Քաղաքացին չի կարող արտաքսվել սեփական երկրից՝ ոստիկանությունը վիճարկում է

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 18:49 Ուժեղ կարկտահարություն՝ Արմավիրում 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/03/2024 11:34 Բագրատ արքեպիսկոպոս Գալստանյանը Կիրանց է մեկնում 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ» 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/03/2024 07:27 Ռոբերտ Քոչարյանը «Հայաստան» խմբակցության պատգամավորներին հորդորել է ակտիվ լինել թե՛ խորհրդարանում, թե՛ փողոցային պայքարում. «Ժողովուրդ»

Քաղաքացին չի կարող արտաքսվել սեփական երկրից՝ ոստիկանությունը վիճարկում է 10/22/2013 16:20 | ԼՐԱՀՈՍ

ՀՀ վարչական դատարան ներկայացրած հայցադիմումով ՀՀ ոստիկանության անձնագրային և վիզաների վարչությունը խնդրել էր ՀՀ-ում առանց օրինական հիմքերի բնակվող Ռուսաստանի Դաշնության քաղաքացի Թամարա Վարդանյանին դատական կարգով արտաքսել Հայաստանի Հանրապետության տարածքից։

Ըստ հայցվորի, 59-ամյա Թամարա Վարդանյանը Վրաստանում ՀՀ դեսպանության կողմից 28.04.2010թ. տրված վերադարձի վկայականով 06.05.2010թ. Բագրատաշենի սահմանային անցակետով հատել է Հայաստանի Հանրապետության պետական սահմանը:

Սկսած 2010 թվականից ՀՀ ոստիկանության ԱՎ վարչություն են ստացվել ՀՀ իրավասու տարբեր ատյաններին հասցեագրված ՌԴ քաղաքացի Թամարա Վարդանյանի դիմումները՝ ՀՀ-ում ժամանակավոր կամ մշտական կացության կարգավիճակ ստանալու կամ ՀՀ քաղաքացիություն ընդունելու վերաբերյալ։ ՀՀ ոստիկանության անձնագրային և վիզաների վարչության կողմից կատարվել են անհրաժեշտ հարցումներ և ստուգումներ, որոնց արդյունքում պարզվել է, որ Թ.Վարդանյանը հանդիսանում է ՌԴ քաղաքացի և գտնվում է հետախուզման մեջ Տաջիկստանի Հանրապետությունում քրեական օրենսգրքի 247-րդ հոդվածի 2-րդ մասի հատկանիշներով՝ խոշոր չափերի խարդախություն, խափանման միջոցը՝ կալանավորում։

Ըստ հայցվորի, Թ.Վարդանյանը մինչ օրս ՀՀ ոստիկանության անձնագրային և վիզաների վարչություն չի ներկայացրել ՀՀ-ում կացության համապատասխան կարգավիճակ և ՀՀ քաղաքացիություն ստանալու համար`ՀՀ կառավարության որոշումներով սահմանված փաստաթղթերը, և շարունակում է անօրինական հիմքերով բնակվել ՀՀ տարածքում։

Պնդելով, որ նյութերում բացակայում են Թ.Վարդանյանին ՀՀ֊-ից արտաքսելը բացառող՝ «Օտարերկրացիների մասին» ՀՀ օրենքի 32-րդ հոդվածով նախատեսված հանգամանքները, հայցվորի ներկայացուցիչը խնդրել է ՀՀ-ում առանց օրինական հիմքերի բնակվող Ռուսաստանի Դաշնության քաղաքացի Թամարա Վարդանյանին դատական կարգով արտաքսել Հայաստանի Հանրապետության տարածքից։

Մինչդեռ ըստ պատասխանող Թամարա Վարդանյանի, ինքը Հայաստանի Հանրապետության քաղաքացի է, քաղաքացիություն ձեռք է բերել «Հայաստանի Հանրապետության քաղաքացիության մասին» ՀՀ օրենքի 10-րդ հոդվածի ուժով, քանի որ մինչև 05.07.1995թ.՝ ՀԽՍՀ քաղաքացի լինելով՝ մշտապես բնակվել է Հայաստանի Հանրապետությունում։ Այսինքն՝ Հայաստանի Հանրապետության քաղաքացի Թամարա Վարդանյանը չի կարող արտաքսվել սեփական երկրից։

Հայաստանի Հանրապետության վարչական դատարանը` նախագահությամբ դատավոր Ռուզաննա Հակոբյանի, մայիսի 13-ի վճռով գտել է, որ Թամարա Վարդանյանին դատական կարգով արտաքսելու իրավական հիմքերը, մասնավորապես, «Օտարերկրացիների մասին» ՀՀ օրենքի 30-րդ հոդվածում թվարկված դեպքերից որևէ մեկը, առկա չեն։ Այդ հոդվածի համաձայն, օտարերկրացին պարտավոր է կամավոր հեռանալ Հայաuտանի Հանրապետության տարածքից, եթե լրացել է նրա մուտքի վիզայի կամ կացության կարգավիճակի վավերականության ժամկետը, մուտքի վիզան ուժը կորցրած է ճանաչվել uույն oրենքի 8-րդ հոդվածի 1-ին, 2-րդ և 3-րդ մաuերում նշված հիմքերով, մերժվել է նրա` կացության կարգավիճակ uտանալու կամ ժամկետը երկարաձգելու համար դիմումը, նա uույն oրենքի 21-րդ հոդվածում նշված հիմքերով զրկվել է կացության կարգավիճակից։

Բացի այդ, ըստ դատարանի, «Օտարերկրացիների մասին» ՀՀ օրենքը կարող է կիրառվել միայն նշված օրենքի սահմանմանը համապատասխանող օտարերկրացիների նկատմամբ. Ըստ օրենքի 2-րդ հոդվածի, «օտարերկրացիներ» հաuկացության մեջ ներառվում են Հայաuտանի Հանրապետության քաղաքացի չհամարվող այն անձինք, որոնք ունեն այլ պետության քաղաքացիություն (oտարերկրյա քաղաքացիներ) կամ չունեն որևէ պետության քաղաքացիություն (քաղաքացիություն չունեցող անձինք)։ Մինչդեռ տվյալ դեպքում Թամարա Վարդանյանի քաղաքացիության հարցը վիճելի է եղել ոչ միայն նրա Հայաստանի Հանրապետություն մուտք գործելու պահին, այլ նաև Թամարա Վարդանյանին ՀՀ տարածքից արտաքսելու վերաբերյալ գործ հարուցելու և դատարան ներկայացնելու մասին ՀՀ ոստիկանության ԱՎՎ վիզաների և ՕՔՀ բաժնի ավագ տեսուչ, ոստիկանության մայոր Տ.Չալյանի կողմից 14.09.2011թ. որոշումը կայացնելու պահի դրությամբ։

Դատարանն արձանագրում է, որ Թամարա Վարդանյանը Հայաստանի Հանրապետություն մուտք է գործել վերադարձի վկայականով, այսինքն՝ նա չի դիտվել որպես օտարերկրացի, հակառակ դեպքում նրան պետք է տրամադրվեր մուտքի վիզա։

Թամարա Վարդանյանի Հայաստանի Հանրապետություն մուտք գործելու պահի դրությամբ, այսինքն` 2010 թվականին ՀՀ վերադարձի վկայական տրամադրելու գործընթացը կարգավորվել է ՀՀ արտաքին գործերի նախարարության հյուպատոսական վարչության հանձնարարականով, որով սահմանված է եղել. «ՀՀ վերադարձի վկայականները տրվում են այն ՀՀ քաղաքացիներին, որոնք տվյալ պահին չունեն ՀՀ քաղաքացու կամ նախկին ԽՍՀՄ արտասահմանյան համաքաղաքացիական անձնագիր, անկախ հանգամանքներից (այդ թվում կորցրած, գողացված, փչացրած ու ժամկետանց) ՀՀ վերադառնալու համար։

ՀՀ վերադարձի վկայականն այլ պետության քաղաքացուն տրամադրվելն արգելվում է, բացի ՀՀ ԱԳՆ կողմից բացառությամբ արտոնված դեպքերի»։

Վարչական դատարանն արձանագրում է, որ «Հայաստանի Հանրապետության քաղաքացիության մասին» ՀՀ օրենքի 10-րդ հոդվածի 1-ին մասի համաձայն` Հայաuտանի Հանրապետության քաղաքացիներ են ճանաչվում` Հայաuտանի Հանրապետությունում մշտապեu բնակվող նախկին ՀԽUՀ քաղաքացիները, ովքեր մինչև Uահմանադրության ուժի մեջ մտնելը ձեռք չեն բերել այլ պետության քաղաքացիություն կամ հրաժարվել են դրանից` uույն oրենքի ուժի մեջ մտնելու oրվանից մեկ տարվա ընթացքում։

Պատասխանողի և նրա ներկայացուցչի պնդմամբ, Թամարա Վարդանյանը մինչև Uահմանադրության ուժի մեջ մտնելը, այն է` մինչև 05.07.1995թ., ՀԽUՀ քաղաքացի լինելով և մշտապես բնակվելով Հայաuտանի Հանրապետությունում «Հայաստանի Հանրապետության քաղաքացիության մասին» ՀՀ օրենքի 10-րդ հոդվածի 1-ին մասի հիմքով ձեռք է բերել Հայաստանի Հանրապետության քաղաքացիություն, ուստի նա, որպես Հայաստանի Հանրապետության քաղաքացի, չի կարող արտաքսվել Հայաստանի Հանրապետությունից։

«Մարդու իրավունքների և հիմնարար ազատությունների մասին» Եվրոպական Կոնվենցիայի 4-րդ արձանագրության 3-րդ հոդվածի համաձայն` ոչ մեկին չի կարելի անհատապեu կամ կոլեկտիվ կերպով արտաքuել այն պետության տարածքից, որի քաղաքացին է նա։ Հետևաբար, մինչ Թամարա Վարդանյանի արտաքսման վերաբերյալ հայցադիմումը դատարան ներկայացնելը, ՀՀ ոստիկանության անձնագրային և վիզաների վարչությունը պետք է ձեռք բերեր անհերքելի ապացույցներ այն մասին, որ Թամարա Վարդանյանը չի հանդիսանում ՀՀ քաղաքացի։

Վարչական դատարանն այսպիսով մերժել է ՀՀ ոստիկանության անձնագրային և վիզաների վարչության հայցը ՀՀ-ում առանց օրինական հիմքերի բնակվող Ռուսաստանի Դաշնության քաղաքացի Թամարա Վարդանյանին դատական կարգով Հայաստանի Հանրապետության տարածքից արտաքսելու պահանջի մասին։

Դատարանը միաժամանակ նշել է, որ Ոuտիկանության բնագավառում լիազորված պետական կառավարման մարմինը պարտավոր է քննարկել Թամարա Վարդանյանին ժամանակավոր կացության կարգավիճակ տալու հարցը, եթե վարչական վարույթի ընթացքում հաստատվի, որ վերջինս այդուհանդերձ չի հանդիսանում Հայաստանի Հանրապետության քաղաքացի։

ՀՀ ոստիկանության անձնագրային և վիզաների վարչությունը բողոքարկել է վճիռը Վարչական վերաքննիչ դատարան, որի որոշումը կհրապարակվի նոյեմբերի 12-ին: