Ինչ կարգախոսներով են քաղաքական ուժերը գնում ընտրությունների

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Ինչ կարգախոսներով են քաղաքական ուժերը գնում ընտրությունների 02/22/2017 10:15 | Ընտրական իրավունք

Հայաստանում Ազգային ժողովի առաջիկա ընտրություններին մասնակցելու հայտ է ներկայացրել 9 քաղաքական ուժ, որոնցից 5-ը կուսակցություններ են, 4-ը՝ կուսակցությունների դաշինքներ:

Փետրվարի 16-ին ԱԺ առաջիկա ընտրություններին մասնակցելու համար Կենտրոնական ընտրական հանձնաժողով փաստաթղթեր են ներկայացրել «Հայաստանի Հանրապետական» կուսակցությունը, «Հայ Հեղափոխական Դաշնակցություն» կուսակցությունը, «Հայկական վերածնունդ» կուսակցությունը, «Ազատ դեմոկրատներ» կուսակցությունը և Հայաստանի կոմունիստական կուսակցությունը, ինչպես նաև «Ելք», «Օհանյան-Րաֆֆի-Օսկանյան», «Ծառուկյան» ՀԱԿ-ՀԺԿ դաշինքները:

«Արմենպրես»-ը ներկայացնում է առաջադրված կուսակցությունների և կուսակցությունների դաշինքների համամասնական ցուցակներում ընդգրկված անձանց թիվը և կարգախոսները, որոնցով մասնակցելու են ընտրություններին:

Իշխող «Հանրապետական» կուսակցության համամասնական ցուցակում ընդգրկված է 197 անձ: Ցուցակը գլխավորում է ՀՀ պաշտպանության նախարար Վիգեն Սարգսյանը, այնուհետև հաջորդաբար Տարոն Մարգարյանը, Արփինե Հովհաննիսյանը, Արա Բաբլոյանը, Արմեն Ամիրյանը, Արմեն Աշոտյանը, Էդուարդ Շարմազանովը, Մարգարիտ Եսայանը, Սամվել Ֆարմանյանը, Կարեն Ավագյանը, Գալուստ Սահակյանը, Հերմինե Նաղդալյանը և այլն: ՀՀԿ նախընտրական շտաբը կհամակարգի կուսակցության գործադիր մարմինը՝ ՀՀ նախագահ Սերժ Սարգսյանի գլխավորությամբ:

ՀՀԿ-ի կարգախոսը դեռևս չի հրապարակվել: ՀՀԿ կազմակերպչական հանձնաժողովի նախագահ Ռուբեն Թադևոսյանը «Արմենպրես»-ի հետ զրույցում հայտնեց, որ կուսակցության կարգախոսն արդեն որոշված է և անհրաժեշտ պահին այն կներկայացվի հանրությանը: Այնուամենայնիվ, կուսակցությունը հայտարարել է, որ նախընտրական ծրագրում առաջնահերթությունը տրվելու է ՀՀ անվտանգության մակարդակից բարձրացմանը, տնտեսության զարգացմանը, մարդու իրավունքների պաշտպանության և ժողովրդավարական ինստիտուտների զարգացմանը:

ՀՅԴ համամասնական ցուցակում ընդգրկված է 170 անձ, որից 45-ն անկուսակցական են: Կուսակցության ցուցակը գլխավորում է ԱԺ ՀՅԴ խմբակցության ղեկավար Արմեն Ռուստամյանը, նախընտրական շտաբը կղեկավարի խմբակցության քարտուղար Աղվան Վարդանյանը: ՀՅԴ համամասնական ցուցակի տասնյակում են հաջորդաբար Աղվան Վարդանյանը, Դավիթ Լոքյանը, Արﬔնուհի Կյուրեղյանը, Լևոն Մկրտչյանը, Արծվիկ Մինասյանը, Արմեն Բաբայանը, Ռուզաննա Առաքելյանը, Սպարտակ Սեյրանյանը, Միքայել Մանուկյանը: ՀՅԴ-ն ընտրություններին կմասնակցի «Նոր սկիզբ, արդար Հայաստան» կարգախոսով: ՀՅԴ-ում առաջիկա ընտրությունները նոր սկիզբ են համարում արդար Հայաստան կառուցելու համար:

Հայաստանի Կոմունիստական կուսակցությունը առայժմ հրապարակել է միայն համամասնական ցուցակի առաջին 5 թեկնածուների անունները: Ցուցակը գլխավորում է Տաճատ Սարգսյանը, այնուհետև հաջորդաբար՝ Վազգեն Սաֆարյանը, Գագիկ Մանուկյանը, Մառա Շահինյանը, Համլետ Դանիելյանը: Կուսակցության համամասնական ցուցակում ընդգրկված է 170 անձ: Կուսակցությունն առաջիկա ընտրություններում հանդես կգա «Եթե հաղթի կուսակցությունը, կհաղթի ժողովուրդը. հայրենիք, աշխատանք, սոցիալիզմ» կարգախոսով:

«Հայկական վերածնունդ» կուսակցության համամասնական ցուցակում ընդգրկված է 300 անձ, որոնցից 164-ն ընդգրկված են նաև կուսակցության ռեյտինգային ցուցակներում: «Հայկական վերածնունդ» կուսակցությունը հրապարակել է կուսակցության առաջին 7 թեկնածուների անունները: Ցուցակը գլխավորում է կուսակցության առաջնորդ Արթուր Բաղդասարյանը, այնուհետև հաջորդաբար՝ Մհեր Շահգելդյանը, Հեղինե Բիշարյանը, Հովհաննես Մարգարյանը, Էդգար Առաքելյանը, Մարինե Քոչարյանը, Արթուր Միսակյանը: «Հայկական վերածնունդ»-ն առաջիկա ընտրություններին կմասնակցի «Քվեարկիր հանուն վերածննդի» կարգախոսով:

«Ազատ դեմոկրատներ» կուսակցության համամասնական ցուցակում ընդգրկված է 101 անձ: Համամասնական ցուցակը գլխավորում է կուսակցության նախագահ Խաչատուր Քոքոբելյանը, այնուհետև հաջորդաբար Հրանտ Բագրատյանը, ով նաև կուսակցության վարչապետի թեկնածուն է, Ստյոպա Սաֆարյանը, Անահիտ Բախշյանը, Մասիս Այվազյանը, Անժելա Խաչատրյանը, Արմեն Առաքելյանը, Սոնա Մինասյանը, Նարեկ Այվազյանը, Գագիկ Բաղդասարյանը: Կուսակցությունն ընտրություններին կմասնակցի «Մենք կարող ենք» կարգախոսով:

«Ելք» դաշինքը, որի կազմում ներառված են «Քաղաքացիական պայմանագիր», «Լուսավոր Հայաստան» և «Հանրապետություն» կուսակցությունները համամասնական ցուցակում ընդգրկել է 120 անձի, որից 112-ը կառաջադրվեն նաև ռեյտինգային ցուցակներով: Դաշինքի համամասնական ցուցակը գլխավորում է «Լուսավոր Հայաստան» կուսակցության նախագահ Էդմոն Մարուքյանը, երկրորդը «Հանրապետություն» կուսակցության նախագահ Արամ Սարգսյանն է, երրորդը՝ «Քաղաքացիական պայմանագիր» կուսակցության վարչության անդամ Նիկոլ Փաշինյանը:

Ցուցակի առաջին տասնյակում են նաև Մանե Թանդիլյանը, Սասուն Միքայելյանը, Արտակ Զեյնալյանը, Լենա Նազարյանը, Հայկ Կոնջոլյանը, Արայիկ Հարությունյանը: Դաշինքն ընտրություններին կմասնակցի «Ընտրություն, փոփոխություն, հաղթանակ» կարգախոսով:

«Ծառուկյան» դաշինքի համամասնական ցուցակը, գլխավորում է «Բարգավաճ Հայաստան» կուսակցության նախագահ Գագիկ Ծառուկյանը, այնուհետև հաջորդաբար Իշխան Զաքարյանը, Նաիրա Զոհրաբյանը, Վարդան Բոստանջյանը, Միքայել Մելքումյանը, Արարատ Զուրաբյանը, Տիգրան Ուրիխանյանը, Իվետա Տոնոյանը, Արգամ Աբրահամյանը, Վարդևան Գևորգյանը: Դաշինքի համամասնական ցուցակում ընդգրկված է 187 անձ, որոնցից շուրջ 140-ը կառաջադրվեն նաև ռեյտինգային ցուցակներով: Դաշինքում ներգրավված են «Բարգավաճ Հայաստան», «Ալյանս» և «Առաքելություն» կուսակցությունները: «Արմենպրես»-ի հետ զրույցում ԲՀԿ մամուլի խոսնակ Իվետա Տոնոյանը հայտնեց, որ դաշինքը հանդես կգա «Փոփոխությունների և կառուցելու ժամանակն է» կարգախոսով:

ՀԱԿ-ՀԺԿ դաշինքի համամասնական ցուցակում ընդգրկված է 141 անձ, որից 131-ը կառաջադրվեն նաև տարածքային ցուցակներով: Դաշինքի համամասնական ցուցակի առաջին համարը ՀՀ առաջին նախագահ Լևոն Տեր-Պետրոսյանն է, այնուհետև հաջորդաբար՝ Ստեփան Դեմիրճյանը, Լևոն Զուրաբյանը, Զոյա Թադևոսյանը, Արամ Մանուկյանը, Գագիկ Ջհանգիրյանը, Վահագն Խաչատրյանը, Լիդա Մելիքյանը, Դավիթ Մաթևոսյանը, Ստեփան Մինասյանը և այլն: Դաշինքն առաջիկա ընտրություններին կմասնակցի «Խաղաղություն, հաշտություն, բարիդրացիություն» կարգախոսով: Դաշինքում ընդգրկված են «Հայ ազգային կոնգրես» և «Հայաստանի ժողովրդական» կուսակցությունները:

«Օհանյան-Րաֆֆի-Օսկանյան» դաշինքում ընդգրկված են «Ժառանգություն» և «Համախմբում» կուսակցությունները, նրանց է միացել նաև ՀՀ պաշտպանության նախկին նախարար Սեյրան Օհանյանը, ով նաև դաշինքի համամասնական ցուցակի առաջին համարն է: Ցուցակում Սեյրան Օհանյանի հաջորդում են Արմեն Մարտիրոսյանը, Վարդան Օսկանյանը, Էլինար Վարդանյանը, Վահագն Հովհաննիսյանը, Անդրանիկ Թևանյանը, Ստեփան Մարգարյանը, Սուսաննա Մուրադյանը, Գեղամ Նազարյանը, Գառնիկ Սահակյանը, Րաֆֆի Հովհաննիսյանը և այլն: Դաշինքի նախընտրական ցուցակում ներառված է 148 անձ: «Համախմբում» կուսակցության մամուլի խոսնակ Արեգնազ Մանուկյանն «Արմենպրես»-ին հայտնեց, որ դաշինքն առաջիկա ընտրություններին կմասնակցի «Ժառանգություն, համախմբում, հաղթանակ» կարգախոսով:

Աղբյուր` Փաստինֆո