«ԱրմենՏել» ՓԲ ընկերության անվտանգության տնօրինության նախկին ղեկավարը դատապարտվեց 4 տարվա ազատազրկման - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/28/2024 21:58 Ավտովթար Երևան-Սևան ավտոճանապարհին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին

«ԱրմենՏել» ՓԲ ընկերության անվտանգության տնօրինության նախկին ղեկավարը դատապարտվեց 4 տարվա ազատազրկման 02/23/2017 15:23 | Դատական ռեպորտաժներ

«ԱրմենՏել» ՓԲ ընկերության հաշվարկային համակարգը շրջանցելով՝ այլընտրանքային կապուղի ստեղծելու վերաբերյալ գործով ընկերության անվտանգության տնօրինության արդեն նախկին ղեկավար Աշոտ Պողոսյանը դատապարտվել է 4 տարվա ազատազրկման:

Դատարանի կայացրած դատավճռով նա միաժամանակ երկու տարի ժամկետով զրկվել է հանրային ծառայության ոլորտում և կազմակերպություններում կարգադրիչ լիազորություններ իրականացնելու իրավունքից:

Դատարանն Աշոտ Պողոսյանին մեղավոր է ճանաչել ՀՀ քրեական օրենսգրքի 188-րդ հոդվածի 3-րդ մասի 1-ին և 2-րդ կետերով՝ ապօրինի ձեռնարկատիրություն, որը կատարվել է կազմակերպված խմբի կողմից և զուգորդվել է անձանց կամ կազմակերպություններին կամ պետությանն առանձնապես խոշոր չափի վնաս պատճառելով, ու 214-րդ հոդվածի 2-րդ մասով՝ առևտրային կազմակերպության ծառայողի կողմից լիազորությունները չարաշահելը, որն առաջացրել է ծանր հետևանքներ: Պատժի կրման սկիզբը հաշվվում է 2014թ. հունվարի 23-ից։
Իսկ ՀՀ քրեական օրենսգրքի 252-րդ հոդվածի 2-րդ մասի 3-րդ կետով՝ մի խումբ անձանց կողմից նախնական համաձայնությամբ համակարգչային տեղեկատվությունը փոփոխելը, և 253-րդ հոդվածի 1-ին մասով՝ համակարգչային սաբոտաժ, Աշոտ Պողոսյանի նկատմամբ դադարեցվել է քրեական հետապնդումը՝ քրեական պատասխանատվության ենթարկելու վաղեմության ժամկետն անցած լինելու հիմքով։

Դատավճռով Ա.Պողոսյանից հօգուտ «ԱրմենՏել» ՓԲ ընկերության պետք է բռնագանձվի 1.782.967.651 ՀՀ դրամ, իսկ հօգուտ ՀՀ պետական բյուջեի՝ 874.441.030 ՀՀ դրամ ՝ որպես հանցագործությամբ պատճառված վնասի հատուցում։

Դատարանի իրավական վերլուծության համաձայն, հետազոտված ապացույցներից երևում է, որ կազմակերպված խմբի մասնակիցների միջև առկա է եղել ամուր սուբյեկտիվ կապ, նրանց հայտնի հանցանքը համատեղ, միասնական ջանքերով կատարելու վերաբերյալ նախապես ձեռք բերված համաձայնություն, և ամբաստանյալին՝ որպես նշված խմբի անդամի, վերապահված է եղել կոնկրետ դերակատարում։

Մասնավորապես, խմբի կազմակերպիչի կողմից ամբաստանյալի վրա է դրվել հեռախոսազանգերի ապօրինի ուղղորդումների նպատակով կապուղիների ստեղծման, անհրաժեշտ սարքավորումների համար տարածք տրամադրելու և այն հսկողության տակ պահելու, այնտեղ կողմնակի անձանց մուտքն արգելելու և անհրաժեշտ անձանց մուտքն ապահովելու, իր ազդեցությամբ այդ կապուղիների աշխատանքով հետաքրքրվող «ԱրմենՏել» ՓԲ ընկերության աշխատակիցներին՝ հանցավոր գործունեությանը դադարեցման ու դրա մասին իրավասու մարմիններին հայտնելուն ուղղված հնարավոր միջոցներ ձեռնարկելուց զերծ պահելու պարտականությունը, որը նրա կողմից կատարվել է։

Քրեական գործի փաստական տվյաներից և ապացույցներից հետևում է, որ ամբաստանյալը, հանդիսանալով տուժող առևտրային կազմակերպության պատասխանատու ծառայող, իր կարգադրիչ լիազորությունները կազմակերպության շահերին հակառակ, իր և ուրիշ անձանց օգտին օգտագործելով, կազմակերպված խմբի կազմում առանց պետական գրանցման իրականացրել է լիցենզավորման ենթակա ձեռնարկատիրական գործունեություն, որպիսի գործունեությամբ կազմակերպության և պետության իրավունքներին ու օրինական շահերին ծանր հետևանքներ առաջացրած վնաս է պատճառվել, և այն զուգորդվել է կազմակերպությանն ու պետությանն առանձնապես խոշոր չափերով վնասներ պատճառելով։

Դատարանը, նկատի ունենալով, որ պաշտպանության կողմը չի առարկել ՀՀ քրեական օրենսգրքի 252-րդ հոդվածի 2-րդ մասի 3-րդ կետով և 253-րդ հոդվածի 1-ին մասով ամբաստանյալին առաջադրված մեղադրանքին ու խնդրել այդ մասով՝ վաղեմության ժամկետներն անցնելու հիմքով, կարճել նրա նկատմամբ քրեական գործի վարույթը, չի անդրադարձել նշված հանցակազմերի վերլուծությանն ու այդ հանցանքները նրա կողմից կատարված լինելու ապացուցվածության և հիմնավորվածության հարցերին։

Դատարանը հանգել է հետևության, որ ամբաստանյալի կատարած արարքներին տրվել են ճիշտ քրեաիրավական գնահատականներ:

Իսկ անդրադառնալով հանցակազմ չլինելու հիմքով ամբաստանյալին ՀՀ քրեական օրենսգրքի 188-րդ հոդվածի 3-րդ մասի 1-ին ու 2-րդ կետերով առաջադրված մեղադրանքում անմեղ ճանաչելու և արդարացնելու, իսկ ՀՀ քրեական օրենսգրքի 214-րդ հոդվածի 2-րդ մասով առաջադրված մեղադրանքը նույն հոդվածի 1-ին մասով վերաորակելու մասին պաշտպանի միջնորդությանն ու դրա հիմնավորումներին և պատճառաբանություններին, դատարանը գտել է, որ այն անհիմն է և չի կարող բավարարվել։

Որպես ամբաստանյալի պատասխանատվությունն ու պատիժը մեղմացնող հանգամանքներ՝ դատարանը հաշվի է առել, որ նա հանցանքները կատարել է նյութական և ծառայողական կախվածության ազդեցության տակ՝ բավականին բարձր վարձատրվող աշխատանքից ազատվելու իրական մտավախությունից դրդված, խոստովանել է կատարած հանցանքներն ու աջակցել է հանցագործությունները բացահայտելուն և հանցագործության մյուս մասնակիցներին մերկացնելուն, դատաքննությամբ, ըստ էության, նույնպես ընդունել է կատարած հանցանքները, ամուսնացած է և նրա խնամքի տակ են գտնվում 4 անձ, որոնցից մեկը մինչև 14 տարեկան երեխան է։

«Արմենտել»-ի գործով մեղադրողը միջնորդեց նախկին ղեկավար ծառայողին դատապարտել հինգ տարվա ազատազրկման

Նշենք, որ մեղադրական ճառում մեղադրողը միջնորդել էր Աշոտ Պողոսյանին մեղավոր ճանաչել 188-րդ հոդվածի 3-րդ մասի 1, 2 կետերով և 214-րդ հոդվածի 2-րդ մասով և դատապարտել հինգ տարվա ազատազրկման՝ երկու տարի ժամկետով զրկելով որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից:

Մեղադրողը միաժամանակ նշել էր, որ մեղադրանքի մյուս երկու հոդվածներով՝ 252-րդ հոդվածի 2-րդ մասի 3-րդ կետով և 253-րդ հոդվածի 1-ին մասով՝ մի խումբ անձանց կողմից նախնական համաձայնությամբ համակարգչային տեղեկատվությունը փոփոխելը և համակարգչային սաբոտաժը, խոչընդոտ չկա վաղեմության ժամկետն անցնելու հիմքով քրեական հետապնդումը դադարեցնելու համար՝ հաշվի առնելով, որ ամբաստանյալը չի առարկել դրա դեմ:

Տուժող «ԱրմենՏել»-ի ներկայացուցիչն իր հերթին պնդել էր իր կողմից ներկայացված քաղհայցը՝ ընկերությանը պատճառված 1 782 967 651 ՀՀ դրամի վնասը հատուցելու պահանջի մասին:

Աղբյուր` Փաստինֆո