Համակարգչային տեխնիկայի օգտագործմամբ հափշտակել են ավելի քան 300 մլն դրամ. նոր բանդայի 6 ամբաստանյալների մասով գործի դատաքննությունը շարունակվում է

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 18:49 Ուժեղ կարկտահարություն՝ Արմավիրում 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/05/2024 16:16 Որևէ երաշխիք չկա.հանձնելուց` պատերազմ, չհանձնելուց` պատերազմ. Սրբազան 05/05/2024 13:08 Օր 2. Սրբազանի առաջնորդությամբ տավուշյան շարժումը գալիս է Երեւան. Ուղիղ միացում 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/05/2024 21:24 Արցախցի երիտասարդները միացել են Սրբազանի քայլերթին. ծածանվում են Հայաստանի ու Արցախի դրոշները, վարորդները ողջունում ազդանշաններով (տեսանյութ) 05/05/2024 12:27 Ատեստավորման քննությունների բացարձակ գերազանցիկը. գնդապետ Տիգրան Հակոբյան (տեսանյութ) 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/05/2024 19:49 Ցանկանում են առանց ընտրությունների իշխանություն վերցնել. Արսեն Թորոսյան 05/05/2024 22:13 Փաշինյանի աշխատակազմի ղեկավարի տեղակալի Facebook-ի էջի ետնանկարում Իլհամ Ալիևին պատկանող հյուրանոցի լուսանկարն է. Ղազարյան 05/05/2024 20:44 Երևանում՝ դաշտամիջյան հատվածում, ծառից կախված հայտնաբերվել է տղամարդու մարմին 05/05/2024 14:48 Եթե ինձ բարձրացնեք կղզի, ես արարողությունը կանեմ, այդ հոգևորականը Բագրատ Սրբազանն էր». Չարխչյան 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/05/2024 10:19 Ու՞ր եք, Համալսարանի, Պոլիտեխնիկի, այլ բուհերի դասախոսներ և ուսանողներ. միթե՞, ի տարբերություն Կոնսերվատորիայի ուսանողության, բոլորդ համաձայն եք հայրենիքի վաճառքին. Իշխանյան

Համակարգչային տեխնիկայի օգտագործմամբ հափշտակել են ավելի քան 300 մլն դրամ. նոր բանդայի 6 ամբաստանյալների մասով գործի դատաքննությունը շարունակվում է 12/26/2015 13:38 | Քրեական խրոնիկոն

Երևանի Կենտրոն ու Նորք-Մարաշ վարչական շրջանի դատարանը՝ դատավոր Արշակ Վարդանյանի նախագահությամբ, վարույթ է ընդունել ու դատական քննություն նշանակել «նոր բանդայի» գործից անջատված մասով: Դրանով քննություն կշարունակվի մայր գործում ներգրավված 9 ամբաստանյալներից 6-ի մասով:

Այսպես, ըստ մեղադրանքի, Տ. Հովհաննիսյանը բանկի հետ երկարաժամկետ ավանդային պայմանագրեր կնքած ավանդատուների հաշվեհամարներից գումարներ հափշտակելու նպատակով նախնական համաձայնության է եկել բանկի գործառնական վարչության հաճախորդների սպասարկման բաժնի մասնագետ, ի պաշտոնե ավանդատուների բանկային տվյալներին հասանելիություն ունեցող իր կնոջ՝ էդիտայի, հետ:

Ըստ մեղադրական եզրակացության, հանցավոր մտադրության համաձայն՝ Տ. Հովհաննիսյանն էդիտայի հետ խմբով, նախնական համաձայնությամբ 2012 թվականի հուլիսի 31-ից մինչև 2013 թվականի մայիսի 3-ն ընկած ժամանակահատվածում, համակարգչային տեխնիկայի օգտագործմամբ հափշտակել է առանձնապես խոշոր չափերի՝ 309.477.642 ՀՀ դրամին համարժեք 723.940 ԱՄՆ դոլար և 83.668.795 ՀՀ դրամ։

Մ. Սարգսյանն, ըստ մեղադրանքի, օժանդակել է 2012 թվականի նոյեմբերի 19-ից 2013 թվականի մարտի 7-ն ընկած ժամանակահատվածում բանկի գործառնական վարչության հաճախորդների սպասարկման բաժնի մասնագետ էդիտայի և վերջինիս ամուսնու՝ Տ. Հովհաննիսյանի կողմից նախնական համաձայնությամբ համակարգչային տեխնիկայի օգտագործմամբ Բանկի հետ երկարաժամկետ ավանդային պայմանագրեր կնքած ավանդատուների հաշվեհամարներից առանձնապես խոշոր չափերի՝ 46.788.000 ՀՀ դրամին համարժեք 100.000 ԱՄՆ դոլարի և 5.970.000 ՀՀ դրամի հափշտակությանր, ինչպես նաև 2012 թվականի դեկտեմբեր ամսին, ապօրինի կերպով ձեռք է բերել, իր մոտ պահել, ապա՝ ապօրինի իրացրել է զենք և ռազմամթերք:

Գ. Գաբրիելյանին առաջադրված մեղադրանքի համաձայն, նա 2012 թվականի սեպտեմբերի 13-ից մինչև 2013 թվականի մայիսի 3-ն ընկած ժամանակահատվածում, բանկի գործառնական վարչության հաճախորդների սպասարկման բաժնի մասնագետ էդիտայի ու նրա ամուսնու՝ Տ. Հովհաննիսյանի հետ նախնական համաձայնությամբ, համակարգչային տեխնիկայի օգտագործմամբ, Բանկի հետ երկարաժամկետ ավանդային պայմանագրեր կնքած ավանդատուների հաշվեհամարներից հափշտակել է առանձնապես խոշոր չափերի՝ 73.169.992 ՀՀ դրամին համարժեք 119.900 ԱՄՆ դոլար և 23.923.795 ՀՀ դրամ։

Ըստ մեղադրական եզրակացության, Վ. Ստեփանյանը օժանդակել է 2013 թվականի մարտի 14-ին բանկի գործառնական վարչության հաճախորդների սպասարկման բաժնի մասնագետ էդիտայի ու նրա ամուսնու՝ Տ. Հովհաննիսյանի կողմից նախնական համաձայնությամբ համակարգչային տեխնիկայի օգտագործմամբ Բանկի հետ երկարաժամկետ ավանդային պայմանագրեր կնքած ավանդատուների հաշվեհամարներից առանձնապես խոշոր չափերի՝ 12.428.400 ՀՀ դրամին համարժեք 30.000 ԱՄՆ դոլարի հափշտակությանր։

Իսկ Մ. Մուրադյանին մեղադրանք է առաջադրվել, ըստ որի նա օժանդակել է 2012 թվականի սեպտեմբերի 13-ից մինչև 2013 թվականի ապրիլի 30-ն ընկած ժամանակահատվածում բանկի գործառնական վարչության հաճախորդների սպասարկման բաժնի մասնագետ էդիտայի ու նրա ամուսնու՝ Տ.Հովհաննիսյանի կողմից նախնական համաձայնությամբ համակարգչային տեխնիկայի օգտագործմամբ Բանկի հետ երկարաժամկետ ավանդային պայմանագրեր կնքած ավանդատուների հաշվեհամարներից առանձնապես խոշոր չափերի՝ 65.858.153 ՀՀ դրամին համարժեք 147.740 ԱՄՆ դոլարի և 5.505.000 ՀՀ դրամի հափշտակությանը:

Տիգրան Հովհաննիսյանը մեղադրվում է ՀՀ քրեական օրենսգրքի 181-րդ հոդվածի 3-րդ մասի 1-ին կետով՝ Համակարգչային տեխնիկայի օգտագործմամբ, առանձնապես խոշոր չափերի հափշտակություն, Էդիտա Ալիխանյանը՝ ՀՀ քրեական օրենսգրքի 181-րդ հոդվածի 3-րդ մասի 1-ին կետով և 214-րդ հոդվածի 2-րդ մասով՝ առևտրային ծառայողի կողմից լիազորությունները չարաշահելը, որն առաջացրել է ծանր հետևանքներ, Մնացական Սարգսյանը՝ 38-181-րդ հոդվածի 3-րդ մասի 1-ին կետով՝ Համակարգչային տեխնիկայի օգտագործմամբ, առանձնապես խոշոր չափերի հափշտակությանն օժանդակելը, և 235-րդ հոդվածի 1-ին մասով՝ ապօրինի կերպով զենք, ռազմամթերք ձեռք բերելը, իրացնելը, պահելը, Գոհար Գաբրիելյանը՝ 181-րդ հոդվածի 3-րդ մասի 1-ին կետով, Վահե Ստեփանյանը և Մառլեն Մուրադյանը՝ 38-181-րդ հոդվածի 3-րդ մասի 1-ին կետով:

Դատարանն ավելի վաղ՝ ըստ էության դատաքննության ավարտական փուլում, որոշում էր կայացրել այս մասը մայր գործից անջատելու մասին՝ նշելով, որ արդարադատության շահերով ղեկավարվելով, գործի դատաքննության տվյալ փուլում և իրավիճակում ծագել է մայր գործից մաս անջատելու անհրաժեշտություն:

Դատարանը նշում է, որ դատաքննությամբ հետազոտված ապացույցների համաձայն, մայր գործն ընդգրկում է մեկ վարույթում միացված թվով երեք քրեական գործեր` 2012թ. մարտի 23-ին ՀՀ քրեական օրենսգրքի 175-րդ հոդվածի 2-րդ մասի 1-ին և 4-րդ կետերով՝ մի խումբ անձանց կողմից նախնական համաձայնությամբ, զենքի կամ որպես զենք օգտագործվող այլ առարկաների գործադրմամբ ավազակություն, հարուցված քրեական գործը, 2013թ. հունվարի 13-ին ՀՀ քրեական օրենսգրքի 104-րդ հոդվածի 2-րդ մասի 8-րդ կետով՝ ավազակությամբ ու բանդիտիզմով զուգորդված սպանություն, 175-րդ հոդվածի 3-րդ մասի 3-րդ կետով՝ առողջությանը ծանր վնաս պատճառելով ավազակություն, և 235-րդ հոդվածով՝ ապօրինի զենք, հարուցված քրեական գործը, ինչպես նաև 2013թ. մայիսի 6-ին ՀՀ քրեական օրենսգրքի 181-րդ հոդվածի 3-րդ մասի 1-ին կետով հարուցված քրեական գործը։

Մայր գործից մաս անջատելու որոշման մեջ Դատարանը հիշատակում է ամբաստանյալներից երկուսի կողմից դատարանում արված հայտարարությունների մասին:

Մասնավորապես, ամբաստանյալ Գոհար Գաբրիելյանը գործով ամբաստանյալներ Ռ.Հարոյանի, Հ.Կոջոյանին, Կ.Վարդանյանին և Տ.Հովհաննիսյանին ՀՀ քրեական օրենսգրքի 222-րդ հոդվածի, 175-րդ հոդվածի և 104-րդ հոդվածի համապատասխան մասերով և կետերով առաջադրված մեղադրանքների առնչությամբ նախաքննական խոստովանական ցուցմունքներ տալու փաստը դատարանում պատճառաբանել է հետաքննության և նախաքննության մարմինների աշխատակիցների կողմից նրա և ներկայումս նրա հանգուցյալ մոր նկատմամբ հոգեբանական բռնություններ գործադրելու և շուրջ 10 օր շարունակ նրանց ազատությունն անօրինական սահմանափակելու հանգամանքով։

Նշված ցուցմունքները հաշվի առնելով, գտնելով, որ դրանցում առկա են հանցագործության ակնհայտ հատկանիշներ՝ գործով մեկ այլ ամբաստանյալ Ռաֆայել Հարոյանի պաշտպան Լ.Սիմոնյանը, հղում կատարելով «Խոշտանգումների և այլ դաժան, անմարդկային կամ նվաստացնող վերաբերմունքի և պատժի մասին կոնվենցիայի», ՄԻ եվրոպական դատարանի մի շարք նախադեպային վճիռներով և ՀՀ վճռաբեկ դատարանի արտահայտած իրավական դիրքորոշումների վրա, միջնորդել է քրեական գործ հարուցելու միջնորդությամբ դիմել ՀՀ գլխավոր դատախազին։ Տվյալ միջնորդությունը բավարարվել է մասնակիորեն, ամբաստանյալ Գ.Գաբրիելյանի հայտարարությունը ստուգելու նպատակով համապատասխան նամակ է ուղարկվել ՀՀ գլխավոր դատախազին, որի կապակցությամբ որևէ վերջնական որոշում դեռևս չի կայացվել և Դատարան չի ուղարկվել։

Մեկ այլ՝ ՀՀ գլխավոր դատախազին և ՀՀ քննչական կոմիտեի նախագահին հասցեագրված՝ ամբաստանյալ Կարեն Վարդանյանի հայտարարության համաձայն, իրեն և ամբաստանյալներ Ռաֆայել Հարոյանին և Հայկ Կոջոյանին ավազակային հարձակման համար վերագրված դեպքը ինքը կատարել է ոչ թե Ռաֆայել Հարոյանի և Հայկ Կոջոյանի, այլ «Ջուգ» մականվամբ ՀՀ ԱՆ «Արթիկ» քրեակատարողական հիմնարկի դատապարտյալ, վանաձորցի Քյարամի որդի, ոմն Վահանի հետ: ՀՀ գլխավոր դատախազին հասցեագրված հայտարարությունը գտնվում է քննարկման փուլում, իսկ ՀՀ քննչական կոմիտեի նախագահին հասեցագրվածը` ուղարկվել է Դատարան, ուստի և կցվել է քրեական գործին։

Դատարանն արձանագրում է, որ գործը ողջամիտ ժամկետներում քննելու և լուծելու դատավարական հնարավորություններից մեկն էլ այն անջատելու որոշում կայացնելն է:

Առավել ևս, որ գործի դատաքննությունը ձգձգելու միջոցով որոշակի մարտավարական նպատակներ հետապնդող ամբաստանյալների և նրանց պաշտպանների վարքագծի բացասական հետևանքները, Դատարանի համոզմամբ, առաջին հերթին չպետք է խախտեն նույն գործով ամբաստանվող այլ անձանց, հատկապես՝ շուրջ երկուսուկես տարի անազատության մեջ գտնվող անձանց արդար դատաքննության իրավունքները` հաշվի առնելով նաև այն, որ նրանց առաջադրված մեղադրանքների հիմքում դրված բոլոր ապացույցները ներկա պահին հետազոտվել են։

Դատարանը քրեական գործից առանձին հանցագործությունների վերաբերյալ մաս անջատելու հետևության է հանգել՝ հաշվի առնելով, մասնավորապես, այն, որ դատաքննության ավարտական փուլում ամբաստանյալներ Կարեն Վարդանյանի, հատկապես Հայկ Կոջոյանի և Ռաֆայել Հարոյանի վարքագծում ի հայտ է եկել սույն գործի դատաքննությունը ձգձգելու միտում՝ պայմանավորված հանցագործության մասին Կ.Վարդանյանի հաղորդումը նախապես քննարկելու և լուծելու ցանկությամբ, որով պաշտպանական կողմը վիճարկում է ոչ միայն նրան, այլ բանդիտիզմի և ավազակային հարձակման դրվագով ամբաստանվող Ռ.Հարոյանին և Հ.Կոջոյանին առաջադրված մեղադրանքները: Մեկ այլ դատավճռով Ռ.Հարոյանի, Հ.Կոջոյանի և Կ.Վարդանյանի տևական ժամկետով ազատազրկման դատապարտված լինելը սույն գործի քննությունը ողջամիտ ժամկետներում ավարտելու առնչությամբ առկա է անտարբերություն կամ առնվազն չեզոք դիրքորոշում:

Բացի այդ դատական նիստերի դահլիճից ամբաստանյալներ Հ.Կոջոյանի, Ռ.Հարոյանի և Կ.Վարդանյանի հեռացված լինելու պարագայում նրանք արգելել են իրենց պաշտպաններին դատաքննությանը մասնակցել, իսկ առանց պաշտպանների մասնակցության դատական նիստերը չեն կարող կայանալ, իսկ գործի դատական քննությունը` շարունակվել։ Դատարանը հիշատակում է վերոհիշյալ ամբաստանյալների պաշտպաններից ոմանց կողմից ինքնաբացարկի, բացարկի և այլ միջնորդություններ հարուցելու եղանակով գործի քննությունն ըստ էության ձգձգելու, այդ կերպ մինչև հեռացման ժամերի լրանալը դատական սանկցիաների վերանայման «հարկադրելու» փաստերը, միաժամանակ նշելով, որ Դատարանը հիմնավորված և պատճառաբանված որոշումներով փաստել է տվյալ փուլում դրա անհնարինությունը։

Նկատի ունենալով, որ ամբաստանյալ Ռ.Հարոյանի և մյուսների վերաբերյալ քրեական գործից Էդ. Ալիխանյանի և մյուսների վերաբերյալ մասի անջատումը չի անդրադառնա այդ և «մայր» գործերի վարույթի լրիվության և օբյեկտիվության վրա, ելնելով արդարադատության շահերից, ինչպես նաև գործերն ողջամիտ ժամկետներում քննելու և լուծելու անհրաժեշտությունից, Դատարանը որոշել է մայր գործից լուսապատճենահանման և լազերային սկավառակների կրկնօրինակման միջոցով անջատել նոր քրեական գործ:

Դատարանի որոշմամբ, մայր գործի դատաքննությունը շարունակվում է Ռաֆայել Հարոյանին` ՀՀ քրեական օրենսգրքի 222-րդ հոդվածի 1-ին մասով՝ բանդա ստեղծելը, ղեկավարելը, բանդայի կողմից կատարվող հարձակումներին մասնակցելը, 175-րդ հոդվածի 3-րդ մասի 3-րդ կետով՝ առողջությանը ծանր վնաս պատճառելով ավազակություն, 235-րդ հոդվածի 1-ին մասով՝ ապօրինի զենք ձեռք բերելը, կրելը, պահելը, և 175-րդ հոդվածի 3-րդ մասի 1-ին կետով՝ առանձնապես խոշոր չափերի գույք հափշտակելու նպատակով ավազակություն, Հայկ Կոջոյանին` ՀՀ քրեական օրենսգրքի 222-րդ հոդվածի 2-րդ մասով՝ բանդայում մասնակցությունը, 235-րդ հոդվածի 1-ին մասով և 175-րդ հոդվածի 3-րդ մասի 1-ին կետով, Կարեն Վարդանյանին՝ ՀՀ քրեական օրենսգրքի 222-րդ հոդվածի 2-րդ մասով, 235-րդ հոդվածի 1-ին մասով, 175-րդ հոդվածի 3-րդ մասի 1-ին կետով և 104-րդ հոդվածի 2-րդ մասի 8-րդ կետով՝ ավազակությամբ ու բանդիտիզմով զուգորդված սպանություն, և Տիգրան Հովհաննիսյանին` ՀՀ քրեական օրենսգրքի 222-րդ հոդվածի 2-րդ մասով, 175-րդ հոդվածի 3-րդ մաս 3-րդ կետով, 235-րդ հոդվածի 1-ին մասով և 175-րդ հոդվածի 3-րդ մասի 1-ին կետով վերագրված հանցագործությունների դրվագներով։