբանության, նշելով, որ մենք քեզ պետք է խուզարկենք», - ասաց Արամազդ Կիվիրյանը՝ հավելելով, այսինքն՝ խուզարկելու ինչ-որ ցանկություն է եղել, ապա երբ որ ոստիկանությունը բերման է ենթարկել Արգիշտի Կիվիրյանին ոստիկանության բաժին, սկսել են պատճառաբանել, որ «գիտեք ինչ, մենք կասկածել ենք»:
Կասկածն իրականում չի կարող լինել օդի մեջ, կասկածը պետք է լինի հիմնավորված, պատճառաբանված և հստակ փաստարկված, ասաց փաստաբանը՝ ընդգծելով՝ այդպես յուրաքանչյուր քաղաքացու էլ կարող են կասկածել:
Արամազդ Կիվիրյանը նշեց նաև, որ ինքն ինչ-որ միտում է տեսնում՝ ոստիկանությունն ունեցել է ինչ-որ անօրինական գործողություններ կատարելու, միգուցե նաև ինչ-որ բան սարքելու ցանկություն:
«Ես, ինչպես հասկացա, ոստիկանության գործելաոճն այնպիսին է, որ ավտոմեքենայի մեջ, թեկուզ Արգիշտի Կիվիրյանի գրպանը կարող են ինչ-որ առարկա գցել»,- ասաց Արամազդ Կիվիրյանը՝ նշելով, որ այդ միտումը տեսել է, քանի որ երբ ինքը, որպես փաստաբան, ցանկություն է հայտնել իր վստահորդի հետ գնալ ոստիկանության բաժին, ոստիկանները զոռով մեքենայի դուռը փակել են և իրեն թույլ չեն տվել մուտք գործել ավտոմեքենա:
«Ինչո՞ւ, հարց է առաջանում, ինչո՞ւ, եթե փաստաբանը ներկա է այնտեղ և ցանկացած պահի իր վստահորդի կողքին լինելու իրավունք ունի, իսկ վստահորդն էլ այդ պահին իրավաբանական օգնության կարիք ունի: Բայց իրենք փորձեցին ամեն ինչ անել, որպեսզի ես ներկա չլինեմ ավտոմեքենայի մեջ: Արգիշտի Կիվիրյանն ասում է, որ ինքը գրպանները պինդ բռնել է, որպեսզի որևէ առարկա իր գրպանը չգցեն»: Նմանատիպ իրավիճակ հնարավոր է պատկերացնել ոստիկանությունից, որը Հյուսիսային պողոտայով հանգիստ քայլող անձին ինչ-որ կասկածանքների հիման վրա, որևիցե ձևով չհիմնավորված բերման է ենթարկում ոստիկանություն, հետագայում նաև փաստելով որ որևիցե առարկա չկա:
Արամազդ Կիվիրյանը նշեց, որ ոստիկանության հերթական անօրինական գործողություններն ինքը, բնականաբար, բացառապես կապում է Արգիշտի Կիվիրյանի գործունեության, նաև նրա կողմից արտահայտված քաղաքական դիրքորոշման հետ, որովհետև ոստիկանության նմանատիպ ձևով գործելու այլ հիմք, այլ հանգամանք, այլ պատճառաբանություն չի տեսնում:
«Եթե ոստիկանությունը իրապես գործի իրավական դաշտում, պետք է հետապնդի իրավաչափ նպատակ, այդ իրավաչափ նպատակն այստեղ որևէ ձևով չնշմարվեց»,- ասաց Արամազդ Կիվիրյանը:
Հիշեցնենք, որ ըստ ոստիկանության տարածած հաղորդագրության, անձնական խուզարկության արդյունքում կրումն արգելված առարկա չի հայտնաբերվել /սառը զենքի բարեխիղճ սխալմունք է առաջացրել բանալիների խուրձը/:
Նշենք, որ անցյալ տարվա հուլիսի 26-ին հայտնի սփյուռքահայ դերասանուհի Արսինե Խանջյանը Խորենացու փողոցից բերման էր ենթարկվել ոստիկանություն և մոտ երեք ժամ գտնվել ոստիկանության բաժանմունքում, ապա դերասանուհուց ներողություն էին խնդրել՝ ասելով՝ թյուրիմացություն է:
Հարակից հրապարակումներ`
Տեսանյութեր
10/07/2024 12:08 Աբովյանը 61 տարեկան է. Ծառուկյանն ասում է՝ այն իր ամենասիրելի քաղաքն էՏեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 10/26/2024 08:36 Իշխանությունը կրկին փնտրտուքի մեջ է. այս անգամ ԲԴԽ գիտական անդամ գտնել չի ստացվում. «Ժողովուրդ»
- 10/26/2024 08:33 «Չիստկան» մոտենում է ավարտին․ «Հրապարակ»
- 10/26/2024 08:30 ԵՄ-ին անդամակցելու համար անհրաժեշտ ստորագրությունները կան. ո՞րն է հաջորդ քայլը. «Ժողովուրդ»
- 10/26/2024 08:28 Արփինեն էլ կապ ունի նախկինների հետ․ «Հրապարակ»
- 10/26/2024 08:25 «Պոզով պոչով» կոռուպցիան Արմավիրի համայնքապետարանում. փոխմարզպետ Խաչատուր Մկրտչյանի հայտարարագրի հետքերով. «Ժողովուրդ»
- 10/26/2024 08:21 Իրականում նպատակը, կարծես, մեկը պիտի լիներ. «Փաստ»
- 10/26/2024 08:17 «Ծովինարին չփրկեցին անգամ այս իշխանություններին մատուցած ծառայությունները»․«Հրապարակ»
ՓԱՍՏԱԹՂԹԵՐ
- 09/27/2024 20:29 Միջպետական սահմանների՝ աշխարհագրական առումով ճշգրտման հարցերը գործադիր իշխանության իրավասության տիրույթում են. հրապարակվել է ՍԴ որոշումը
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
Հարցազրույց
- 10/22/2024 20:14 Միշտ ամեն բան ուշացած ենք անում, փոխանակ՝ նույն պահին հակադարձենք․․․
- 10/13/2024 20:44 Որևէ մեկը Անկախության մասին հռչակագիրը այլաբանորեն չէր դիտարկի իբրև իր զավակին խժռող ծնողի, եթե չլիներ Երկիրը խժռելու պատրաստ թշնամու սպառնալիքը
- 10/11/2024 18:53 Ոչ թե ազարբայջանցիները, այլ մենք՝ հայերս ունենք վերադարձի խնդիր ՝ Շահումյանից ու Գետաշենից մինչև Արցախ․․․
- 10/03/2024 12:57 Տարածաշրջանի վրա ազդեցություն ունեցող երկրները պետք է ավելացնեն ճնշումն Ադրբեջանի վրա. Դավիթ Վարդանյան
Մեկնաբանություն
- 10/25/2024 18:47 ՔԿ-ն ի սկզբանե գիտեր, որ երբևէ չի կարող հիմնավորել Մարտակերտի քաղաքապետի՝ աբսուրդի հասնող այդ մեղադրանքը․ փաստաբան
- 10/25/2024 11:14 Մարտակերտի քաղաքապետն արդարացվեց
- 10/24/2024 11:12 Սպասելի էր, որ Գարեգին Բ-ն Բաքվում կայանալիք կրոնական առաջնորդների գագաթաժողովին մասնակցելու հրավեր չի ստանա. Դանիելյան
- 10/23/2024 18:11 Նամակներ են ուղարկում պահանջում են իրանց ուղարկել ստացված կոդը, որը տալու դեպքում ձեր տելեգրամից զրկվելու եք. Գաբոյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 10/26/2024 15:33 Արեգակի վրա հզոր բռնկում է տեղի ունեցել. արդյո՞ք դա կազդի Երկրի վրա
- 10/25/2024 18:11 Պտուղը ողջ է մնացել մոր արգանդում այն բանից հետո, երբ վերջինս ցած է ընկել 14-րդ հարկից
- 10/17/2024 17:02 Չինաստանում հայտնաբերվել է դինոզավրի ամենափոքր ձուն
- 10/16/2024 17:43 Պիցերիան փրկել է իր հաճախորդի կյանքը՝ նրա համար դոնորական երիկամ գտնելով