Փաստ ինֆո

Երրորդմասցի Լյովիկի ու նրա ընկերների սպանության գործով դատական նիստն այսօր ուղեկցվեց միջադեպով։

Սպանված Լևոն Ղազարյանի հայրը դատարանում անհարգալից վերաբերմունք դրսևորեց կին փաստաբանի նկամամբ. ամբաստանյալների պաշտպան Լուսինե Սահակյանին ասաց, որ հեռու նստի ամբաստանյալներից և «չփաթաթվի հանցագործին»:

Նիստը նախագահող դատավորը նախազգուշացրեց տուժողի իրավահաջորդին, ինչից հետո տուժողի հայրը կրկնեց նույն արտահայտությունը՝ այս անգամ ավելացնելով, որ պաշտպանական կողմը նիստի ժամանակ ծիծաղում է. ի վերջո սպանության գործ է:

Դատարանը տարեց տղամարդուն կրկին նախազգուշացրեց՝ հավելելով, որ կրկնվելու դեպքում սանկցիա կկիրառի:

Պաշտպաններ Լուսինե Սահակյանը և Երվանդ Վարոսյանը դատարանին խնդրեցին սանկցիա կիրառել տվյալ անձի նկատմամբ, ապա լքեցին դատական նիստերի դահլիճը՝ հայտարարելով, որ քանի դեռ տվյալ անձը գտնվում է դատական նիստերի դահլիճում, իրենք լքում են դահլիճը:

Եվ քանի որ ամբաստանյալներն իրենց պաշտպանների բացակայությամբ չցանկացան, որպեսզի դատական նիստը շարունակվի՝ նիստը հետաձգվեց:

Նշենք, որ այսօր հարցաքննվում էր գործով վկա Վահագն Մնացականյանը:

Աղբյուր` Փաստինֆո