ԲՈԼՈՐ ՆՅՈՒԹԵՐԸ
Հակոբ Սերոբյան. «Միջազգային ֆեդերացիան լարվել է Հայաստանի դեմ» 08/27/2014 13:50 | Մարզական
Ինչպես հայտնի է, Չինաստանում ավարտվող պատանեկան երկրորդ ամառային օլիմպիական խաղերի սպորտային մարմնամարզության մեդալների համար պետք է պայքարեր նաեւ Վիգեն Խաչատրյանը, որն ընտրական մրցումներից հետո մրցանակային տեղերի իրական հավակնորդ էր:
Սակայն հայ մարզիկն այդպես էլ չմասնակցեց եզրափակիչներին: Պատճառի մասին զրուցեցինք Հայաստանի հավաքականի գլխավոր մարզիչ Հակոբ Սերոբյանի հետ, որի խոսքերով կատարվածը նաեւ քաղաքական ենթատեքստ ունի:
-Հասցրե՞լ եք ամփոփ տեղեկություններ ստանալ այն մասին, թե ինչո՞ւ մեր մարմնամարզիկը չշարունակեց ելույթներն ամառային պատանեկան օլիմպիական խաղերում:
-Ամբողջական տեղեկատվության չեմ տիրապետում, քանզի կարողացել եմ միայն հեռախոսազրույց ունենալ Վիգենին մրցավայր ուղեկցած անձնական մարզիչ Արտյոմ Ավետյանի հետ: Կարող եմ ասել, որ նա լավ մարզավիճակում էր մեկնել Չինաստան եւ մեր գնահատականներով՝ պետք է պայքարեր մրցանակային տեղերի համար: Սակայն մեջքի վնասվածք է ստացել, իսկ արդեն տեղում բուժզննմամբ՝ բժիշկները ճողվածք են հայտնաբերել նրա մոտ:
-Դա տեղի է ունեցել մինչեւ մեկնա՞րկը, թե մրցումների ընթացքում:
-Այս պահին չեմ կարող պատասխանել այդ հարցին, քանի որ տեղյակ չեմ: Գիտեմ, որ մինչեւ վերջին օրը մարզվել է: Նաեւ կարող եմ ասել, որ բազմամարտում եւ չորս գործիքների վրա կատարած առանձին վարժություններում շատ լավ արդյունք է գրանցել: Եթե նա այդպես հանդես է եկել մեջքի ցավերով, ապա կարելի է պատկերացնել, թե ինչպես կմասնակցեր կատարյալ առողջ լինելու դեպքում: Բայց անգամ գրանցված ցուցանիշներից երեւում է, որ Վիգենն անպատճառ մեդալներով կվերադառնար, եթե նրան թույլատրեին մասնակցել այն վարժությունների եզրափակիչներին, որոնցում հանդես գալու իրավունք էր նվաճել: Ամեն դեպքում, շատ բան կպարզվի օգոստոսի 30-ին՝ մեր պատվիրակության վերադարձից հետո:
-Այնուհանդերձ, անհասկանալի է մնում, թե ինչո՞ւ է միջազգային ֆեդերացիան Վիգենին զրկել եզրափակիչներին մասնակցելու իրավունքից: Գուցե բժիշկների հե՞տ են խորհրդակցել:
-Նախ ասեմ, որ մարզիչ Ավետյանը հաստատ զրուցել է բուժանձնակազմի հետ, քանզի, ցանկացած պարագայում, մեզ համար առաջնայինը մարզիկի առողջությունն է: Բայց, եթե խնդիրը շատ լուրջ լիներ, Վիգենը դժվար թե այդքան լավ մասնակցեր առանձին վարժությունների որակավորման մրցումներին: Այստեղ խնդիրը բոլորովին այլ հարթությունում է. բանն այն է, որ նման իրավիճակները հստակ արտացոլված չեն մրցակարգում: Այնտեղ գրված է, որ յուրաքանչյուր վարժության եզրափակիչ անցնելու համար պետք է առնվազն 45 միավոր վաստակել: Խաչատրյանը վաստակել է 56-ը եւ, բնականաբար, եզրափակչին մասնակցելու հնարավորություն ստացել:
Սակայն մրցակարգում որեւէ բառ չկա այն մասին, որ մարզիկը կզրկվի եզրափակչում հանդես գալուց, եթե չմասնակցի բոլոր վեց վարժությունների ընտրական մրցումներին: Եթե կանոնները վերջին պահին են փոխվել, ապա կազմակերպիչները եւ միջազգային ֆեդերացիան պարտավոր էին մասնակից թիմերին նախորոք զգուշացնել այդ մասին:
Իսկ նման բան տեղի չի ունեցել: Ինձ հաջողվեց հեռախոսով զրուցել մրցումները սպասարկող լատվիացի մրցավարի հետ, որն, ինչպես պարզվեց, նույնպես մինչեւ վերջ չէր տիրապետում կանոնակարգի դրույթներին: Իսկ դա արդեն զավեշտալի է: Նա մի գլուխ ներողություն էր խնդրում, բայց դա անիմաստ է, քանի որ մեզ զրկել են մեդալից: Ստացվում է մի անհեթեթ իրավիճակ. եթե Վիգենը վերջին երկու վարժությունների ժամանակ դուրս գար մրցահարթակ եւ նույնիսկ ելույթ չունենար, այլ պարզապես դիպչեր գործիքին եւ հեռանար, ապա նրան կթույլատրեին մասնակցել մյուս երեք վարժությունների եզրափակիչներին:
Այդ ամենն այն աստիճան անհեթեթ է, որ մեկնաբանելը պարզապես անիմաստ է: Կարող եմ միայն ասել, որ իտալացի Բրունո Գրանդիի գլխավորած միջազգային ֆեդերացիան վերածվել է տուգանքներ դուրս գրող եւ փող հավաքող կազմակերպության, որը բացարձակապես մտահոգված չէ մարզաձեւի
զարգացմամբ: Ասեմ ավելին, ոչ միայն չեն օգնում զարգացման միտումներ դրսեւորող երկրներին, այլեւ ամեն կերպ խանգարում են:
-Այսի՞նքն:
-Այս իրավիճակից այնքան վիրավորված եմ, որ բացարձակապես անկեղծ կլինեմ. միջազգային ֆեդերացիան մեր դեմ լարվեց Քաթարում տեղի ունեցած աշխարհի գավաթի խաղարկության փուլից հետո, երբ հայ մարզիկները մեդալների հարուստ ավար նվաճեցին: Թվում էր, միջազգային կառույցը պետք է ուրախ լինի, որ համաշխարհային մարմնամարզությունում հայտնվել է եւս մեկ ուժեղ թիմ: Սակայն տեղի ունեցավ հակառակը, եւ առաջին նշանը դրսեւորվեց Եվրոպայի առաջնության ժամանակ, երբ մրցավարներն ամեն ինչ արեցին, որպեսզի Հարություն Մերդինյանը չհայտնվի պատվո պատվանդանին:
-Բայց միթե՞ փոքրիկ Հայաստանն այդքան լուրջ սպառնալիք է աշխարհի ուժեղագույնների համար:
-Խնդիրը բոլորովին այլ է եւ քաղաքական ենթատեքստ ունի: Բանն այն է, որ միջազգային ֆեդերացիան ֆինանսավորվում է նաեւ Ադրբեջանի կողմից: Պատահական չէ, որ այս տարի Բաքվում տեղի ունեցած գեղարվեստական մարմնամարզության Եվրոպայի առաջնության ժամանակ Բելառուսի հավաքականին արգելեցին հանդես գալ Արամ Խաչատրյանի երաժշտության ներքո, եւ միջազգային ֆեդերացիան որեւէ կերպ չարձագանքեց այդ սկանդալին: Ինչ վերաբերում է մեզ, ապա այս խաղերում բողոքարկել ենք Վիգեն Խաչատրյանի նկատմամբ տեղի ունեցած անարդարությունը, սակայն չենք ակնկալում իրավիճակի փոփոխություն:
-Առջեւում աշխարհի առաջնությունն է, ու ձեր ասածից կարելի է եզրակացնել, որ մերոնց մասնակցությունից ակնկալիքների մասին անտեղի՞ է խոսել:
-Ամեն դեպքում պատրաստվում ենք: Համաշխարհային ստուգատեսը մեկնարկելու է սեպտեմբերի 26-ին: Մեր երկիրը ներկայացնելու են Հարություն Մերդինյանը, որը հանդես է գալու նժույգթափի վրա, եւ Արթուր Դավթյանը՝ բազմամարտում: Նրանց կատարած վարժություններից դատելով՝ հնարավորություն ունեն անցնել եզրափակիչ եւ պայքարել մեդալների համար: Բայց ամենակարեւորը լինելու է հաջորդ տարվա աշխարհի առաջնությունը, որի բազմամարտի մասնակիցները խաղարկելու են 2016 թվականի ամառային օլիմպիական խաղերի ուղեգրեր:
Հարցազրույցը՝ Հրայր Նազարյանի
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել