Սպանված մատուցողուհու մայրն` ամբաստանյալին. «Ես քեզ իմ ձեռքերով եմ սպանելու, մարդասպան սրիկա» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 18:49 Ուժեղ կարկտահարություն՝ Արմավիրում 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/03/2024 11:34 Բագրատ արքեպիսկոպոս Գալստանյանը Կիրանց է մեկնում 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ» 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը

Սպանված մատուցողուհու մայրն` ամբաստանյալին. «Ես քեզ իմ ձեռքերով եմ սպանելու, մարդասպան սրիկա» 06/19/2014 21:34 | ՀՐԱՏԱՊ ԹԵՄԱ

22-ամյա մատուցողուհի Մարիամ Հունանյանի սպանության աղմկահարույց գործով այսօրվա դատական նիստն անցավ փոքր ինչ լարված մթնոլորտում: Փաստաբանն ինքնաբացարկի միջնորդություն հայտնեց դատարանին, ինչն ակնհայտորեն վրդովեցրեց սպանված աղջկա մորը` տուժողի իրավահաջորդին, ով դատարանում հայտարարեց. «Դուք լավ էլ գիտեք, որ Ձեր կողքի նստածը դիտավորյալ սպանել է իմ էրեխուն, հիմա մեղադրում եք դատավորին, դուք իրավունք չունեք դատավորին մեղադրելու, դատավորը ոչ իմ հորեղբայրն է, ոչ էլ…»:

Դատարանը տուժողի իրավահաջորդի ներկայացուցչի նկատմամբ սանկցիա կիրառեց և դուրս հրավիրեց, սակայն մինչև նիստերի դահլիճից դուրս գալը` կինը դիմելով ամբաստանյալին հայտարարեց. «ես քեզ իմ ձեռքերով եմ սպանելու, մարդասպան սրիկա»:

Նշենք, որ ամբաստանյալի պաշտպան Կրոմվել Գրիգորյանը, դատարանին ինքնաբացարկ հայտնելով, նշեց, որ մինչ իր և մյուս պաշտպանի գործին ներգրավվելը դատարանում հարցաքննվել են վկաներ, տուժողի իրավահաջորդը և ամբաստանյալ Դավիթ Թամրազյանը: Այսպիսով՝ 03. 02. 2014թ. տեղի ունեցած դատական նիստին դատարանի կողմից խախտվել է ՀՀ քրեական դատավարության 349-րդ հոդվածի պահանջները, այն է` նախաքննության ժամանակ գործին կցված և գործի համար նշանակություն ունեցող փաստաթղթերում արտացոլված և հաստատված հանգամանքները հրապարակելու փոխարեն հրապարակվել են միայն քրեական գործի փաստաթղթերը, այն էլ` ոչ թե ամբողջական, այլ միայն դրանց վերնագրերը: Չեն հրապարակվել և չեն հետազոտվել այն փաստաթղթերը, որոնցում արտացոլված կամ հաստատված են գործի համար նշանակություն ունեցող հանգամանքները, ինչպես նաև չեն հետազոտվել քրեական գործում առկա բջջային հեռախոսահամարների ելքային և մուտքային վերծանումները:

Պաշտպանը, մեջբերելով քրեադատավարության օրենսգրքի համապատասխան հոդվածը, մանրամասնեց, որ գործին նոր ներգրավվող պաշտպանը իրավունք ունի միջնորդել կրկնել ցանկացած գործողություն, որը դատական քննության ընթացքում կատարվել է նախքան իր ներգրավվելը գործին, և հավելեց, որ նախորդ նիստին գրավոր միջնորդել են կրկնել վկա Միլենա Միրիջանյանի և ամբաստանյալ Դավիթ Թամրազյանի հարցաքննությունները, հրապարակել նաև քրեական գործում առկա այն փաստաթղթերը, որոնցում արտացոլված և հաստատված են գործի համար նշանակություն ունեցող հանգամանքները, հետազոտել քրեական գործում առկա բջջային հեռախոսահամարների փաստաթղթային և լազերային սկավառակների տեսքով հեռախոսային խոսակցությունների ելքային և մուտքային վերծանումները:

Ըստ պաշտպանի, վկա Միլենա Միրիջանյանի նախաքննության և դատաքննության ընթացքում տված ցուցմունքներում առկա են բազմաթիվ հակասություններ, սակայն դրանց շուրջ դատարանի և դատավարության մասնակիցների կողմից հարցեր չեն առաջադրվել, վկան հակասող, սուտ ցուցմունքներ է տվել և ոչ ոք դատական նիստերի դահլիճում չի հետազոտել նրա ցուցմունքները, սակայն դատարանը, առանց պատճառաբանության, նախորդ դատական նիստում բավարարել է միայն ամբաստանյալի հարցաքննությունը կրկնելու միջնորդությունը:

Ըստ պաշտպանի սույն քրեական գործով ձեռք բերված ապացույցները չեն ենթարկում բազմակողմանի և օբյեկտիվ ստուգման:

Փաստաբանի գնահատմամբ` քրեական գործով դատավորը չի պահպանում օբյեկտիվություն և անկողմնակալություն, մեղադրանքի և պաշտպանության կողմերի համար չի ստեղծում գործի հանգամանքների բազմակողմանի և լրիվ հետազոտման անհրաժեշտ պայմաններ, դատավորը կաշկանդված է մեղադրանքի կողմի կարծիքներով և սեփական նախաձեռնությամբ քրեական գործով ճշմարտությունը բացահայտելու համար չի ձեռնարկում անհրաժեշտ միջոցներ:

Դատարանի դեմ ինքնաբացարկի այս միջնորդությանն առարկեց նաև մեղադրող դատախազը: Դատարանը մերժեց միջնորդությունը, որից հետո դատական նիստը հետաձգվեց: Հաջորդ՝ հունիսի 25-ին կայանալիք նիստում կրկին ցուցմունք կտա ամբաստանյալը: