Ալվինան հարբած վիճակում քարշ տալով «սպանել» է ընկերոջը «Համերի» հետևից կախված վիճակում - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/06/2024 16:43 Գուգարաց թեմն առաջին օրվանից է միացել ստի ու կեղծիքի դեմ պայքարին. Տեր Հովնան եպիսկոպոս Հակոբյան 05/06/2024 15:37 Բագրատ Սրբազանի խոսքը տեղ է հասել. արձագանքում են կառավարությունից 05/06/2024 20:41 Շարժումը հրապարակել է նոր քայլերգը՝ Բյուր սրտերում 4 արժեք է դաջված Հայ, Հայաստան, Հայրենիք ու Աստված 05/07/2024 11:33 Արտառոց դեպք՝ Երևանում․ շտապօգնության 22-ամյա բժիշկը 20-ամյա աղջկան սեփական ավտոմեքենայում ներարկում է կատարել, միացրել է կաթիլային, բռնի ուժով համբուրել և թույլ չի տվել դուրս գալ ավտոմեքենայից 05/07/2024 08:16 Փաշինյանն այսօր կմիանա արշավին․ «Հրապարակ» 05/06/2024 10:12 Հայ առաքելական եկեղեցու Շիրակի թեմը հանդես է եկել կոչով 05/06/2024 20:34 Ադրբեջան սարքովի պետության հետ խաղաղության պայմանագրի կնքումից խոսող ՀՀ վարչապետի աթոռից կառչած անձը հիշու՞մ է 2004 թ. փետրվարի 19-ի գիշերվա մասին 05/05/2024 22:13 Փաշինյանի աշխատակազմի ղեկավարի տեղակալի Facebook-ի էջի ետնանկարում Իլհամ Ալիևին պատկանող հյուրանոցի լուսանկարն է. Ղազարյան 05/06/2024 17:49 Առանց մեկնաբանության. Տեր Եսայի Արթենյանը՝ Ալեն Սիմոնյանի հայտարարության մասին 05/05/2024 21:24 Արցախցի երիտասարդները միացել են Սրբազանի քայլերթին. ծածանվում են Հայաստանի ու Արցախի դրոշները, վարորդները ողջունում ազդանշաններով (տեսանյութ) 05/06/2024 12:48 Իշխանափոխություն հիմա չի լինելու. Ալեն Սիմոնյան 05/05/2024 16:16 Որևէ երաշխիք չկա.հանձնելուց` պատերազմ, չհանձնելուց` պատերազմ. Սրբազան 05/06/2024 14:59 Քանի՞ անգամ կարելի է նույն տրամաբանությամբ փորձել այն, ինչ-որ մենք ենք արել, նոր բան մտածեք. Ալեն Սիմոնյան 05/05/2024 20:44 Երևանում՝ դաշտամիջյան հատվածում, ծառից կախված հայտնաբերվել է տղամարդու մարմին 05/05/2024 19:49 Ցանկանում են առանց ընտրությունների իշխանություն վերցնել. Արսեն Թորոսյան 05/06/2024 20:19 Տավուշից մեկնարկած երթը 30 000 -50 000-ով կմտնի Երևան. Ալեն Սիմոնյանը ու մյուսները թող հանգիստ նստեն տեղներն ու սպասեն, իմպիչմենտի ժամանակը գալու է. Արթուր Գևորգյան 05/05/2024 22:25 Դեպի Երեւան երթը կմեկնարկի Սեւանի թերակղզու խաչմերուկից 05/06/2024 17:15 Երթին ընդառաջ ոստիկանական ուժեր են կենտրոնացվել 05/06/2024 15:15 Ընդհանուր հայտարարություն կլինի, ես մեջը կլինեմ. Սյունյաց թեմի առաջնորդական տեղապահ 05/05/2024 22:07 Արտակարգ դեպք՝ Երևանում. պայթյուն-հրդեհ՝ «Տոչկա» ակումբում

Ալվինան հարբած վիճակում քարշ տալով «սպանել» է ընկերոջը «Համերի» հետևից կախված վիճակում 08/30/2013 16:32 | ԼՐԱՀՈՍ

1in. am կայքը տեղեկացնում է, որ Կոտայքի մարզի ընդհանուր իրավասության դատարանում Մեսրոպ Մակյանի նախագահությամբ ավարտվել է Ալվինա Հարությունյանի գործի դատավարությունը:

Ըստ դատական ակտի՝ 2012 թվականի հունվարի 26-ի երեկոյան 22-ամյա Ալվինա Հարությունյանը Երևանի «Բելաջիո» ռեստորանում մասնակցել է մոր ընկերուհու ծննդյան տոնակատարությանը: Մի քանի բաժակ օղի է խմել:

Ռեստորանում գտնվելու ժամանակ նրան զանգահարել է ընկերը՝ Նարեկը, առաջարկել է հանդիպել:

Ժամը 23-ն անց 30-ի սահմաններում Ալվինան հանդիպել է Նարեկին ու նստել նրա վարած «Համեր» մակնիշի մեքենան:

Նարեկը մեքենան վարել է Աբովյան քաղաք տանող ճանապարհով: Նա արագ է ընթացել, բարկացել ու վիճաբանել է Ալվինայի հետ, որ առանց իրեն տեղեկացնելու «Բելաջիո» է գնացել:

Ալվինան խնդրել է կանգնեցնել մեքենան: Նարեկը չի կանգնել:

Ալվինան ընթացքի ժամանակ բացել է մեքենայի դուռը: Նարեկը Կոտայքի մարզի Առինջ գյուղ տանող ճանապարհի կամրջի մոտ կանգնեցրել է մեքենան, լույսերը թողել է միացված, շարժիչը՝ գործարկված վիճակում:

Ալվինան իջել է մեքենայից: Նարեկն էլ է իջել, մոտեցել է Ալվինային, փորձել է նրան նստեցնել մեքենա:

Ալվինան նստել է մեքենայի ղեկին, ընդհանուր փականով փակել մեքենայի դռները: Նարեկը չի կարողացել դուռը բացել ու մեքենա նստել: Նա գնացել է դեպի մեքենայի աջ կողմը, կանգնել ոտնահարթակի վրա ու կառչել մեքենայի տանիքից:

Ալվինան, Նարեկից փախչելու համար, մեքենայի փոխանցման տուփը դրել է «ընթացք» դիրքում, մեքենան վարել ու Երևան-Սևան ավտոճանապարհին, ընթանալով Սևան տանող ուղեմասով, խախտել է ՃԵԿ պահանջները՝ առանց վարորդական վկայականի, ոչ սթափ վիճակում տրասպորտային միջոցը վարել է տվյալ պայմանների համար սահմանված առավելագույն արագությունը գերազանցող՝ մոտ 100-120 կմ/ժ արագությամբ, հաշվի չի առել ճանապարհային ու օդերևութաբանական պայմանները՝ ճանապարհի ծածկույթի վիճակն ու տեսանելիությունը, ինչի հետևանքով մեքենայից բռնված Նարեկը վայր է ընկել ճանապարհի ծածկույթին, ստացել կրծքավանդակի փակ, բութ վնասվածք և առաջացած հեմոռագիկ շոկից մահացել է:

Նարեկը՝ կասկադյոր, իսկ Ալվինան «կինոյի աղջիկը» չէր, կատարվողն էլ ոչ թե կինոնկարահանում, ոչ թե ուրախ արկած, այլ իրականություն էր՝ ձմեռային ճանապարհի բոլոր բարդություններով ու արագընթաց մեքենայից կառչած երիտասարդին սպառնացող իրական վտանգներով...

ՀՀ քրեական օրենսգրքի 242 հոդվածի 2-րդ մասով Ալվինա Հարությունյանն իրեն մեղավոր չի ճանաչել: Նա հայտնել է, թե Նարեկի հետ ծանոթացել է չորս տարի առաջ: Իրենց հարաբերությունները եղել են շատ լավ, իրենք սիրել են միմյանց:

Նարեկի մայրը դեմ է եղել իրենց հարաբերություններին: Նա զանգահարել է իր մորն ու ասել իր վերաբերմունքի մասին: Իր մայրն արգելել է ընկերություն անել Նարեկի հետ: Բայց ինքն առանց Նարեկի ապրել չի կարողացել, հավաքել է շորերը, փախել տնից ու ապրել Նարեկի հետ:

Բավական ժամանակ ապրել են երկուսով: Ինքն զգացել է, որ երբ Նարեկը ծնողների տուն է գնում ու վերադառնում, վերաբերմունքը փոխում է իր հանդեպ, դառնում է սառը:

Որոշ ժամանակ անց Նարեկը մեկնել է Ռուսաստան, ապա զանգել ու ասել է, թե կարոտել է, կանչել է մոտը: Ինքը մեկնել է, մեկուկես ամիս մնացել ու հասկացել է, որ Նարեկի հանդեպ այլևս զգացմունքներ չունի: Խնդրել է, որ նա իրեն ուղարկի Հայաստան:

Վերադառնալով Հայաստան՝ սկսել է քիչ շփվել Նարեկի հետ, հազվադեպ են զանգել իրար:

2011 թվականի դեկտեմբերին Հայաստան է եկել նաև Նարեկը: Նա հենց առաջին օրն այցելել է իրեն: Խոսել ու հասկացել են, որ նախկին հարաբերությունները վերականգնել հնարավոր չէ, որոշել են այլևս կապ չունենալ իրար հետ:

Ամանորին Նարեկը եկել է իրենց տուն, միասին նշել են Նոր տարին, խոսել ու որոշել են շարունակել ընկերությունը: Որոշ ժամանակ ամեն բան նորմալ է եղել, բայց դեպքից երկու-երեք օր առաջ նորից վիճել են:

«Բելաջիո» ռեստորանից ինքը ցանկացել է տաքսիով տուն գնալ, բայց Նարեկը մեքենայով հետապնդել է, իրեն ուժով նստեցրել «Համերը»:

Մեքենան վարել է դեպի Աբովյան քաղաք: Անընդհատ վիճաբանել է իր հետ, սկսել է ծեծել: Ընթացքի ժամանակ ինքը խնդրել է կանգնեցնել մեքենան, բաց թողնել իրեն, բայց Նարեկը շարունակել է առաջ ընթանալ ու միաժամանակ հարվածներ հասցնել իրեն:

Ուրիշ ելք չունենալով՝ ինքն ընթացքի ժամանակ բացել է մեքենայի դուռը՝ ցանկանալով դուրս նետվել: Նարեկը կանգնեցրել է մեքենան: Ինքը իջել է, բայց Նարեկն իր մազերից բռնած՝ նորից նստեցրել է առջևի աջ նստատեղին: Երբ նա փակել է դուռը, դռների փականներն ինքնուրույն փակվել են:

Նարեկը, գալով վարորդի դռան կողմը, չի կարողացել նստել: Պտտվել ու նորից եկել է աջ դռան մոտ:

Վախենալով, որ Նարեկը կծեծի իրեն, նրանից փախչելու նպատակով ինքը ուղևորի նստատեղից տեղափոխվել է վարորդի տեղը և ընթացել է առաջ:

Չի հիշում, թե ինչ արագությամբ է ընթացել, որքան տարածություն է անցել: Հետևից ընթացող մեքենայի լուսային ազդանշաններից է հասկացել, որ կանգնեցնում են իրեն:

Կանգնել է, մեքենայից իջել ու տեսել, որ ճամփեզրին մարդիկ են հավաքվել: Մի քիչ առաջացել ու տեսել է, որ Նարեկն ընկած է: Խնդրել է, որ նրան տեղափոխեն հիվանդանոց:

Մի տաքսիով տեղափոխել են հիվանդանոց, որոշ ժամանակ անց Նարեկը մահացել է:

Ամբաստանյալը դատարանում նշել է, թե սիրել է Նարեկին, չէր կարող ցանկանալ, որ մահ կամ որևէ վնաս պատճառի նրան:

Նա պնդել է, թե չի իմացել, որ Նարեկը կանգնած է մեքենայի աջ ոտնահարթակին, հակառակ դեպքում մեքենան կկանգնեցներ: Ամբաստանյալը հայտնել է, թե Նարեկին հիվանդանոց տանելու ճանապարհին վկա Էդվարդին չի ասել, որ մեքենայից կախված Նարեկը բղավել է՝ «մեռա, ես մեռա...», ու ինքը, մեքենան վարելով, լսել է այդ գոռոցը:

Դատարանն ամբաստանյալի ցուցմունքը գնահատել է ոչ արժանահավատ:

Վկա Էդվարդը ներկայացրել է, որ դեպքի օրը իր մեքենայով միայնակ ընթացել է Կոտայքի մարզի Վերին Պտղնիի հատվածով:

«Մուշ» ռեստորանի մոտ իրեն վազանց է կատարել «Համեր» մակնիշի մեքենան: Ինքը նկատել է, որ այդ մեքենայի դրսային հատվածի աջ ոտնակի վրա անշարժ կանգնած է մի տղամարդ՝ ձեռքերով մեքենայի տանիքից բռնած:

Ինքը լուսային ու ձայնային ազդանշաններով փորձել է զգուշացնել «Համերի» վարորդին, որ կանգ առնի: Նկատել է, որ մեքենայի ոտնակին կանգնած տղամարդու դեմքին ձյուն է լցվել, նա չի կարողացել այլևս պահել իրեն, բաց է թողել ձեռքերը, ընկել գետնին ու մոտ 10-15 մետր գլորվել առաջ:

Մանրամասները կարող եք կարդալ սկզբնաղբյուր կայքում: