Փաստ ինֆո

Բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելու հետևանքով բուժվող մանկահասակ երեխաների մահը առաջացնելու մեջ մեղադրվող «Արմավիր» ԲԿ-ի ինֆեկցիոն և հակատուբերկոլոզային ծառայության պետ Անահիտ Պետրոսյանի գործով վերաքննիչ բողոքներ է բերվել:

Անահիտ Պետրոսյանի պաշտպանի կողմից վերաքննիչ բողոք է բերվել, պահանջով բեկանել Անահիտ Պետրոսյանի վերաբերյալ 02.06.2016թ. դատավճիռը և կայացնել արդարացման դատական ակտ` նրան ամբողջությամբ արդարացնել: Կամ կիրառել ՀՀ քրեական օրենսգրքի 70-րդ հոդվածը և սահմանված պատիժը պայմանականորեն չկիրառել և սահմանել փորձաշրջան:

Վերաքննիչ բողոք է բերել նաև տուժողի իրավահաջորդի կողմից պահանջով Անահիտ Պետրոսյանի նկատմամբ նշանակելով 5 տարի ժամկետով ազատազրկում միևնույն ժամանակ բժշկական գործունեությամբ զբաղվելու իրավունքից զրկելով 3 տարի ժամկետով:

Վերաքննիչ բողոքներ է բերվել ինչպես տուժողի իրավահաջորդի այնպես էլ պաշտպանական կողմից:

Մասնավորապես, տուժողի իրավահաջորդը պահանջել է, որ Անահիտ Պետրոսյանի նկատմամբ նշանակվի ավելի խիստ պատիժ՝ 5 տարի ժամկետով ազատազրկում, միևնույն ժամանակ բժշկական գործունեությամբ զբաղվելու իրավունքից զրկելով 3 տարի ժամկետով:

Իսկ պաշտպանական կողմը վերաքննիչ բողոք է բերել, պահանջով բեկանել Անահիտ Պետրոսյանի վերաբերյալ 02.06.2016թ. դատավճիռը և կայացնել արդարացման դատական ակտ` նրան ամբողջությամբ արդարացնել: Կամ կիրառել ՀՀ քրեական օրենսգրքի 70-րդ հոդվածը և սահմանված պատիժը պայմանականորեն չկիրառել և սահմանել փորձաշրջան:

Ջրաշենցի 4-ամյա աղջնակի մահվան գործը դատարանում է

Ավելի վաղ տեղեկացրել էինք, որ առաջին ատյանի դատարանի դատավճռով Անահիտ Պետրոսյանը պատիժների համակցությամբ դատապարտվել է 3 տարի ժամկետով ազատազրկման:

Միևնույն ժամանակ դատարանի դատավճռով Պետրոսյանը զրկվել է բժշկական բնույթի պաշտոններ վարելու և բժշկական գործունեություն իրականացնելու իրավունքից 1 տարի 6 ամիս ժամկետով։

Առաջին ատյանի դատարանի դատավճռով Անահիտ Պետրոսյանից հօգուտ տուժողի իրավահաջորդի կբռնագանձվի 1.500.000 դրամ, որպես հանցագործությամբ պատճառված նյութական վնասի հատուցում, և հօգուտ տուժողի իրավահաջորդի ներկայացուցիչ, փաստաբան Գ. Գալիկյանի բռնագանձել 100.000 դրամ՝ որպես փաստաբանական ծառայության վճար։

Ըստ մեղադրանքի՝ Անահիտ Պետրոսյանին հանդիսանալով «Արմավիր» բժշկական կենտրոն ինֆեկցիոն և հակատուբերկոլոզային ծառայության պետ և իրականացնելով բժշկական օգնություն իրականացնողի մասնագիտական պարտականություններ, 2015թ. հունիսի 16-ին ինֆեկցիոն բաժանմունք ընդունված Արմավիրի մարզի Ջրաշեն գյուղի բնակչուհի` 12-11-2011թ. ծնված Կարինե Հովհաննիսյանին բժշկական օգնություն ցուցաբերելիս իր մասնագիտական պարտականությունների նկատմամբ անփույթ և անբարեխիղճ վերաբերմունքի հետևանքով դրանք պատշաճ չի կատարել, որն անզգուշությամբ առաջացրել է բուժվող հիվանդի մահ:

Բացի այդ Անահիտ Պետրոսյան 2015թ.հունվարի 16-ին ինֆեկցիոն բաժանմունք ընդունված Արմավիրի մարզի Նորապատ գյուղի բնակիչ 30-08-2010թ. ծնված Էրիկ Ամիրխանյանին բժշկական օգնություն ցուցաբերելիս իր մասնագիտական պարտականությունների նկատմամբ անփույթ և անբարեխիղճ վերաբերմունքի հետևանքով դրանք պատշաճ չի կատարել, որն անզգուշությամբ առաջացրել է բուժվող հիվանդի մահ:

Այսպես` 2015թ. հունվարի 16-ին ժամը 14:25-ին «սուր աղիքային ինֆեկցիա» ախտորոշմամբ «Արմավիր» ԲԿ-ի ինֆեկցիոն բաժանմունք է ընդունվել Էրիկ Ամիրխանյանը: Ինֆեկցիոն բաժանմունքում հիվանդին հոսպիտալացնելը եղել է ճիշտ` ըստ ցուցումների, սակայն նույն բաժանմունքում եղած ժամանակ` 16-06-2015թ. ժամը 15:30-ին Էրիկ Ամիրխանյանի մոտ դիտվել են Տոնիկո-կլոնիկ ցնցումներ: Դրանից հետո ցնցումները կրկնվել են 16-06-2015թ. ժամը 17:40-ին, որից հետո միայն Է.Ամիրխանյանը տեղափոխվել է «Արմավիր« ԲԿ-ի վերակենդանացման բաժանմունք` անգիտակից, խիստ ծանր վիճակում:

Այնուհետև Է.Ամիրխանյանի մոտ դիտվել է վիճակի վատացում և ժամը 22:30-ին վերջինս կոմային վիճակում տեղափոխվել է «Սուրբ Աստվածամայր» ԲԿ-ի վերակենդանացման բաժանմունք:

Աղբյուր` Փաստինֆո