Գագիկ Խաչատրյանի որդիներն իր հետ կապ չունե՞ն

ԲՈԼՈՐ ՆՅՈՒԹԵՐԸ

Բոլորը

05/04/2024 19:44 Ինչ- որ անելու ենք` կանենք, կտեսնեք. Միքայել արքեպիսկոպոս Աջապահյան 05/03/2024 13:50 Ես Վարդենիսից եմ, եկել եմ ստեղ, որ գնամ էդ հանձնվող հողը համբուրեմ, հրաժեշտ տամ. քաղաքացին դիմեց ոստիկաններին (տեսանյութ) 05/04/2024 07:59 Ի վերջո, ինչպե՞ս են առևանգվել Արցախի ղեկավարները, ովքե՞ր են խառնված այս պատմությանը. «Փաստ» 05/03/2024 13:15 ԱԺ-ում կրքերը բորբոքվեցին. «Իմ հետ «դու»-ով չխոսե՛ք, չհամարձակվե՛ք 05/04/2024 15:49 Բագրատ Սրբազանը ծնկի եկավ ու ստացավ Լենա տատի օրհնությունը. Տավուշից սկսվեց դեպի Երեւան քայլերթը 05/03/2024 16:46 Մտավախություն կա, որ Ն․ Փաշինյանի հեռացման դեպքում կկրկնվի արցախյան սցենարը. Ներքաղաքական զարգացումների դեպքում Ադրբեջանի հնարավոր հարձակումը զսպող միջազգային երաշխիքներ են պետք (Տեսանյութ) 05/04/2024 18:49 Ուժեղ կարկտահարություն՝ Արմավիրում 05/04/2024 10:31 Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր 05/04/2024 21:57 Մեղրիից մինչև Տավուշ՝ Ադրբեջանն ունի 15 զինվորական զորամաս՝ 45. 000 զինծառայողներով. Վոլոդյա Հովհաննիսյան 05/04/2024 16:54 Փաշինյանը յասաման է նվիրել Աննա Հակոբյանին. նոր տեսանյութ է տարածել 05/04/2024 21:41 Հաղարծին վանքում Բագրատ Սրբազանը հնչեցրեց այսքան սպասված զանգերը 05/03/2024 18:15 Ուկրաինայի հետախուզությունը զգուշացնում է առանցքային քաղաքի մոտալուտ կորստի մասին 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ» 05/03/2024 11:34 Բագրատ արքեպիսկոպոս Գալստանյանը Կիրանց է մեկնում 05/03/2024 13:04 Կիրանցի Կադաստրի քարտեզը և ապագա սահմանը. Վարուժան Գեղամյան 05/04/2024 14:47 Ֆրանսիահայ լրագրողը, ըստ ԱԱԾ-ի, վտանգ է ներկայացնում ՀՀ-ի համար. Թոքի քաղցկեղ ունեցող Լեո Նիկոլյանը շարունակում է հացադուլը. Նրա վիճակը վատթարացել է 05/03/2024 19:04 Տավուշյան շարժումից որևէ արդյունք չեմ սպասում, շատերը դրան մասնակցում են ուղղակի ներկա լինելու համար. քաղաքագետ 05/03/2024 22:15 Կիրանցի բնակիչները բացել են միջպետական ճանապարհը․ Դանիելյան 05/03/2024 23:31 Բախվել են ավտոմեքենաներ․ կան տուժածներ և մեկ զոհ 05/04/2024 14:11 Ադրբեջանցիները ոչնչացրել են Ստեփանակերտի հերոսների պանթեոնը

Գագիկ Խաչատրյանի որդիներն իր հետ կապ չունե՞ն 05/18/2013 10:51 | ՀՐԱՏԱՊ ԹԵՄԱ

Գագիկ Խաչատրյանը շահերի բախման իրավիճակում չի գտնվել. այս եզրակացությանն է հանգել բարձրաստիճան պաշտոնատար անձանց էթիկայի հանձնաժողովը` ուսումնասիրելով Պետական եկամուտների կոմիտեի նախագահի անվան հետ կապվող ընկերությունների եւ նրա զբաղեցրած դիրքի միջեւ շահերի բախման հնարավորությունը:

Հիշեցնենք, որ Հանձնաժողովը վարույթ էր հարուցել «Թրանսփարենսի Ինթերնեշնըլ» հակակոռուպցիոն կենտրոնի դիմումի հիման վրա, որում, վկայակոչելով մամուլի հրապարակումները, «Թրանսփարենսի Ինթերնեշնըլ»-ը հայտնում էր, որ Գագիկ Խաչատրյանի անվան հետ են կապվում մի շարք խոշոր ընկերություններ:

Հանձնաժողովի որոշման մեջ նաեւ հստակեցվում է, որ մամուլում հիշատակվող այդօրինակ 14 ընկերություններից 2-ը` «Ապեյրոն»-ը եւ «Մեգամոթորս»-ը, իրոք, պատկանում են ՊԵԿ նախագահի որդիներին, 4-ը` նրա հետ փոխկապակցված այլ անձանց` հորեղբոր եւ հորաքրոջ որդիներին:

Բայցեւայնպես, հանձնաժողովի եզրակացությամբ, նույնիսկ, երբ հարցը վերաբերել է Գ.Խաչատրյանի մոտ հարազատներին, ընտանիքի անդամներին, հանձնաժողովի եզրակացությամբ, ՊԵԿ նախագահը ոչ մի գործողություն չի արել, որ շահերի բախման իրավիճակում կհայտնվեր եւ չի խախտել էթիկան:

Ի դեպ, Գագիկ Խաչատրյանի` Հանձնաժողովի ներկայացրած գույքի, եկամուտների եւ փոխկապակցված անձանց հայտարարագրում, հիշյալ ընկերությունների հետ իր որդիների ունեցած կապի մասին որեւէ հիշատակում չկա: Նրանց ունեցվածքը հայրը չի հայտարարագրել եւ չի հիշատակել որպես փոխկապակցված անձինք: Հանձնաժողովի կայքում հրապարակված հայտարարագրում նշված է միայն, որ ՊԵԿ նախագահն ստացել է 8 463 500 դրամ աշխատավարձ: Իսկ նրա ունեցվածքը կազմել է 278 000 000 դրամ, 2 980 000 դոլար:

Գագիկ Խաչատրյանն իր ընտանիքի անդամներից հայտարարագրել է միայն կնոջ եկամուտները, որոնք աշխատավարձի տեսքով կազմել են 671 740 դրամ, իսկ ունեցվածքը հայտարարագրվող տարում եղել է 188 000 000 դրամ, 2 765 200 դոլար: Ի դեպ, որեւէ այլ եկամտի աղբյուր կամ ունեցվածք պաշտոնյան ու իր կինը չեն հայտարարագրել, այդ թվում նաեւ` տուն կամ ավտոմեքենա:

Ինչեւէ, վերադառնալով, Հանձնաժողովի` Գ.Խաչատրյանի վերաբերյալ կայացրած որոշմանը, նշենք, որ հանձնաժողովի որոշումը «Թրանսփարենսի Ինթերնեշնըլ»-ը ստացել է մայիսի 17-ին, մինչդեռ այն կայացվել է մայիսի 3-ին:

Ի դեպ, եթե հակակոռուպցիոն կենտրոնը չհրապարակեր ի պատասխան իր դիմումի ստացած հանձնաժողովի որոշումը, հասարակությունն այդպես էլ չէր իրազեկվի այս հարցի վերաբերյալ պաշտոնական կառույցի ուսումնասիրության արդյունքների մասին:

Ընդգծենք, որ Հանրային ծառայությունների մասին ՀՀ օրենքը հստակ պարտադրում է Հանձնաժողովին իր որոշումները հրապարակել կայքում 5 աշխատանքային օրվա ժամկետում:

Ոչ միայն այս, այլեւ Վանաձորի քաղաքապետի վերաբերյալ նույն օրը կայացրած որոշումները մինչեւ այժմ էլ կայքում տեղադրված չեն:

Մինչդեռ օրենքով դրա համար սահմանված ժամկետն ավարտվել է մայիսի 14-ին: Ինչպես արդեն տեղեկացրել էինք, օրենքի այս խախտումը Հանձնաժողովից «Փաստինֆո»-ին մեկնաբանեցին տեխնիկական խնդիրներով:

Ավելորդ չէ հիշել, որ 1.5 տարի առաջ ՀՀ նախագահի հրամանով ստեղծված Հանձնաժողովի գործառույթներն են բարձրաստիճան պաշտոնյաների եւ նրանց հետ փոխկապակցված այլ անձանց հայտարարագրերի ռեեստրի վարումը, հայտարարագրերի վերլուծությունը եւ հրապարակումը, բարձրաստիճան պաշտոնատար անձանց շահերի բախման բացահայտումը:

Կոռուպցիոն ռիսկերի բացառման նպատակով, Հանձնաժողովի անդամներն ստանում են բավական բարձր աշխատավարձ. անդամները` 600 000, նախագահի տեղեկալը` 640 000, իսկ նախագահը 680 000 դրամ:

Հեղինակ` Նելլի Դանիելյան