Ոստիկանությունը չէր հաշվարկել՝ Թամարա Վարդանյանը երկքաղաքացի է. նա չի արտաքսվի

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/04/2024 18:49 Ուժեղ կարկտահարություն՝ Արմավիրում 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/05/2024 10:26 Ողբերգական դեպք՝ Արարատի մարզում. հայրական տանը հայրը հայտնաբերել է իր 25-ամյա որդու մարմինը, կողքին էլ՝ իր անվամբ հաշվառված հրացանը 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը 05/03/2024 14:03 Առաջիկա 5 օրերի եղանակային կանխատեսումները

Ոստիկանությունը չէր հաշվարկել՝ Թամարա Վարդանյանը երկքաղաքացի է. նա չի արտաքսվի 11/17/2013 11:23 | ՀՐԱՏԱՊ ԹԵՄԱ

Թամարա Վարդանյանը Հայաuտանի Հանրապետության երկքաղաքացի է, որն ունի Հայաuտանի Հանրապետության քաղաքացու համար նախատեuված բոլոր իրավունքները։

Այսպիսի եզրահանգման է եկել ՀՀ վարչական վերաքննիչ դատարանը՝ դատավոր Աշոտ Աբովյանի նախագահությամբ, քննելով Հայաստանի Հանրապետության ոստիկանության անձնագրային և վիզաների վարչության բողոքն ընդդեմ Հայաստանի Հանրապետության վարչական դատարանի՝ 2013 թվականի մայիսի 13-ի վճռի, որով մերժվել էր ոստիկանության պահանջը՝ Հայաստանի Հանրապետությունում առանց օրինական հիմքերի բնակվող Ռուսաստանի Դաշնության քաղաքացի Թամարա Վարդանյանին դատական կարգով Հայաստանի Հանրապետության տարածքից արտաքսելու վերաբերյալ:

Վերաքննիչ դատարանն արձանագրում է, որ օրենքը երկքաղաքացու փաստաթղթավորման՝ Հայաuտանի Հանրապետության երկքաղաքացու անձնագիր ստանալու հետ որևէ հետևանք չի կապում։

Վերադաս դատարանը վկայակոչում է Մարդու իրավունքների և հիմնարար ազատությունների պաշտպանության մասին կոնվենցիայի 4-րդ արձանագրության 3-րդ հոդվածը, ըստ որի՝ ոչ ոքի չի կարելի արտաքսել տարածքից, որի քաղաքացին է նա։

Նոյեմբերի 12-ի որոշմամբ՝ Վարչական վերաքննիչ դատարանը Հայաստանի Հանրապետության ոստիկանության անձնագրային և վիզաների վարչության վերաքննիչ բողոքը բավարարել է մասնակի` բեկանելով ՀՀ վարչական դատարանի՝ 2013 թվականի մայիսի 13-ի վճիռը միայն հետևյալ մասով. «Ոuտիկանության բնագավառում լիազորված պետական կառավարման մարմինը պարտավոր է քննարկել Թամարա Վարդանյանին ժամանակավոր կացության կարգավիճակ տալու հարցը, եթե վարչական վարույթի ընթացքում հաստատվի, որ վերջինս, այդուհանդերձ, չի հանդիսանում Հայաստանի Հանրապետության քաղաքացի»։

Վերաքննիչ դատարանը վերահաստատել է իր դիրքորոշումը՝ Թ.Վարդանյանը Հայաuտանի Հանրապետության երկքաղաքացի է, ուստի՝ «Օտարերկրացիների մասին» ՀՀ օրենքը նրա նկատմամբ կիրառելի չէ։

Իսկ Թամարա Վարդանյանին դատական կարգով Հայաստանի Հանրապետության տարածքից արտաքսելու պահանջը մերժելու մասին Հայաստանի Հանրապետության վարչական դատարանի՝ 2013 թվականի մայիսի 13-ի վճիռը բեկանելու մասով Հայաստանի Հանրապետության ոստիկանության անձնագրային և վիզաների վարչության վերաքննիչ բողոքը մերժվել է, և այդ մասով վճիռը թողնվել է անփոփոխ։

Հիշեցնենք, որ Հայաստանի Հանրապետության վարչական դատարանը` նախագահությամբ դատավոր Ռուզաննա Հակոբյանի, մայիսի 13-ի վճռով գտել է, որ Թամարա Վարդանյանին դատական կարգով արտաքսելու իրավական հիմքերը, մասնավորապես, «Օտարերկրացիների մասին» ՀՀ օրենքի 30-րդ հոդվածում թվարկված դեպքերից որևէ մեկը, առկա չեն։

Ըստ դատարանի՝ «Օտարերկրացիների մասին» ՀՀ օրենքը կարող է կիրառվել միայն նշված օրենքի սահմանմանը համապատասխանող օտարերկրացիների նկատմամբ. Ըստ օրենքի 2-րդ հոդվածի՝ «օտարերկրացիներ» հաuկացության մեջ ներառվում են Հայաuտանի Հանրապետության քաղաքացի չհամարվող այն անձինք, որոնք ունեն այլ պետության քաղաքացիություն կամ չունեն որևէ պետության քաղաքացիություն։

Մինչդեռ տվյալ դեպքում Թամարա Վարդանյանի քաղաքացիության հարցը վիճելի է եղել ոչ միայն նրա Հայաստանի Հանրապետություն մուտք գործելու պահին, այլ նաև՝ Թամարա Վարդանյանին ՀՀ տարածքից արտաքսելու վերաբերյալ գործ հարուցելու և դատարան ներկայացնելու մասին ՀՀ ոստիկանության ԱՎՎ վիզաների և ՕՔՀ բաժնի ավագ տեսուչ, ոստիկանության մայոր Տ.Չալյանի կողմից 14.09.2011թ. որոշումը կայացնելու պահի դրությամբ։

Դատարանն արձանագրել է, որ Թամարա Վարդանյանը Հայաստանի Հանրապետություն մուտք է գործել վերադարձի վկայականով, այսինքն՝ նա չի դիտվել որպես օտարերկրացի, հակառակ դեպքում նրան պետք է տրամադրվեր մուտքի վիզա։

Թամարա Վարդանյանի՝ Հայաստանի Հանրապետություն մուտք գործելու պահի դրությամբ, այսինքն` 2010 թվականին, ՀՀ վերադարձի վկայական տրամադրելու գործընթացը կարգավորվել է ՀՀ արտաքին գործերի նախարարության հյուպատոսական վարչության հանձնարարականով, որով սահմանված է եղել. «ՀՀ վերադարձի վկայականները տրվում են ՀՀ այն քաղաքացիներին, որոնք տվյալ պահին չունեն ՀՀ քաղաքացու կամ նախկին ԽՍՀՄ արտասահմանյան համաքաղաքացիական անձնագիր՝ անկախ հանգամանքներից (այդ թվում՝ կորցրած, գողացված, փչացրած ու ժամկետանց) ՀՀ վերադառնալու համար։

ՀՀ վերադարձի վկայականն այլ պետության քաղաքացուն տրամադրվելն արգելվում է՝ բացի ՀՀ ԱԳՆ կողմից բացառությամբ արտոնված դեպքերի»։