Փաստ ինֆո

CNN հեռուստաալիքը մոդելավորել է հունվարի 20-ի երդմնակալության արարողությանը ԱՄՆ ընտրված նախագահ Դոնալդ Թրամփի սպանության հետևանքների մասին ռեպորտաժը:

Հոլովակը ստեղծողները նկարագրել են մի սցենար, որում կատարվում է հարձակում Թրամփի, փոխնախագահի և Կոնգրեսի ղեկավարության վրա:

Հեռուստաալիքը տեղեկացրել է, որ ԱՄՆ սահմանադրության համաձայն, այն դեպքում, երբ նախագահն ու փոխնախագահն սպանված են կամ որևէ պատճառով չեն կարող կատարել իրենց պարտականությունները, պետությունը պետք է ղեկավարի Ներկայացուցիչների պալատի խոսնակը, իսկ եթե ինչ-որ բան տեղի ունենա նաև նրա հետ՝ Սենատի ժամանակավոր նախագահն ու Պետքարտուղարը:

Նշվում է նաև, որ Թրամփի երդմնակալության ժամանակ Օբամայի վարչակազմն արդեն վայր կդնի իր լիազորությունները: Այդ ժամանակ Թրամփի հետնորդը դեռևս հաստատված չէ, այդ պատճառով նրա փոխարեն պետության ղեկավարի պարտականությունները պետք է կատարի Պետքարտուղարի՝ քաղաքական հարցերով տեղակալ Թոմ Շեննոնը:

Բացի այդ, ԱՄՆ-ում գոյություն ունի «ժամանակավոր ժառանգորդ, որի անունը չի հրապարակվում: Նա չպետք է ներկա գտնվի երդմնակալությանը:

Ավելի վաղ հայտնվում էր, որ Թրամփի երդմնակալությանը անվտանգությունը կապահովեն անվտանգության ուժերի 28 հազար աշխատակիցներ:

Աղբյուր` Փաստինֆո