Վկան հերքեց, թե ինքը ոստիկանության գործակալ է

ԲՈԼՈՐ ՆՅՈՒԹԵՐԸ

Բոլորը

05/25/2024 11:57 Վանաձորում թալանել են տեղի հայտնի առևտրականին․ հարվածել են գլխին ու հափշտակել «Lexus»-ը, որի մեջ եղել է 40 հազար դոլար և 36 մլն դրամ 05/26/2024 10:09 Դեբեդ գետի վարարման հետևանքով նախնական տվյալներով կա 1 զոհ, Գետն ընկած ավտոմեքենաներ՝ արգելափակված քաղաքացիներով 05/26/2024 08:45 Ալավերդիում աղետ է. հորդառատ անձրևից վարարած Դեբեդն իր ճամփին քշել տարել է ամեն բան, քանդել ճանապարհներ 05/26/2024 10:29 Ալավերդի բնակավայրը ջրածածկված է. իրավիճակը առավոտվա ժամը 8-ի դրությամբ (լուսանկարներ) 05/25/2024 20:06 Բագրատ արքեպիսկոպոսի հյուրանոցային համարում փորձել են լսող սարք տեղադրել 05/26/2024 17:46 Բագրատ Սրբազանը Վեհափառին խնդրել է սառեցնել իր 30-ամյա հոգեւոր ծառայությունը 05/26/2024 22:21 Դեռևս չպարզված հանգամանքներում զինծառայող է մահացել 05/26/2024 21:28 Որքան մարդ է մասնակցել հանրահավաքին.ԻՔՄ-ն հրապարակել է իր թվերը 05/26/2024 09:03 Լոռու մարզում արտակարգ իրավիճակ է. վարարել է նաեւ Ձորագետը ու քանդել Հայաստան-Վրաստան միջպետական ճանապարհը 05/25/2024 13:41 Իրանի արեւմուտքում պայթել է գազատար խողովակը. կան զոհեր 05/25/2024 16:52 Արցախցիների մի մարդու պես հեռանալը խառնեց բոլորի խաղաքարտերը. դա հաշվի չէին առել ոչ ՌԴ-ն, ոչ միջազգային խաղացողները, ոչ ՀՀ-ն ու Ադրբեջանը 05/25/2024 08:33 Ի՞նչ են ցույց տալիս փաստաբանների հաղթանակները դատարաններում. «Փաստ» 05/26/2024 15:40 Հանրապետության հրապարակում մեկնարկում է Փաշինյանի հրաժարականով հանրահավաքը. ուղիղ միացում 05/26/2024 19:33 Ես դժվարանում եմ հավատալ, որ մեր Հեղինեն է, ես շատ մտերիմ եմ եղել իրենց ընտանիքի հետ. Բագրատ Սրբազանը` իրեն գաղտնալսելու մասին 05/25/2024 12:04 Փաշինյանի անվտանգության աշխատակիցները բռնի ուժ են կիրառել լրագրող Անի Գեւորգյանի նկատմամբ (տեսանյութ) 05/26/2024 12:14 Վանաձորում, Ստեփանավանում և Ամրակից գյուղում ջրալցվել են տներ. Նախնական տվյալներով վտանգավոր տարածքներից տարհանվել են 232 քաղաքացի 05/26/2024 11:23 Հաղարծին գյուղում վարարած Աղստևը 2 տուն քշել-տարել է. Սարգսյան 05/25/2024 16:01 Ամենայն պատասխանատվությամբ ասում եմ՝ Նիկոլ Փաշինյան, քո քաղաքական կյանքի վերջին օրերն ես ապրում. Բագրատ Սրբազան (տեսանյութ) 05/26/2024 13:47 Չի բացառվում ամբարտակի փլուզւոմ, ինչը կոչնչացնի մնացած ամբողջը, ինչ որ մնում է դեռ հեղեղից. Պապինյան 05/25/2024 12:44 Բաղանիսում Փաշինյանը հանդիպում է բնակիչների հետ (տեսանյութ)

Վկան հերքեց, թե ինքը ոստիկանության գործակալ է 06/07/2013 17:35 | Քրեական խրոնիկոն

Եվս 4 անձանց հետ Ոստիկանության Կենտրոնականի բաժին բերման ենթարկված վկա Քերոբ Սիմոնյանն այսօր դատարանում հայտնեց, որ ոստիկանության բաժնում «միամիտ» հանդիպել տուժող Ռոբերտ Հովսեփյանին, որի շորերը պատառոտված էին, մազերը՝ խառնված, «լավ չէր վիճակը»: Նրանք գողության կասկածանքով բաժին էին բերման ենթարկվել 2012թ. հոկտեմբերի 3-ին, ժամը 22-23-ի սահմաններում (մինչդեռ, ըստ արձանագրության, նրանք բերման էին ենթարկվել հաջորդ օրը ժամը 15.00-ին): Վկա Ք.Սիմոնյանը ոստիկանության բաժնում պահվել է շուրջ 24 ժամ, իր նկատմամբ բռնություններ չեն գործադրվել:

Ոստիկանության Կենտրոնականի բաժնի 2 օպերլիազորի կողմից պաշտոնեական լիազորություններն անցնելու, մասնավորապես, խոշտանգումների և պաշտոնեական կեղծիք կատարելու վերաբերյալ գործը քննվում է Կենտրոն եւ Նորք-Մարաշ վարչական շրջանների ընդհանուր իրավասության դատարանում, որի այսօրվա դատական նիստում վկա Սիմոնյանը հայտարարեց, որ մինչ ոստիկանության բաժին տարվելը Ռոբերտ Հովսեփյանի մարմնին ու դեմքին վնասվածքներ չեն եղել:

Վկան հայտնեց, որ իրեն ու իր ընկերներին ոստիկանները «բռնել, տարել են բաժին», կոնկրետ ոստիկանների բառերը չի հիշում, բայց հասկացել է, որ նրանք ոստիկաններ են:

Բաժնում «աղջկա շորերով տղաների» գտնվելու մասին լսել է տուժող Ռոբերտ Հովսեփյանի հորից: Հիշեցնենք, որ ըստ տուժողի ցուցմունքի, ոստիկանները արվամոլներ էին բերել բաժին՝ սպառնալով, որ «եթե խոստովանական ցուցմունքներ չտաս՝ կփչացնենք»:

Վկան հայտարարեց, որ ինքը ոստիկանների հետ երբեք չի համագործակցել: Այդպիսով նա հերքեց ավելի վաղ Ոստիկանության կենտրոնականի բաժնի ավագ օպերլիազոր, գործով վկա Սամվել Առաքելյանի հայտարարությունը, թե Քերոբ Սիմոնյանն իր հետ համագործակցող անձն է, այսինքն՝ գործակալը, և դրանով են բացատրվում իր հեռախոսահամարից նրա հեռախոսահամարին կատարված զանգերը:

Մեղադրող Ջոն Ֆարխոյանը արձանագրեց, որ բերման ենթարկվելու օրվա դրությամբ թմրակախվածությունից բուժում ստացող Ք.Սիմոնյանը հոկտեմբերի 4-ին իր բուժումը չի ստացել՝ ոստիկանության բաժնում գտնվելու պատճառով: Իսկ օպերլիազորներ, ամբաստանյալներ Խաչիկ Բախբուդարյանի և Արտակ Բարսեղյանի պաշտպան Լիպարիտ Սիմոնյանը կարծիք հայտնեց, որ ի նպաստ տուժողի այսօրվա ցուցմունքը պայմանավորված է մեկ այլ գործով ի նպաստ իրեն տուժողի տված ցուցմունքով՝ դրա շնորհիվ վկան ժամանակին չէր դատապարտվել:

Երևանի Կենտրոն և Նորք-Մարաշ վարչական շրջանների դատարանում՝ դատավոր Մնացական Մարտիրոսյանի նախագահությամբ, հետազոտվեցին գործով գրավոր ապացույցները, այդ թվում՝ դատաբժշկական փորձաքննության եզրակացությունը: Ըստ դրա, տուժողը ստացել է ձախ ականջի թմբկաթաղանթի թափածակում, ինչը առողջության տևական քայքայմամբ միջին ծանրության վնաս է և այն, փորձագետի եզրակացության համաձայն, անմիջական հարվածի հետևանք է:

Հունիսի 18-ի դատական նիստում ցուցմունքներ կտան ամբաստանյալները: