Սահմանադրական փոփոխությունների հիմքում կայուն կառավարման համակարգ ունենալու գաղափարն է

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 18:49 Ուժեղ կարկտահարություն՝ Արմավիրում 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 11:34 Բագրատ արքեպիսկոպոս Գալստանյանը Կիրանց է մեկնում 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ» 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը

Սահմանադրական փոփոխությունների հիմքում կայուն կառավարման համակարգ ունենալու գաղափարն է 07/10/2015 13:44 | Սահմանադրական բարեփոխումներ

Առաջիկա ամսում Սահմանադրական փոփոխությունների մասնագիտական հանձնաժողովը հավանաբար կհրապարակի սահմանադրական փոփոխությունների նախագծի ամփոփ տարբերակը: Վերջինիս հիմքում դրված է խորհրդարանական կառավարման համակարգը:

Ընդ որում, նախատեսվում է, որ խորհրդարանը ձևավորվելու է բացառապես համամասնական ընտրակարգով: Այս տարբերակով կառավարություն կարող է ձևավորել միայն ԱԺ ընտրություններում ձայների մեծամասնություն ստացած քաղաքական ուժը՝ կուսակցությունը կամ կուսակցությունների դաշինքը:

Այս պարագայում հիմնական մեխը կայանում է նրանում, որ քաղաքական ուժը պետք է ստանա ձայների առնվազն 45 տոկոսը, ստանա որոշակի բոնուս և արդյունքում ունենա մինչև 54 տոկոս ձայն, որ կարողանա ձևավորել կառավարություն, ինչը ընտրությունների մեկ փուլով գործնականում անհնար է: Այդ իսկ պատճառով նախատեսվում է երկրորդ փուլ:

Եթե ընտրությունների արդյունքում որևէ ուժ չի ստանում ձայների մեծամասնությունը, ապա տեղի է ունենում ընտրությունների երկրորդ փուլ, որին մասնակցելու իրավունք են ստանում առաջին փուլում առավել ձայներ ստացած երկու քաղաքական ուժերը: Կայուն մեծամասնություն ունենալու նպատակով նրանք կարող են նախընտրական դաշինքներ կազմել առաջին փուլում անցողիկ շեմը հաղթահարած կուսակցությունների հետ:

Ընդ որում՝ քաղաքական ուժն երկրորդ փուլին պետք է մասնակցի ավելի հստակեցված և անվանական ծրագրով՝ հանրությանը մինչ ընտրության երկրորդ փուլը ներկայացնելով, թե իր կողմից իրականացվելիք ծրագրով կոնկրետ ովքեր են ղեկավարելու տարբեր կառույցներ:

Ի դեպ՝ սահմանադրական փոփոխությունների մասնագիտական հանձնաժողովը քննարկում է մի տարբերակ, ըստ որի խորհրդարանն ունենալու է ոչ թե պատգամավորների հստակ ֆիքսված՝ 131, թվաքանակ, ինչպես այժմ է, այլ լողացող՝ 101-ից 131:

Առայժմ հստակ չէ, թե ինչ ճակատագրի կարժանան առաջին փուլում անցողիկ շեմը հաղթահարած այն քաղաքական ուժը կամ ուժերը, որոնք մինչև երկրորդ փուլը կոալիցիա չեն կազմի առաջին փուլում առավել ձայներ ստացած երկու քաղաքական ուժերից որևէ մեկի հետ: Առավել ևս, որ տեսականորեն հնարավոր է, որ անցողիկ շեմը հաղթահարած տվյալ ուժը կամ ուժերը ստանան ձայների բավականին բարձր տոկոս: Չի բացառվում, որ նրանք, չմասնակցելով խորհրդարանական ընտրությունների երկրորդ փուլին, այդուհանդերձ խորհրդարանում մանդատներ ստանան, բայց զրկված լինեն կառավարության ձևավորմանը մասնակցելուց:

Սակայն այս դեպքում ի հայտ է գալիս մեկ այլ խնդիր. առաջին փուլում նրանց ընտրած ընտրողները, երկրորդ փուլին մասնակցելով, կստանան ևս մեկ ձայնի իրավունք՝ ընտրություն կատարելով երկրորդ փուլին մասնակցող երկու դաշինքներից որևէ մեկի օգտին:

«Խորհրդարանական կառավարման համակարգի պարագայում կառավարման կայունության ապահովման համար շատ կարևոր է Ազգային ժողովի դերակատարումը, շատ կարևոր է հատկապես, որ ընտրությունների երկու փուլ լինի, նաև՝ քաղաքական ուժերն իրենց վրա դերակատարում, պատասխանատվություն վերցնեն»,-«Փաստինֆո»-ի հետ զրույցում ասաց ԱԺ պետական-իրավական հարցերի մշտական հանձնաժողովի նախագահ, հանրապետական Հովհաննես Սահակյանը:

Ի պատասխան մեր հարցի, թե այս գաղափարի կոնկրետ ինչ մեխանիզմներ են ընտրված, մասնավորապես՝ լինելու է արդյոք քաղաքական ուժերի ռեյթինգային քվեարկություն, թե այնպիսի, ինչպիսին այժմ է, Հովհաննես Սահակյանը հայտնեց, որ թեև ինքը մասնակցել է հանձնաժողովի հետ կայացած քննարկումներին, սակայն այս և շատ այլ հարցերի կարող է պատասխանել միայն նախագծի ամբողջական տարբերակի հրապարակումից հետո: Ըստ նրա՝ մասնագիտական հանձնաժողովի անդամներն օրերս ԵԽԽՎ Վենետիկի հանձնաժողովի փորձագետների հետ նախագծի շուրջ քննարկում են ունեցել, սակայն դրա արդյունքներն առայժմ քաղաքական ուժերին չեն ներկայացվել:

«Բարգավաճ Հայաստան» կուսակցության նախագահ և խորհրդարանական խմբակցության ղեկավար Նաիրա Զոհրաբյանն էլ, ի պատասխան մասնագիտական հանձնաժողովի կողմից առաջարկվող նոր լուծումների վերաբերյալ «Փաստինֆո»-ի թղթակցի հարցի, ասաց, որ կուսակցությունն առայժմ հրաժարվում է սահմանադրական փոփոխությունների վերաբերյալ որևէ մեկնաբանությունից:

«Պատճառը շատ պարզ է. անգամ հանձնաժողովի անդամներն առ այս պահը շարունակում են անել իրարամերժ հայտարարություններ տեքստի վերաբերյալ»,-ասաց նա՝ ընդգծելով. «Մենք ձեռնպահ ենք մնում որևէ մեկնաբանությունից առ այն պահը, մինչև քաղաքական ուժերին և հանրությանը կներկայացվի վերջնական տեքստը»:

Լուսանկարը՝ Ֆոտոլուրի