Վոլոդյա Ավետիսյանը մեկին խոստացել է զորամասում համակարգչային օպերատոր նշանակել, իսկ մյուսին՝ ազատել ծառայությունից. Նախաքննություն

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ)

Վոլոդյա Ավետիսյանը մեկին խոստացել է զորամասում համակարգչային օպերատոր նշանակել, իսկ մյուսին՝ ազատել ծառայությունից. Նախաքննություն 04/02/2014 19:32 | Քրեական խրոնիկոն

Պահեստազորի գնդապետ, խարդախության ու խարդախության փորձի մեջ մեղադրվող Վոլոդյա Ավետիսյանի գործով այսօր դատարանը մերժեց Ավետիսյանի պաշտպան Արա Զաքարյանի կողմից մեղադրող դատախազ Հենրիկ Պապիկյանին հայտնած բացարկը:

Ի հիմնավորումն բացարկի միջնորդության՝ պաշտպանը նշել էր, թե սույն գործով թույլ են տրվել քրեադավարական օրենքի կոպիտ խախտումներ, կամայականորեն սահմանափակվել են պաշտպանական կողմի իրավունքները, ինչի պատճառով էլ պաշտպանական կողմը կասկածի տակ է դնում սույն գործով մեղադրողի անաչառությունը:

Փաստաբանի ներկայացմամբ՝ սկզբնական փուլում պաշտպանական կողմը հրաժարվել է մասնակցել որևէ գործողության, ապա պահանջել, որպեսզի կատարվեն առերեսումներ, ինչը մերժվել է։ Ա.Զաքարյանի ներկայացմամբ, վարույթն իրականացնող մարմինը նշել է, թե ժամանակին չեն ցանկացել ոչ մի գործողության մասնակցել, այդ պատճառով էլ առերեսում չի կատարվում:

Բացի այդ, պաշտպանը հայտարարեց, որ այս գործը չպետք է քննվեր Պաշտպանության նախարարության քննչական ծառայության վարույթում, այլ պետք է ուղարկվեր ոստիկանություն, քանի որ խարդախության հետ կապված գործերը ընդդատյա են ոստիկանությանը։

Փաբտաբանի խոսքերով՝ ՊՆ քննչական ծառայությունը գործը պահել է իր վարույթում և հարցի հետ կապված բոլոր բողոքները անտեսվել են, ինչը տեղիք է տալիս մտածելու, որ ՊՆ-ն ուղղակիորեն շահագրգռված է՝ ի դեմս մեղադրողի, որպեսզի գործը գտնվի իրենց հսկողության տակ։ Ի դեպ, նշենք, որ դատարանում մեղադրանքը պաշտպանում է դատախազը։

Պաշտպանի խոսքից հետո դահլիճում գտնվող պահեստազորի գնդապետի համախոհները ծափահարեցին, և դատարանն առաջինը ծափահարողին դուրս հրավիրեց դահլիճից, իսկ մյուսներն էլ զգուշացվեցին:

Մեկ այլ միջնորդությամբ էլ պաշտպանական կողմը դատարանին խնդրեց ԱԱԾ-ից պահանջել այն բոլոր նյութերը և հիմքերը, որոնց հիման վրա ԱԱԾ-ն իրականացրել է օպերատիվ հետախուզական միջոցառումներ: Դատարանը գտավ, որ այս միջնորդության քննարկումն այս պահին վաղաժամ է և հետաձգեց մինչև որոշակի հանգամանքների պարզաբանումը:

Դատարանն այսօր սկսեց դատաքննությունը, եւ մեղադրող դատախազը հրապարակեց մեղադրական եզրակացության համառոտ բովանդակությունը: Ըստ մեղադրանքի՝ Վոլոդյա Ավետիսյանը մեղադրվում է խարդախությամբ հափշտակություն կատարելու մեջ։

Վոլոդյա Ավետիսյանը, հանդիսանալով պահեստազորի գնդապետ, չարաշահել է իր՝ որպես նախկին զինվորական ծառայողի նկատմամբ Երևան քաղաքի բնակիչ Ալբերտ Մաթոսյանի վստահությունը և վստահեցրել, թե զինվորական բարձրաստիճան պաշտոնատար անձանց միջոցով կարող է կարգավորել նրա՝ ԼՂՀ պաշտպանության բանակի թիվ N զորամասում ժամկետային զինվորական ծառայության նշանակված որդուն նույն զորամասում համակարգչային օպերատոր նշանակելու հարցը։

Ըստ քննության՝ չունենալով նման պայմանավորվածություն՝ 2013թ.հուլիսի 29-ին՝ ժամը 14:00-ի սահմաններում, Երևան քաղաքի Թումանյան 54 հասցեում գտնվող Ալեքսանդր Սպենդիարյանի անվան օպերայի և բալետի ազգային թատրոնի հարակից Ազատության հրապարակի տարածքում Ալբերտ Մաթոսյանից պահանջել է դրա դիմաց իրեն տրամադրել զգալի չափերի՝ 205.150 ՀՀ դրամին համարժեք 500 ԱՄՆ դոլար գումար, սակայն Ալբերտ Մաթոսյանը հրաժարվել է օգտվել Վոլոդյա Ավետիսյանի ծառայությունից, որի պատճառով վերջինս, իր կամքից անկախ հանգամանքներով, հանցագործությունն ավարտին չի կարողացել հասցնել:

Բացի այդ, Ավետիսյանը, խարդախությամբ հափշտակություն կատարելու դիտավորությամբ, կաշառք ստանալու պատրվակով՝ Շիրակի մարզի բնակիչ Հենրիկ Սարդարյանին վստահեցրել է, թե կարող է որոշ պաշտոնատար անձանց միջոցով՝ 5000 ԱՄՆ դոլարի դիմաց, նրա թոռանն ազատել պարտադիր ժամկետային զինծառայությունից։

Մեղադրանքի համաձայն՝ 2013թ. օգոստոսի 13-ին Արմավիր-Աշտարակ ավտոմայրուղում Հենրիկ Զաքարյանից Ավետիսյանը վերցրել է խոշոր չափի հասնող՝ 2000 ԱՄՆ դոլար և հափշտակել այն՝ գումարն օգտագործելով իր անձնական կարիքների համար:

Պահեստազորի գնդապետին մեղադրանք է առաջադրվել երկու հոդվածներով՝ ՀՀ քրեական օրենսգրքի 34-178 –րդ հոդվածի 2-րդ մասի 5-րդ կետով և 178-րդ հոդվածի 2-րդ մասի 2,5 կետով:

Դատարանում ամբաստանյալ Վոլոդյա Ավետիսյանը հայտարարեց, որ չի ընդունում մեղադրանքը և դատարանին խնդրեց դատական նիստը հետաձգել, քանի որ իրեն լավ չի զգում՝ նշելով, որ մինչև իրեն դատարան բերելը հիմնական խցից տեղափոխել են սպասողական խուց և շուրջ 3 ժամ պահել են ոչ մարդկային՝ 0 ջերմաստիճանի պայմաններում:

Ի դեպ, դատարանը տեղեկացրեց, որ վկաներ Հենրիկ Զաքարյանը և Օսաննա Զաքարյանը վերջինիս բուժման նպատակով մեկնել են Ռուսաստան: Դատարան էին ներկայացել նաև 2 վկա, սակայն ամբաստանյալը պնդեց, որ դատական նիստը հետաձգվի: