Բանդայի «պարագլուխը» եւ նախկին ոստիկանապետը խնամինե՞ր են - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 21:45 Վաղը այս հասցեներում լույս չի լինի 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Բանդայի «պարագլուխը» եւ նախկին ոստիկանապետը խնամինե՞ր են 08/06/2014 18:22 | Քրեական խրոնիկոն

Բանդայի գործով այսօրվա դատական նիստում ամբաստանյալ Դավիթ Գալստյանն իր նախաքննական ցուցմունքի հրապարակումից հրաժարվեց պատասխանել մեղադրող դատախազ Սասուն Խաչատրյանի հարցերին:

Իսկ մինչ այդ ամբաստանյալի պաշտպան Ստեփան Ոսկանյանը միջնորդեց հրապարակել իր պաշտպանյալի նախաքննական ցուցմունքների այն հատվածը, որտեղ նա նշում է, որ այդ ցուցմունքները «կորզվել» են խոշտանգելու և ճնշումների ազդեցության տակ:

Դատարանը մերժեց պաշտպանի միջնորդությունը՝ արձանագրելով, որ այդ ցուցմունքները դատաքննության ծավալից դուրս են, ուստի` բացակայում է դրանք հրապարակելու հիմքեր։ Բացի այդ, դատարանը նկատեց, որ նախաքննական ցուցմունքը հրապարակվում է դատաքննական և նախաքննական ցուցմունքների միջև էական հակասություններ լինելու դեպքում, սակայն այս պարագայում հակասություններ չկան:

Դատարանն անցավ Բանդայի «պարագլուխ» Արտուշ Հակոբյանի հարցաքննությանը:

Ամբաստանյալ Արտուշ Հակոբյանը հայտարարեց, որ իրեն մեղավոր չի ճանաչում առաջադրված մեղադրանքում և որ այն «ոչ այլ ինչ է, քան շոու, որի հեղինակն է նախկին ոստիկանապետ Ալիկ Սարգսյանը»:

Ամբաստանյալը հայտնեց նաև, որ ինքը ճանաչում է միայն հանգուցյալ Արման Դալլաքյանին, իսկ մյուս ամբաստանյալներին ճանաչել է դատարանից:

Արտուշ Հակոբյանի խոսքերով՝ նա ունի մի շարք ապացույցներ, որ ինքը կապ չունի իրեն առաջադրված մեղադրանքի հետ: 2006թ. հետ նա եղել է ոստիկանության հսկողության տակ, և իրեն բազմաթիվ անգամ բերման են ենթարկել ոստիկանության բաժանմունքներ:

«Կենտրոնի ոստիկանապետի քրեական գծով տեղակալ Գրիշա Ամիրխանյանը օր ու արև չի տվել, դժոխքի պես հետևել է ինձ և բազմիցս ասել, որ դատելու է»,- հայտարարեց ամբաստանյալը՝ հավելելով, որ մի քանի անգամ էլ փորձեր են եղել իրեն ներքաշել հանցավոր գործի մեջ:

Նշելով, որ իրեն մեղադրում են Նապոլեոն Ազիզյանի տանից ավազակային հարձակում կատարելու մեջ՝ ամբաստանյալը նշեց, որ այդ օրն իր ընկերոջ՝ Արմեն Մկրտչյանի ծննդյան օրն է եղել, և ամբողջ օրը միասին են եղել: Բայց չցանկացավ ընկերոջ հետ միասին լինելու մանրամասները հայտնել՝ նշելով, թե անձնական կյանքի գաղտնիք են պարունակում։ Ուստիեւ՝ այդ դրվագի վերաբերյալ ամբաստանյալի հարցաքննությունը տեղի ունեցավ դռնփակ նիստում։

Իսկ դռնբաց նիստում Ա.Հակոբյանը խնդրեց Նախագահին անմիջական վերահսկողություն սահմանել «Բանդայի» գործով, որպեսզի պարզ լինի, թե «ինչպես են իրական հանցագործների փոխարեն ամբաստանյալի աթոռին հայտնվել անմեղ մարդիկ՝ հանձինս իրեն և հանգուցյալ Արման Դալլաքյանի»:

Ամբաստանյալը հայտարարեց նաև, որ Ալիկ Սարգսյանի մորաքույրն իր հորեղբոր կինն է և տարիներ առաջ, երբ ինքը 17-ամյա պատանի էր, նրա հորեղբոր տանը մասնակցել է մի միջոցառման, որտեղ վիճաբանություն է ծագել և ծեծկռտուք եղել, ինչին մասնակից է եղել նաև ինքը, սակայն այդ դեպքից հետո ամբաստանյալը չի տեսել Ալիկ Սարգսյանին: Ամբաստանյալը նաև շտապեց հավելել, որ, եթե իրեն նման ձևով մեղադրելը թշնամանք չի, ապա ինչ է:

Արտուշ Հակոբյանը պնդեց, թե ռեստորանում իրեն ձերբակալելու ժամանակ իր ձեռքի մեջ են դրել Մակարով տեսակի ատրճանակ, իսկ ոստիկանությունում՝ ՏՏ տեսակի ատրճանակ են դրել նրա գոտկատեղում: Ավելին՝ հայտարարեց, որ ոստիկանությունում գտնվելու ընթացքում մի քանի ժամ շարունակ հոգեբանական և ֆիզիկական ճնշումների է ենթարկվել:

Ամբաստանյալի պաշտպան Հովիկ Արսենյան էլ իր պաշտպանյալի ցուցմունքից հետո հայտարարեց, թե իր համար նոր երևույթներ ի հայտ եկան և խնդրեց իրեն տրամադրել իր պաշտպանյալի նշումները՝ հարցերին նախապատրաստվելու համար։ Այդ նյութերը նաև կցվեցին քրեական գործի նյութերին:

Դատական հաջորդ նիստը տեղի կունենա օգոստոսի 13-ին: