ԲՈԼՈՐ ՆՅՈՒԹԵՐԸ
Քաղաքական բոյկոտն իրավական կատեգորիա չէ 04/17/2013 18:02 | Վերլուծություններ
Սահմանադրական դատարանն ապրիլի 16-ին բավականին ուշագրավ որոշում կայացրեց, որն անսպասելի էր թե դիմող և թե պատասխանող կողմերի համար: Այն նաև առաջացնում է Ազգային ժողովի կանոնակարգ-օրենքի որոշ դրույթների վերանայման անհրաժեշտություն:
Ինչպես «Փաստինֆո» գործակալությունը նախօրեին տեղեկացրել էր, ՍԴ-ն, ելնելով ԱԺ-ի երեք տասնյակից ավելի պատգամավորների դիմումի հիման վրա գործի քննության արդյունքներից, որոշեց, որ նրանց կողմից վիճարկվող ԱԺ կանոնակարգ-օրենքի 44-րդ հոդվածի 4-րդ մասը համապատասխանում է ՀՀ սահմանադրությանը:
Դիմող կողմը գտնում էր, որ այս դրույթը, որով սահմանվում է, որ նիստն իրավազոր է, եթե սահմանված կարգով գրանցվել է պատգամավորների ընդհանուր թվի կեսից ավելին, այն է՝ քվորումն ապահովված է, արտահերթ նիստի կամ նստաշրջանի մասով հակասում է Սահմանադրության 70-րդ և 71-րդ հոդվածներին: Ըստ դիմողի, պատգամավորների ընդհանուր թվի առնվազն մեկ երրորդի նախաձեռնությամբ ԱԺ արտահերթ նիստ կամ նստաշրջան հրավիրելու մասին Սահմանադրության 70-րդ հոդվածով սահմանված իրավունքն իմպերատիվ և բացարձակ հնարավորություն է ընձեռնում քաղաքական փոքրամասնությանը: Իսկ արտահերթ նիստի կայացման համար քվորումի սահմանումը հակասում է նաև Սահմանադրության 71-րդ հոդվածին, քանի որ այն քվորումի պահանջ է սահմանում միայն օրենքների և Ազգային ժողովի որոշումների ընդունման դեպքում:
Հիշեցնենք, որ ՍԴ դիմելու առիթ էր հանդիսացել ԱԺ-ի քաղաքական մեծամասնության կողմից քաղաքական փոքրամասնության նախաձեռնությամբ հրավիրված 2012թ.-ի նոյեմբերի 21-ի խորհրդարանի արտահերթ նիստի տապալումը:
Այդուհանդերձ, նախօրեին ՍԴ-ն իր որոշման մեջ անդրադարձավ պատգամավորների կողմից չվիճարկված, սակայն, ըստ դատարանի, համակարգային առումով փոխկապակցված ԱԺ կանոնակարգ-օրենքի մեկ այլ՝ 99-րդ հոդվածի 4-8 մասերի դրույթների սահմանադրականությանը: ՍԴ-ն որոշեց, որ այդ դրույթներն այն մասով, որով առկա ընթացակարգերը պատգամավորի «լիազորությունների դադարում» սահմանադրական ինստիտուտը գործնականում փոխակերպում են ԱԺ-ի որոշմամբ նրա «լիազորությունների դադարեցման» ինստիտուտի, ճանաչել Սահմանադրության 67-րդ հոդվածին հակասող և անվավեր:
Այս հոդվածների անդրադառնալու առիթ էր հանդիսացել պատասխանող կողմի՝ ԱԺ քաղաքական մեծամասնության ներկայացուցչի, բացատրությունը, թե իրենք քաղաքական փոքրամասնության նախաձեռնությամբ հրավիրված նիստը բոյկոտել են քաղաքական դրդապատճառներով: ՍԴ-ն ուսումնասիրել էր ԱԺ կանոնակարգ-օրենքն ամբողջությամբ և գտել, որ քաղաքական բոյկոտն իրավական առումով անհիմն է, քանի որ կանոնակարգ-օրենքի 99-րդ հոդվածով հստակ սահմանում են քվեարկությանը չմասնակցելու երկու հնարավոր դեպքեր՝ երբ պատգամավորը հանդես է եկել տվյալ քվեարկությանը մասնակցելուց հրաժարվելու մասին հայտարարությամբ և երբ խմբակցության ղեկավարը կամ քարտուղարը քվեարկությունից առաջ Ազգային ժողովի նիստում հանդես են եկել տվյալ քվեարկությանը խմբակցության նիստում գրանցված բոլոր անդամների մասնակցելուց հրաժարվելու մասին հայտարարությամբ: Հետևաբար՝ մյուս բոլոր բացակայություններն անհարգելի են և պետք է ՀՀ սահմանադրության 67-րդ հոդվածով սահմանված կարգով առաջացնեն իրավական հետևանքներ: Այն է՝ ԱԺ-ի մեկ հերթական նստաշրջանի ընթացքում քվեարկությունների ավելի քան կեսից անհարգելի բացակայելու դեպքում պատգամավորի լիազորությունները դադարում են:
Դատարանը միաժամանակ արձանագրեց, որ իրոք առկա է ԱԺ-ի քաղաքական փոքրամասնության իրավունքների պաշտպանության խնդիր, ինչը պայմանավորված է ոչ թե վեճի առարկա՝ քվորումի պահանջը սահմանող դրույթով, այլ ԱԺ կանոնակարգ-օրենքի 99-րդ հոդվածի 4-8 մասերի իրավակարգավորումներով:
Ըստ ՍԴ-ի, գործնականում, անկախ հարգելի բացակայությունների վերաբերյալ օրենքով նախատեսված հիմքերի, ԱԺ-ին կանոնակարգ-օրենքի 99-րդ հոդվածով, որով սահմանվում է նստաշրջանի ընթացքում քվեարկություններից անհարգելի բացակայելու դեպքում պատգամավորի լիազորությունների դադարման կարգը, իրավասություն է վերապահվում որոշումով լուծել հարգելի կամ անհարգելի համարելու հարցը: Դա, ՍԴ-ի գնահատմամբ, ըստ էության, դառնում է պատգամավորական մեծամասնության կամաարտահայտումը: Դատարանը գտավ, որ նման պայմաններում մեծ վերապահումով կարելի է խոսել պատգամավորական փոքրամասնության իրավունքների պաշտպանվածության կամ Սահմանադրության 67-րդ հոդվածի վերոհիշյալ դրույթի ուղղակի գործողության մասին:
ՍԴ-ի ուշադրության կենտրոնում հայտնված ԱԺ կանոնակարգ-օրենքի 99-րդ հոդվածի 4-8 մասերով, մասնավորապես, սահմանվում է, որ նախորդ հերթական նստաշրջանի ընթացքում քվեարկությունների ավելի քան կեսից անհարգելի բացակայած պատգամավորների բացակայության հարցը ընդգրկվում է հերթական նստաշրջանի առաջին չորսօրյա նիստերի օրակարգում: Յուրաքանչյուր պատգամավորի բացակայությունների վերաբերյալ որոշման նախագիծը քննարկվում է առանձին: Մեկ հերթական նստաշրջանի ընթացքում քվեարկությունների ավելի քան կեսից պատգամավորի բացակայելն անհարգելի համարելու մասին Ազգային ժողովի որոշումն ընդունվում է գաղտնի քվեարկությամբ, քվեարկությանը մասնակցած պատգամավորների ձայների մեծամասնությամբ, եթե քվեարկությանը մասնակցել է պատգամավորների ընդհանուր թվի կեսից ավելին: Վերոհիշյալ որոշման հիման վրա կազմվում է պատգամավորի լիազորությունների դադարման մասին արձանագրություն, որն ստորագրում է Ազգային ժողովի նախագահը և հնգօրյա ժամկետում ուղարկում Կենտրոնական ընտրական հանձնաժողով:
ՍԴ-ն, ինչպես արդեն տեղեկացրել ենք, գտավ, որ այս դրույթները հակասահմանադրական են այնքանով, որ պատգամավորի «լիազորությունների դադարում» սահմանադրական ինստիտուտը գործնականում փոխակերպում են ԱԺ-ի որոշմամբ նրա «լիազորությունների դադարեցման» ինստիտուտի:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/18/2024 08:18 Մարզպետն ասել է՝ պատ կդնենք․ «Հրապարակ»
- 05/18/2024 08:12 Փաշինյանը անտրամադիր ու հյուծված տեսք է ունեցել․ «Հրապարակ»
- 05/18/2024 08:08 Ով է իրականացնում ցուցարարներին ցրելու, ծեծելու ինստրուկտաժը․ «Հրապարակ»
- 05/18/2024 08:05 Ինչ են առաջարկում քաղաքական ուժերը Սրբազանին․ «Հրապարակ»
- 05/18/2024 08:03 ՔՊ-ն գնում է ԵՄ` ռուսական զորքերով․ ստորաբաժանումները կշարունակեն մնալ ՀՀ-Իրան և ՀՀ-Թուրքիա սահմաններին. «Ժողովուրդ»
- 05/18/2024 07:53 Փորձում են «այլընտրանքներ» գտնել ու մոբիլիզացնել սատելիտներին. «Փաստ»
- 05/18/2024 07:48 Հայտնի է ԱԺ պատգամավոր Հայկ Սարգսյանի ընտանիքին պատկանող խանութի պայթյունի գործով կասկածյալի անունը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/18/2024 11:22 Տուգանային հրապարակում «կալանավորված» մեքենաները սկսել են ազատ արձակել. Մելիքյան
- 05/18/2024 10:49 ԱԺ նախագահը հանդիպում է Տիխանովսկայայի հետ, նշանակում է, որ չի ճանաչում Լուկաշենկոյին որպես օրինական նախագահ, իսկ Բածկան մուռ պահող մարդ է. քաղաքագետ
- 05/18/2024 10:33 Բերձորի դասը առավել արդիական է հիմա. Տավուշի ու Արարատի մարզերի առաջիկա հանձումները բերելու են նրան, որ Ադրբեջանը արդեն կարողանալու է ուզած ժամանակ շրջափակել Հայաստանի հյուսիսն ու հարավը. Գեղամյան
- 05/18/2024 08:00 Ապրօրինի զենք պահելու կասկածով ձերբակալվածներն ազատ արձակվեցին
Արխիվ
Արտակարգ պատահարներ
- 05/18/2024 10:37 Երևան-Գյումրի ավտոճանապարհին ավտոմեքենան դուրս է եկել ճանապարհի երթևեկելի հատվածիցև հայտնվել դաշտամիջյան հատվածում. կա զոհ և տուժած
- 05/17/2024 18:24 Փրկարարները գետից դուրս են բերել որոնվող քաղաքացու դին
- 05/17/2024 11:23 Խոշոր հրդեհ «Շոփինգ Սիթի» առևտրի կենտրոնում. ամբողջությամբ այրվել է մոտ 1000 քմ տարածքում գտնվող 6 տաղավար
- 05/17/2024 10:58 Շիրակի մարզում վերաերթի է ենթարկվել քրեական հետախուզության բաժանմունքի օպերլիազորը. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 05/17/2024 18:31 Արեգակի ակտիվության պատճառով Երկրի վրա կարող են ավելանալ ուժգին փոթորիկները՝ զգուշացնում են մասնագետները
- 05/10/2024 16:29 Արեգակի վրա ուժեղ բռնկում է եղել. առաջիկա օրերին մագնիսական փոթորիկներ են սպասվում
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ