Մեղադրողը միջնորդեց Ստեփան Հակոբյանին դատապարտել 15 տարվա ազատազրկման

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 18:49 Ուժեղ կարկտահարություն՝ Արմավիրում 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 11:34 Բագրատ արքեպիսկոպոս Գալստանյանը Կիրանց է մեկնում 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ» 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը

Մեղադրողը միջնորդեց Ստեփան Հակոբյանին դատապարտել 15 տարվա ազատազրկման 11/11/2013 14:28 | ՀՐԱՏԱՊ ԹԵՄԱ

Մալաթիա-Սեբաստիա տարածքի նախկին թաղապետ Վահան Զատիկյանի որդու` 1980 թ. ծնված Սեդրակ Զատիկյանի սպանությունը պատվիրելու վերաբերյալ գործով այսօր մեղադրող Արմեն Մարուխյանը միջնորդեց ամբաստանյալ Ստեփան Հակոբյանին դատապարտել 15 տարվա ազատազրկման:

Երևանի Մալաթիա-Սեբաստիա վարչական շրջանի դատարանում՝ դատավոր Տիգրան Պետրոսյանի նախագահությամբ, այսօրվա իր մեղադրական ճառում մեղադրողը նախաքննության ու դատաքննության ապացույցներով հիմնավորված համարեց Ստեփան Հակոբյանին առաջադրված մեղադրանքն, ըստ որի` Ստեփան Հակոբյանը Նարեկ Խաչատրյանի հետ նախնական համաձայնությամբ, նախկինում ունեցած վեճի պառճառով վրեժխնդիր լինելու նպատակով, Արսեն Առուշանյանին նյութապես շահագրգռելով դրդել` պատվիրել են սպանել Սեդրակ Զատիկյանին:

Մեղադրողը հիմնավորված համարեց նաև ապօրինի կերպով փամփուշտներ ձեռք բերելու ու մինչև 2006թ. հունիսի 23-ն ապօրինի կերպով պահելու Ստեփան Հակոբյանին առաջադրված մեղադրանքը. փամփուշտները հայտնաբերվել էին 2006 թվականի հունիսի 23-ին` իրեն պատկանող տանը կատարված խուզարկությամբ: Սեդրակ Զատիկյանը սպանվել էր 2006թ. հունիսի 22-ին` Սեբաստիա փողոցում. արձակված կրակահերթից մահացել էր նաև պատահական մի անցորդ՝ երեք անչափահաս երեխաների մայր Կարինե Սարգսյանը:

Ըստ մեղադրողի` Ստեփան Հակոբյանի մեղադրանքը հիմնավորվում է վկաներ Ահարոն Հակոբյանի ու Արամայիս Սեդրակյանի նախաքննական ցուցմունքներով: Նրանք դատարանում հրաժարվել էին այդ ցուցմունքներից և հայտնել, որ դրանք իրենց նկատմամբ քննության խորթ մեթոդների կիրառման հետևանք են: Մեղադրող կողմը անարժանահավատ է համարում դատաքննական ցուցմունքները, որոնք նպատակ ունեն ամբաստանյալին ազատել պատասխանատվությունից: Նրանց այս հայտարարությունները հերքվել են Հատուկ քննչական ծառայության կողմից, իսկ քրեական գործի հարուցումը մերժվել՝ հանցադեպի բացակայության հիմքով: Մեղադրանքն, ըստ Արմեն Մարուխյանի, հիմնավորվել է նաև պաշտպանության ներքո գտնվող վկաներ Արամ Արամյանի ու Գրիգոր Գրիգորյանի, ինչպես նաև բուն սպանության գործով դատապարտյալներ Արթուր Հովհաննիսյանի ու Լուսինե Ղևոնդյանի ցուցմունքներով` սպանության գործով օրինական ուժի մեջ մտած դատավճռով:

Ըստ մեղադրող կողմի, մեղադրանքը հիմնավորվում է նաև հեռախոսային զանգերի վերծանումներով. սպանությունից 5 րոպե հետո, սպանության համար դատապարտված Արսեն Առուշանյանի հեռախոսահամարից Ստեփան Հակոբյանի հեռախոսահամարին կատարված զանգը և ողջ օրվա ընթացքում ընդհանուր առմամբ 17 զանգերը վկայում են կատարող-պատվիրատու կապի մասին:

Տուժողի իրավահաջորդի ներկայացուցիչ Վաղարշակ Գևորգյանը ամբողջությամբ միացավ մեղադրողի դիրքորոշմանն ու հիմնավորումներին և դատարանին փոխանցեց տուժողի հարազատների դիրքորոշումը. Ս.Հակոբյանի նկատմամբ նշանակել հոդվածի սանկցիայով նախատեսված առավելագույն խիստ պատիժ: Ըստ տուժողի իրավահաջորդի ներկայացուցչի` «մենք հստակ ու կատեգորիկ դիրքորոշում ունենք՝ քաղհայցի միջնորդություն չունենք ու չենք ներկայացնում»:

Ամբաստանյալի պաշտպան, փաստաբան Երեմ Սարգսյանը «Փաստինֆո»-ի թղթակցի հետ զրույցում նշեց, որ, մասնավորապես, հեռախոսային վերծանումներով միայն զանգն է ֆիքսվել, Ստեփան Հակոբյանի հեռախոսից այլ անձինք էլ էին խոսում: Բացի այդ, ապացույցը չի կարող թույլատրելի համարվել, քանի որ վերծանումները կատարվել են առանց դատարանի որոշման:

Պաշտպանության միջոց կիրառված վկա Գրիգոր Գրիգորյանը հայտարարել է, որ նախաքննության ընթացքում իր հանդեպ ապօրինություններ են կատարվել. անհիմն պահվել է ոստիկանության բաժնում, սակայն ոչ մեկի կողմից այդ հայտարարությունը ուշադրության չի արժանացել: Ոչ ոք չի հարցաքննվել նաև դատապարտյալ Արթուր Հովհաննիսյանի այն հայտարարության հետ կապված, որ իր և իր կնոջ հետ միասին դատախազության շենք մտնելուց ի վեր իրենց հանդեպ ապօրինություններն սկսվել են:

Նոյեմբերի 26-ին ճառերով հանդես կգա պաշտպանական կողմը: Պաշտպան Երեմ Սարգսյանն այսօր 15 օր ժամանակ խնդրեց ճառի հրապարակմանը նախապատրաստվելու համար: