Մատուցողուհու սպանության գործով ամբաստանյալը` «անարխի՞ստ», թե՞ «սատանիստ» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 18:49 Ուժեղ կարկտահարություն՝ Արմավիրում 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 11:34 Բագրատ արքեպիսկոպոս Գալստանյանը Կիրանց է մեկնում 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել

Մատուցողուհու սպանության գործով ամբաստանյալը` «անարխի՞ստ», թե՞ «սատանիստ» 02/20/2014 21:15 | ՀՐԱՏԱՊ ԹԵՄԱ

22-ամյա մատուցողուհի Մարիամ Հունանյանի սպանության աղմկահարույց գործով այսօրվա նիստում շարունակվեց ամբաստանյալի հարցաքննությունը: Վերջինս այսօր անդրադարձավ իր նախաքննական այն ցուցմունքին, որտեղ նշել էր, թե ինքը «անտիխրիստ» կազմակերպության անդամ է եղել` դրանք որակելով «ճոխ-ճոխ» ցուցմունքներ:

Ամբաստանյալը դատարանում հայտարարեց, թե այդկերպ փորձել է հակառակն ապացուցել, քանի որ տեղեկացել է, որ գործով վկա Միլենա Միրիջանյանը ոստիկանությունում ցուցմունք է տվել, թե ամբաստանյալը սատանիստ է:

Գործով նախագահողը` Երևանի Աջափնյակ և Դավթաշեն վարչական շրջանների դատարանի դատավոր Դավիթ Բալայանը, նկատեց, որ ամբաստանյալի ցուցմունքներում ոչ մի տրամաբանություն չկա:

Բայց մինչ այդ դատարանը հետազոտեց ամբաստանյալ Դավիթ Թամրազյանի նախաքննական ցուցմունքները:

Ըստ այդմ, հայտնի դարձավ, որ նախաքննության ընթացքում ամբաստանյալը պատմում է, թե ինչպես է ինքը դարձել «անտիխրիստ» կազմակերպության անդամ` նշելով, որ «odnoklassniki.ru» սոցցանցի միջոցով ծանոթացել է ոմն Խաչիկի հետ, ով գրանցված է եղել «Անտիխրիստ 666» անվամբ:

Ըստ այդ ցուցմունքի՝ ամբաստանյալը Խաչիկի և ուրիշների հետ 2 անգամ հանդիպել է գերեզմանոցում, և որ ինքը տեսել է, թե «թքել են խաչի վրա, բարձր ծիծաղել են»: Ապա Խաչիկն իրենից մի աղջկա հեռախոսահամար է ուզել՝ նրա հետ «քնելու» համար, եւ ինքը տվել է Մարիամի հեռախոսահամարը, քանի որ նրա հետ այլևս չէր շփվում: Իսկ հաջորդ օրն իմացել է, որ Մարիամին սպանել են, Խաչիկին հարցրել է, թե ինչու սպանեցիր, նա էլ ասել, թե այդպես էր պետք:

Ամբաստանյալը նախաքննական ցուցմունքում նշել է, թե Խաչիկն է սպանել Մարիամին, սակայն դժվարացել որեւէ տեղեկություն հայտնել՝ ոմն Խաչիկի բնակության կամ աշխատավայրի մասին:

Ամբաստանյալը նախաքննության ընթացքում նշել է, նա խաչ գողանալու համար Վրաստանում դատապարտվել է: Ամբաստանյալի խոսքով՝ այս ամենն ինքը հորինել է` ապացուցելու համար, որ ինքն այդ «անտիխրիստ» կազմակերպության անդամ չէ:

Ինչ վերաբերում է նախաքննական մարմնին տված այն ցուցմունքներին, որտեղ ամբաստանյալը նկարագրել է, թե ինչպես է աշխատավայրից վերցրել ֆիլե կտրելու համար նախատեսված դանակը, գնացել Մարիամ Հունանյանի բնակարան եւ սպանել նրան և թե հետո ինչպես է փորձել հետքերը մաքրել, ապա գնացել հանդիպելու Միլենա Միրիջանյանի հետ, ամբաստանյալը դատարանում հայտարարեց, թե դրանք գրել է բռնության և ճնշման ներքո:

«Քննչականի պետը ինչ թելադրել է, այն էլ գրել եմ»,- ասաց ամբաստանյալը:

Ի դեպ, փորձաքննությամբ պարզվել է, որ ամբաստանյալի տաբատի վրա հայտնաբերված այրան հետքերը չեն համընկնում սպանված Մարիամ Հունանյանի արյան հետ: Քննիչի այն հարցին, թե այդ հետքերը որտեղից են առաջացել` ամբաստանյալը նշել է, թե հնարվոր է աշխատավայրում խոհարարներից ինչ- որ մեկը վնասել է իրեն դանակով, իսկ ինքը օգնություն է ցուցաբերել:

Նշենք նաև, որ նախորդ նիստին ամբաստանյալը հայտարարեց, որ դեպքի օրը Մարիամը զանգահարել է իրեն և ասել, որ ուզում է հանդիպեն, նրա ձայնը իրեն մտահոգ է թվացել, կարծել է գումարային խնդիր կա, և ինքը կարող է օգնել, պայմանավորվել են հանդիպել, սակայն հանդիպումն այդպես էլ չի կայացել, քանի որ Մարիամը նրան տեղեկացրել է, որ պլանները փոխվել են, և ինքը Միլենայի հետ է հանդիպել:

Դատարանին այդպես էլ չհաջողվեց ստանալ այս հարցի պատասխանը, եթե Մարիամ Հունանյանի ձայնը ամբաստանյալին մտահոգ է թվացել, և իրենք պայմանավորվել են հանդիպել, ապա ինչու՞ դեպքի օրն այդպես էլ տեղի չի ունեցել նրանց հանդիպումը: