Ինչ ճակատագիր է սպասվում Գյումրիի սպանդի կապակցությամբ հարուցված երկու քրեական գործերին. Դրանք կմիացվե՞ն

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/26/2024 23:46 Վեց հոգուց բաղկացած ընտանիքը այրվել է հարսանիքի ժամանակ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ» 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ)

Ինչ ճակատագիր է սպասվում Գյումրիի սպանդի կապակցությամբ հարուցված երկու քրեական գործերին. Դրանք կմիացվե՞ն 05/08/2015 10:22 | ՀՐԱՏԱՊ ԹԵՄԱ

Գյումրիում մի ամբողջ ընտանիքի եղեռնական սպանության գործում համեմատաբար վերջերս ներգրավված տուժողի իրավահաջորդի ներկայացուցիչ փաստաբան Միհրան Պողոսյանը «Փաստինֆո»-ի լրագրողի հետ զրույցում անդրադառնում է գործի ներկայիս ընթացքին՝ տուժող կողմին այս պահին հասու տվյալների, մամուլի հրապարակումների ու նաև սեփական տպավորությունների հիման վրա:

- Պարոն Պողոսյան, Գյումրիում մի ամբողջ ընտանիքի եղեռնական սպանության գործով տուժողների իրավահաջորդների ներկայացուցիչներից Դուք համեմատար վերջերս եք ներգրավվել: Այս պահի դրությամբ ինչպե՞ս եք գնահատում քննության ընթացքը, ընդհանուր առմամբ ի՞նչ դժգոհություններ կան քննությունից:

- Ճիշտ է, ես նոր եմ ներգրավվել որպես տուժող Արմեն Ավետիսյանի իրավահաջորդ Անահիտ Կոշտոյանի ներկայացուցիչ, սակայն մինչ այդ ևս լիազորված եմ եղել Անահիտ Կոշտոյանի կողմից, մասնակցել եմ տուժողի իրավահաջորդի հետ հանդիպումներին, այսինքն՝ ընթացքի մասին տեղեկացված եմ եղել:

Ընթացքի վերաբերյալ կհայտնեմ հետևյալը, որ բազմաթիվ քննչական գործողություններ են կատարվել՝ հնարավորության սահմաններում: Այստեղ է հենց խնդիրը, որ հնարավորության սահմանների հետ կապված մենք խնդիր ունենք ամենասկզբից իրավապահ մարմինների ոչ ճիշտ գործունեության պատճառով: Գործը ոչ մեր մոտ, ոչ ռուսական կողմի մոտ լիարժեք այս պահի դրությամբ չի կարող քննության առնվել: Ինչպես գիտեք, և ռուսական կողմը, և հայկական կողմը սպանության դրվագով քրեական գործեր են հարուցել: Կոնկրետ իմ դիրքորոշումն այն է, որ ռուսական կողմը սպանության գործն ապօրինի է քննում, այսինքն՝ իրավունք չունի քննել սպանության դրվագով քրեական գործը:

Այդ գործողությունների արդյունքում, երբ մեղադրյալը կամ կասկածվող անձը հայտնվել է ռուսական ռազմաբազայում, ես չգիտեմ, թե ինչքանով է նա քննիչի համար հասանելի քննչական գործողություններ կատարելու և այլնի համար: Դիցուք փորձագետի եզրակացություններից ընդամենը մի տվյալ ունենք, որ մեղադրյալի մոտ ալկոհոլի հետքեր չեն հայտնաբերվել: Բայց ըստ իմ ունեցած տեղեկությունների, այդ ալկոհոլի նմուշները վերցվել են մի քանի օր անց, ալկոհոլի հետքերը երկար ժամանակ չեն կարող պահպանվել: Եթե մեղադրյալն այդ պահին գտնվեր Հայաստանի Հանրապետության իրավապահ մարմինների տրամադրության տակ, ապա այդ պահին կարելի էր վերցնել փորձանմուշները ու ստուգել ալկոհոլի ազդեցության տակ եղե՞լ է, թե՞ ոչ: Մենք հստակ գիտենք, որ թմրանյութերի ազդեցության տակ չի եղել:

Հայկական կողմը կատարել է բազմապիսի փորձաքննություններ, քննչական գործողոություններ, արդյունքները դեռևս ամբողջական չեն, որովհետև կան փորձաքննություններ, որոնք նշանակվել են և որոնց պատասխանները դեռևս չենք ստացել: Փորձաքննություններ նշանակվում են, իրականացվում են, անհրաժեշտության դեպքում նաև տուժողների իրավահաջորդներն ու նրանց ներկայացուցիչները մասնակցություն են ունենում փորձաքննությունների կատարմանը, դրանցից որևէ օբյեկտիվության հետ կապված խնդիր դեռևս չունենք:

Գործի քննությունն ըստ էության մոտենալու է կոպիտ ասած՝ մի վերջնագծի, որ քրեական գործերը միացնելու հարց է ծագելու. այս պարագայում այսպիսի ապացույցների, այսպիսի իրավիճակում ոչ հայկական կողմը կարող է դատի տալ կասկածվող անձին, ոչ ռուսական կողմը՝ չունենալով դեպքի վայր, փորձաքննություններ և այլն: Երկու գործերի միացումը կարևոր է քրեական գործի համար:

Գործերի միացումից հետո ռուսական կողմի ու հայկական կողմի կատարած քննության արդյունքները համեմատելուց հետո, կարելի է որոշակի եզրահանգումների գալ, թե ինչ գործողություններ դեռևս պետք է իրականացնել:

Ստացված արդյունքների հետ կապված գործողություններ կան իրականացնելու նաև մեղադրյալի հետ, օրինակ՝ փորձագետի եզրակացություններով որոշակի հանգամանքներ են հաստատվում, որոնց վերաբերյալ պետք է հարցաքննվի մեղադրյալը: Հիմա մենք չգիտենք, հարցաքննվում է, չի հարցաքննվում, ինչպիսի փաստական տվյալների մասին է հայտնում, չգիտենք դրանց արժանահավատությունը: Մեղադրյալի ցուցմունքներից կախված կլինի նաև փորձագետի եզրակացությունների արժանահավատությունը, այսինքն՝ մեղադրյալը հայտնի այնպիսի փաստական հանգամանքներ, որոնք որ ելակետային լինեն փորձաքննությունների համար:

Քրեական գործերի միավորումից հետո ներգրավվածություն է լինելու գործի մեջ՝ իրավունքների պաշտպանություն և որոշակի գործողությունների իրականացում, բայց այս պահի դրությամբ, մենք տուժողի ներկայացուցիչ ենք հանդիսանում հայկական կողմում, իսկ ռուսական կողմում կողմ չենք, որովհետև Անահիտ Կոշտոյանի հետ համաձայնեցված դիրքորոշումն այն է, որ ռուսական կողմը քրեական գործը քննում է ապօրինի, կոնկրետ սպանության դրվագով, մենք այնտեղ դեռևս անելիք չունենք:

- Քրեական գործերի միավորումն ինչպե՞ս եք պատկերացնում, միավորվեն ու քննվեն ՀՀ քննչական կոմիտեի կողմից, թե՞ ինչ-որ միացյալ նախաքննական մարմնի մասին է խոսքը:

- Տվյալ պահի դրությամբ միացյալ նախաքննական մարմին որպես իրավական կատեգորիա չեմ պատկերացնում: Եթե քրեական գործերը միացվեն և քննությունը շարունակի իրականացնել հայկական կողմը, դա դեռևս չի նշանակում, որ Հայաստանի Հանրապետության դատարաններն էլ տվյալ գործով արդարադատություն են իրականացնելու: Գործերի միացումը գործի լրիվության ապահովման համար է: Պերմյակովին փոխանցելու կամ հանձնելու հետ կապված, ինչպես գիտեք, համաձայն մամուլի հրապարակումների, դեռևս պատասխան չկա, դրանք գործողություններ են, որոնք հետագայում կպարզվեն:

- Իմ ունեցած տեղեկություններով, արդեն ավարտվել է դատագենետիկական փորձաքննությունը, ծանոթացե՞լ եք դրան և ի՞նչ տպավորություն եք ստացել:

- Վերջին փորձաքննությունը, որին ծանոթացել եմ, դա եղել է մոտավորապես երեք շաբաթ առաջ՝ դատահետքաբանական, սառը զենքի և դատաքիմիական համալիր փորձաքննությանը: Տվյալ պահի դրությամբ կարծում եմ, որ մեզ համար շատ կարևոր է նաև համալիր դատաձգաբանական, դատաբժշկական փորձաքննության եզրակացության ստացումը, որովհետև որոշակի հանգամանքներ կան պարզելու: Այսինքն՝ կոնկրետ եզրակացության հետ կապված այս պահին տեղին չի լինի խոսել՝ ամփոփ տվյալ չունենք: Միայն դատաբժշկական փորձաքննության դեպքում է, որ ինքն իրենով որոշակի արդյունքների ենք հանգում՝ վնասվածքների քանակ, տեղակայում և այլն: Սակայն գործի պատկերի հետ կապված անհրաժեշտ է բոլոր փորձաքննությունների ավարտից հետո դրանք համեմատության մեջ տեսնել, որպեսզի հասկանանք հունվարի 12-ի առավոտյան ինչ է տեղի ունեցել Գյումրու Մյասնիկյան փողոցի 188 տանը:

- Դատահետքաբանական փորձաքննությամբ հաստատվեց, համենայն դեպս, այդպես հրապարակվեց, որ ինքնաձիգը խլացուցիչ չի ունեցել: Արդյոք Դուք հնարավոր համարո՞ւմ եք, որ մերձակա տարածքում չլսվեին կրակոցների ձայները:

- Նախքան գործում ներգրավվելն այդ հարցն ինձ հետաքրքրել է, մասնագետների հետ եմ զրուցել, ովքեր պնդում են, որ աղմուկը պետք է այնպիսին լիներ, որը լսելի կլիներ: Սակայն չպետք է մոռանալ մարդկային գործոնը տվյալ պարագայում:

- Վա՞խը:

- Ոչ միայն վախը, դա երկրորդական է: Ըստ նախնական տվյալների, սպանությունը տեղի է ունեցել առավոտյան ժամը վեցի սահմաններում, այսինքն՝ հիմնականում մարդկանց մոտ այդ ժամերը խորը քնի ժամեր են: Իմ պատկերացմամբ, ընդհանրապես հանցագործությունը երկար չի տևել, անձը խորը քնից անգամ արթնանալուց հետո, չի մտածում, որ եկել, կրակում են կողքի տանը, թեկուզ հենց նույն տուժողները չեն մտածել, որ մեր տան մեջ կրակում են, սպանում են, այսինքն՝ որոշակի ժամանակահատված է պետք իրավիճակը գնահատելու համար:

Իրականում, մի քանի օր առաջ գիշերը երբ որ երկրաշարժ եղավ, ես արթուն նստած զգացի այն, սակայն հենց այդ պահին չհասկացա, որ երկրաշարժ է: Եվ միանգամից հենց այդ պահին միտքս Գյումրու դեպքը եկավ, որովհետև տունը դղրդաց և մի քանի վայրկյան մտածում էի՝ այս ինչ եղավ՝ պայթյուն է, և այլն, այլն: Հիմա նայեք, գիշերվա այդ ժամին թեկուզ հարևաններն արթնանում են, կրակոցները դադարած պահին ոչ ոքի մտքով չէր անցնի, որ եկել է զինծառայող և կրակել, սպանել է: Մանավանդ Գյումրիում պետք է հաշվի առնել, որ իրականում մեծամասնությունը ամեն մի բարձր աղմուկ կամ շարժում կապում է երկրաշարժի հետ, որովհետև ավերիչ երկրաշարժը նրանց ենթագիտակցության մեջ նստած է: Աղմուկն իրականում եղել է բարձր, բայց որ անձինք այն չեն լսել, դա ևս բացառել չի կարելի, մարդկային գործոնը շատ մեծ նշանակություն ունի՝ անձը ոնց է քնից արթնանում, ինչ խորությամբ է քնում:

- Դուք քննության վերաբերյալ այս պահին ունեցած տեղեկությունների հիման վրա հավատո՞ւմ եք կենցաղային հողի վրա սպանության վարկածին:

- Ես իրավունք չունեմ չհավատալու որևէ վարկածի: Հավատում եմ ինչպես կենցաղային, այնպես էլ այլ վարկածների: Մեր խնդիրն է օբյեկտիվ քննություն իրականացնելն է, որպեսզի հասկանանք հավանական վարկածներից որն է: Ես չեմ բացառում տվյալ վարկածը, այսինքն՝ զուտ կենցաղային հողի վրա կատարված հանցագործության վարկածը, ըստ որի հանգամանքների բերումով շարունակական սպանություն է տեղի ունեցել, բայց նաև ես չեմ բացառում այլ վարկածներ: Քրեական գործի քննության ավարտից հետո երբ ամբողջությամբ ծանոթանանք գործին, կհասկանանք որ վարկածների ուղղությամբ քննություն չի իրականացվել, որ վարկածների վերաբերյալ քննություն անցկացվել է ու իսպառ հերքվել: Այս պահի դրությամբ այլ վարկածներ ևս շրջանառվում են, որոնք ըստ էության քննության են ենթարկվում, վարկած կա, որ սպանությունը կատարվել է անձնական հարաբերությունների պատճառով, սակայն ըստ մամուլում շրջանառվող տեղեկությունների, պարզվեց, որ այդ անձինք իրար հետ հեռախոսային խոսակցություններ ընդհանրապես չեն ունեցել:

- Դուք բացառո՞ւմ եք, որ այս հանցագործության մեջ լինի ադրբեջանական հետք, այսինքն՝ պարզվի, որ ինչպես Գուրգեն Մարգարյանի դեպքում Ավետիսյաններն ևս սպանվել են հայ լինելու համար:

- Քրեական գործին ծանոթանալու սահմանափակ հնարավորություններ ունենալու պարագայում մենք իրավունք չունենք բացառելու որևէ հանգամանք, այդ թվում՝ Ձեր նշածը: Դուք առաջ եք քաշում Ադրբեջանի կամ այլ երկրի կողմից սպանության վարկած՝ հայ լինելու համար, դրա առաջին ապացույցը կարող է լինել հենց Պերմյակովի ցուցմունքը, ընդունենք, որ տվյալ կապակցությամբ նա ցուցմունք չի տվել, պետք է ուսումնասիրել նրա հեռախոսային խոսակցությունները, ում հետ է կապ ունեցել, եթե նման կասկածներ առաջանան, արդյոք արտասահման որոշակի զանգեր կատարե՞լ է, որոշակի հանձնարարություններ ստացե՞լ է: Այն, որ Պերմյակովն ինքնիրենով դուրս է եկել միայն հայ լինելու համար ընտանիք է ոչնչացրել, այդ վարկածին ես չեմ հավատում, որովհետև փաստական հանգամանքներն այնպիսին են, որ եթե իր խնդիրն այդպիսին լիներ, ինքը բավականին ճանապարհ է անցել, փողոցում, խանութում հանդիպած հային կսպաներ: Իսկ հատուկ հանձնարարությամբ սպանության հարցն արդեն քննությունը պետք է պարզի:

- Ըստ քննության տվյալների, որոնք մասամբ հրապարակվեցին, նա տուժողների տնից վերցրել է տուժողներին պատկանած երեք հեռախոսներ, վերծանումներ եղե՞լ են, ծանո՞թ եք վերծանումներին, թե` ոչ:

- Տվյալ վերծանումներին ծանոթ չենք, քանի որ քրեական դատավարության օրենսգիրքը տվյալ փուլում մեզ հնարավորություն չի ընձեռում ծանոթանալ վերծանումներին:

- Ձեզ տարօրինակ չի՞ թվում այն հանգամանքը, որ «այցետոմս» է թողել Պերմյակովը Ավետիսյանների տանը՝ իր անուն ազգանունով հագուստ ու կոշիկներ:

- Ըստ իմ ունեցած տեղեկությունների, ծառայելով զինված ուժերում անձը պարտավոր է իր կրած համազգեստի, այդ թվում՝ կոշիկների վրա, ունենալ սեփական տվյալներով դաջվածքներ: Այսինքն՝ անձնական տվյալների առկայությունը հագուստների վրա տրամաբանական էր: Առաջին հերթին ամբողջ հարցը նրանում է, թե որտեղից են դրանք հայտնաբերվել, երկրորդ հերթին՝ թե ինչու են դրանք թողնվել: Իմ ունեցած տեղեկություններով, նույնիսկ մամուլում շրջանառվեց, նկարահանումներ էին ցուցադրվում, զենքը հայտնաբերված է եղել, եթե չեմ սխալվում բազկաթոռի ներսից, այսինքն՝ որոշ գործողություն թաքցնելու հետ կապված տվյալ անձն իրականացրել է: Թյուր կարծիք կա, որ ամբողջությամբ նույն տեղում շորերը թողել է: Մինչդեռ առաջին հայացքից հասանելի տեղերում չի թողել, տարբեր տեղերում է թողել: Չեմ կարծում, որ սա դիտավորյալ գործողություն է իր հետքը թողնելու ու իր մասին հայտնելու համար: Սակայն հասկանալու համար միտում եղել է, թե ոչ, պետք է ուսումնասիրվի Պերմյակովի ցուցմունքը, օրինակի համար՝ ինչու է շորերը հանել: Այդ տվյալը քրեական գործով մենք չունենք դեռ:

- Ձեր գործընկեր Երեմ Սարգսյանը որոշակի հետազոտություններ էր արել, գնացել էր տեղանքին ծանոթացել էր ու հայտնաբերել էր, որ Ավետիսյանների տան դիմացից նեղ ճանապարհ է գնում, որը միանում է երկաթգծին: Արդյոք այս պահին ունեցած տեղեկություններով ու Ձեր տպավորությամբ ինչպե՞ս է Պերմյակովն, այնուամենայնիվ, հասել հայ-թուրքական սահման:

- Ինչպես նշեցի ամենասկզբում, մինչև պաշտոնապես ներգրավվելը, դրանից բավականին ժամանակ առաջ տուժողի իրավահաջորդի կողմից լիազորված եմ եղել: Ձեր կողմից նշած օրը, Երեմ Սարգսյանի հետ միասին ենք գնացել մինչև Բայանդուր գյուղ, որտեղ Պերմյակովին վնասազերծել են, նայել ենք այդ տարածքները: Ըստ իմ ունեցած տպավորությունների, տրամաբանություն կա, որ նա երկաթգծով է հասել սահման. երկաթգիծն անցնում է անբնակելի տարածքներով մինչև Բայանդուր գյուղը, այն առաջին կայանն է, որտեղ երկաթգծից երևում է սահմանը, ճանապարհների նշանները և վերակարգի համար նախատեսված բարձրադիր հատվածները:

- Ձեր տպավորությամբ 6000 դրամով ինքը գնում էր Թուրքիա որ ի՞նչ աներ:

- Ես չեմ կարող ասել գնում էր ինչ աներ: Պետք է հաշվի առնել, որ նա մինչ Ավետիսյանների տուն հասնելը արդեն իսկ հանցագործություն էր կատարել՝ զորամասն ինքնակամ լքել էր դրանից հետո նրա գործողությունները պետք է ուսումնասիրել որպես հանցագործի գործողություններ: Վեց հազար դրամով գնար ռուսական կողմ, որպեսզի պատասխանատվության ենթարկվե՞ր:

- Ո՞րն է տուժող կողմի պահանջը քննությունից:

- Իրականում մեծ ողբերգություն է տեղի ունեցել տուժողների հետ, նրանց հարազատները մի ամբողջ ընտանիք են կորցել: Իրենց համար առաջնային հարցերն են՝ ո՞վ և ինչո՞ւ, այսինքն՝ Պերմյակովը հանցագործությունը միայնա՞կ է իրականացրել, թե՞ մի քանի անձանցով և ինչո՞ւ հենց այս ընտանիքը: Իրենց պահանջը օբյեկտիվ, լրիվ ու բազմակողմանի քննությունն է, որպեսզի հետագայում որևէ հարցի վերաբերյալ չբացահայտված հանգամանք չմնա: