Անկախ փորձագետ. Քննչական նոր կոմիտեն պետք է օժտված լինի քաղաքական անկախությամբ

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 21:45 Վաղը այս հասցեներում լույս չի լինի 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 21:58 Ավտովթար Երևան-Սևան ավտոճանապարհին 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան

Անկախ փորձագետ. Քննչական նոր կոմիտեն պետք է օժտված լինի քաղաքական անկախությամբ 12/20/2013 17:18 | ԼՐԱՀՈՍ

ՀՀ կառավարության և Ազգային ժողովի կողմից «Քննչական կոմիտեի մասին» օրենքի ընդունվելուց և ուժի մեջ մտնելուց հետո Հայաստանում կձևավորվի մեկ միասկնական քննչական մարմին, որն իր մեջ կներառի մինչդատական վարույթ իրականացնող ներկայումս գործող բոլոր ինստիտուտները:

Միասնական քննչական մարմինն սկզբնապես ձևավորվելու է ՀՀ ոստիկանության և պաշտպանության նախարարության համակարգերում գործող քննչական մարմինների հիմքի վրա:

«Ակնկալվում է, որ մենք ապագա կառույցը կձևավորենք նրանով, որ կունանանք շատ խիստ մասնագիտացված քննիչներ՝ ըստ հանցագործության քննության մեթոդիկայի»,- այսօր քննչական կոմիտեի վերաբերյալ հերթական հանրային քննարկման ժամանակ նշեց ՀՀ նախկին գլխավոր դատախազ, օրենսդրական դաշտը մշակող հանձնաժողովի նախագահ Աղվան Հովսեփյանը:

«Մենք պրակտիկայից շատ լավ գիտենք, որ, օրինակ, սպանության գործ քննող քննիչները դժվարանում են քննել տնտեսական հանցագործությունների վերաբերյալ գործերը, և հակառակը»,- իր խոսքում նման օրինակ բերեց Ա.Հովսեփյանը՝ հավելելով. «Ապագա կառույցում պետք է ունենանք խիստ մասնագիտացում»:

Ի դեպ, նորաստեղծ կառույցի ապագա աշխատակիցների մասնագիտական հմտությունների և տեխնիկական կարողությունների խնդիրը, թերևս, ամենաքննարկվողներից էր: Կոմիտեում, օրինակ, նախատեսվում է ստեղծել առանձին աշխատասենյակներ քննչական որոշակի գործողությունների` անձի ճանաչման, առերես հարցաքննությունների, անգամ անչափահասների համար հատուկ կահավորված սենյակներ:

Ուշադրության կենտրոնում է նաև ժամանակակից քրեագիտական տեխնիկայով կոմիտեի հագեցվածության խնդիրը: Նորաստեղծ կառույցը նախատեսված է զինել այս բնագավառի վերջին տեխնիկական հայտագործություններով: Այս ամենը, բանախոսների համոզմամբ, կնպաստի քրեադատավարական նորմերի անշեղ կատարմանը և քննության արդյունքում ձեռք բերված ապացույցները դատարանում ավելի ծանրակշիռ դարձնելուն:

Բանախոսները կարևորեցին նաև քննչական փորձաքննությունների մակարդակի բարձրացումը, քննիչների անկախության և ինքնուրույնության ապահովումը, ինչպես նաև՝ բարձր որակավորմամբ անկողմնակալ քննիչներ ունենալը:

Նորաստեղծ կոմիտեի վերաբերյալ հաջորդ մտահոգությունն այդ կառույցի անկախության ապահովումն է:

Ինչպես իր խոսքում նշեց քննարկմանը ներկա ԵՄ փորձագետ Արենդ Վասթը, «Քննությունն արդեն իսկ անկախ է դատախազությունից, և այս նախաձեռնության նպատակը նաև գործադիրից անկախության ապահովելն է, ինչը նշանակում է, որ պետք է ապահովվի քաղաքական անկախություն»:

Նորաստեղծ պետական մարմին ունենալու նպատակը, ինչպես ի սկզբանե էլ հայտարարվել է, քաղաքական, իշխանության մյուս ճյուղերի, բոլոր ենթադրյալ ազդեցություններից անկախ մարմին ունենալն է, քանի որ արդարադատության երաշխիքը հենց մինչդատական վարույթի անկախ, օբյեկտիվ, բազմակողմանի և լրիվ քննությունն է:

«Ոչ մի քրեական գործ չի կարող անշարժ մնալ թեկուզ մի ժամ, ոչ ոքի չես կարող ասել` մի օր հետո հանցագործություն կատարիր, որ մենք պատրաստ լինենք, դրա համար մենք պիտի մեր սկզբունքները, մոտեցումները ապագա քննչական կոմիտեի վերաբերյալ արդեն այսօր ձևավորենք, որ վաղն ուղղակի աշխատենք»,-կարևորելով բոլոր հնարավոր խնդիրները կանխատեսելու ու դրանց նախապես լուծում տալու ուղղությամբ կատարվող քայլերը, այդ թվում նաև՝ այսօր ծավալված քննարկումը՝ նշեց Աղվան Հովսեփյանը:

Նախատեսվում է, որ կազմավորվելիք քննչական մարմինն իր աշխատանքը կսկսի արդեն 2014 թվականին: